2 Pita 2:12 - Vengo (Babungo)

¹² Vɨɨ vɔ́ gisə bwə kɔ̀ŋ vənu faŋ vəŋ kee kɨ̀ɨ nə mbə me, vəŋ yɨ vənu yaa nyaasə faŋ nsə kee kìi tɔ ley maa məbɨꞌtə nu me. Nyaasə kee kɨ̀ɨ nə nu me, kaꞌ wə jia zwi. Yinsəŋ vɨɨ vɔ́ ndɔ ndi yaa nyaasə sɔ́.

2 Pita 2:12 ပူးပေါင်းရင်းမြစ်များ

Mark 7:22

nə nu mətii vəki, nə nu məsəsə vətɔ, nə nu yibɨsə njyoꞌ, nə nu kəmfuŋsə, nə nu məzɨ shɨ, nə məshiasə vɨɨ, nə nu məndeynə vɨɨ nə sɨ bwənə, nə mənda wə, nə məkoꞌsə ŋwaa, nə nu mfaw,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:21

Yeso baa kɨ gì tɨ́ vəŋ laa, «Mə gɨgə nə ŋwaa ŋwaa nə. Viŋ taa kəə mə dɨdu, kɨ kukə nə vənu vəbwəvə viŋ maa viŋ. Shəŋ ŋkɨə faŋ mə gə shɔ, kaꞌ viŋ kee kɨ̀ɨ nə jɨɨ jwì shɔ me.»

Galatia 6:8

Wə ntɨə faŋ ŋwə yɨsə vənu sheꞌ maa nshɨ-tɔ wi, ŋwə ndɔ ndi. Gə fɨ maa wə ntɨə faŋ ŋwə yɨsə vənu buꞌ Zwitə Nwi, ŋwə ndɔ zɨ məbwey vəlwaŋ faŋ ŋwə ndɔ̀ fɨ maa Zwitə Nwi.

Kɔlɔsii 2:22

Maa vətɔ vɔ́ vənshə luu sheꞌ shɔ laa mbə shɔ̀ɔ fɨ taa ŋwaa wə, kɨ nii yindi. Kəŋ ntɨsə sɔ́ ndɔ̀ sheꞌ fɨ taa mbɨꞌtə vɨɨ. Nsə lùu sheꞌ nuŋsə faŋ dèesə vɨɨ nə.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.

2 Pita 2:19

Vəŋ kɔꞌnə vɨɨ vɔ́ laa vəŋ ndɔ duꞌ tɔ vəŋ, luu nə, nshɨ-tɔ vəŋ faŋ vəŋ gisə yigi yɔ́ nə, lùu vəbuꞌ tɨ́ nu bwə, nu bwə kɨ bii ka vəŋ. Viŋ kɔꞌ kɨɨ laa fa tɨ̀ me fa faŋ ŋkə sɔꞌ wə, wə ghɔ́ lùu buꞌ tɨ́ fa kɔ́.

Ŋwaꞌlə Jud 1:10

Gə fɨ maa vɨɨ vɔ́, vəŋ ndasə vənu faŋ vəŋ kee kɨ̀ɨ nə mbə me. Vəŋ lùu yaa nyaasə taa gay faŋ nsə kee yaa kɨ bɨꞌtə nu me. Vəŋ yɨsə vənu sheꞌ yaa nyaasə, faŋ nsə yaa kɨ yɨsə vənu, kee bee bɨꞌtə nu shɔ me. Vəŋ yɨ nɨniŋ, buu ndìsə sheꞌ vənu vɔ́ ndìsə vəŋ.