2 Pita 2:14 - Vengo (Babungo)

¹⁴ Vəŋ bɨꞌtə sheꞌ vənu və vəki maa mətii vəŋ ghee nshə. Kaꞌ vəŋ kee bwà fɨ maa məyɨ vənu vəbwəvə me. Vəŋ bweꞌsə vɨɨ mbɨə faŋ vəŋ kee luu vəweꞌ maa nu Nwi me, laa vəŋ yɨ vənu vəbwəvə nɨzi. Vəŋ kəə sheꞌ sey ka nə vətɔ. Kəŋ vɨɨ vɔ́ lùu taa nsɔꞌ Nwi.

2 Pita 2:14 ပူးပေါင်းရင်းမြစ်များ

Matiu 12:34

Aŋ viŋ, vaŋ-zɔ-vəshay, sii kaꞌ viŋ gì nu jəə kɨkə, faŋ viŋ lùu vɨɨ bwənə. Lùu vənu mbɨə faŋ mbə yaa kɨ lwaŋ taa fwi wə, faŋ wə ghɔ́ gisə.

Matiu 23:14

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fi ndɔꞌ fɨ ghɔ vəki ŋkusə, zɨ, ndɔ shɔ̀ꞌtə Nwi nə təgi təyaŋ, tay dɨdɨꞌ maa məboꞌ sɨ vɨɨ. Nɨniŋ, nsɔꞌ njyə faŋ Nwi ndɔ kwaŋ maa viŋ, ndɔ weꞌ shɔ̀ɔ ki.

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 5:28

Luu nə, mə gì ŋkaŋ tɨ́ viŋ laa, kɨ luu wə ye wəzwi, sə, buu ŋwə duꞌtə ŋwə tii wəzwi ghɔ́ fɨ taa fwi ŋwə.

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Jeyms 1:8

buꞌ laa ŋwə lùu wə faŋ ŋwə kìi fwisə bɔɔ maa Nwi, kee ghɨ̀sə maa nu kəmuꞌ me.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

2 Pita 3:16

Taa vəŋwaꞌlə vi vənshə faŋ ŋwə nə nyɔ̀ꞌ kɔ̀ŋ vənu vɔ́ tɨ́ viŋ, ŋwə nə nyɔ̀ꞌ sheꞌ nɨniŋ. Luu nə, vənu vəmɔ́ꞌ taa vəŋwaꞌlə vɔ́ lùu vəweꞌ. Vɨɨ mbɨə faŋ vəŋ kee kìi tɔ ley me, faŋ vəŋ kee tɨ̀ŋ vəweꞌ maa nu ŋkɨə faŋ vəŋ biŋ me, vəŋ ndì yigi yɔ́ kwiinə, sheꞌ faŋ vəŋ ndì yigi fɨ taa ŋwaꞌlə Nwi, kwìinə nɨzi. Faŋ vəŋ yɨ nɨniŋ, vəŋ suŋ nsɔꞌ Nwi, nùŋ tɔ vəŋ.

1 Jɔn 2:16

buꞌ laa vətɔ vɔ́ vənshə, faŋ lùu vənu faŋ ŋwaa wə kàw, nə vənu və ka, nə nu faŋ sɨ kàw, nə məghaysə ŋwaa, kee ndɔ fɨ ghɔ Nwi me; mbə ndɔ sheꞌ fɨ shɨ nsi.

Ŋwaꞌlə Jud 1:11

Ŋkə ndɔ luu ŋkee kəbwə tɨ́ vəŋ. Vəŋ toꞌ ghuu yitoꞌ Kayin, yɨ vənu vəbwəvə maa məkii ka yaa Balaam nə yɨ̀sə yighee vɨsɨ. Vəŋ ndɔ kukə buꞌ məshii vəŋ, yuu vəŋ nywenə nu Nwi, yaa Kora nə yɨ̀ buu ku.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.