2 Pita 2:1 - Vengo (Babungo)

¹ Luu nə, vɨɨ faŋ vəŋ nəə toꞌ, sɨ̀ɨ təba, gisə yigi laa lùu yigisə shuu Nwi, nə lùu taa ŋwaa vɨɨ Nwi nɨzi. Ŋkə ndɔ lùu taa ŋwaa viŋ sheꞌ nɨndɨŋ, vɨɨ ndɔ jwi faŋ vəŋ toꞌ deesə təba tɨ́ vɨɨ. Vəŋ taa kɨ toꞌ taa ŋwaa viŋ fɨ yiba, deesə mədeesə bwə, faŋ ŋwə taa bɨsə mbɨꞌtə vɨɨ. Vəŋ ndɔ twey tɨta Yeso, faŋ ŋwə nə bwèysə vəŋ fɨ maa vənu vəbwəvə vəŋ. Luu nə, sheꞌ fɨkɨꞌ nee, Nwi taa kwaŋ vəŋ ŋkee taa ŋɨꞌ.

2 Pita 2:1 ပူးပေါင်းရင်းမြစ်များ

Matiu 10:33

Gə fɨ maa wə ntɨə faŋ ŋwə twèy mə vɨsɨ vɨɨ, mə ndɔ twey ŋwə nɨzi vɨsɨ Tii ŋwaa faŋ ŋwə luu yizɔ.

Matiu 24:11

Vɨɨ məsɨɨ təba maa yigisə Nwi fuu mbi vəyaŋ, kɨ bweꞌsə vɨɨ vəyaŋ.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 24:5

Vɨɨ vəyaŋ ndɔ fuu taa mbi, kɨ tii təzii təvəŋ maa yizii nyaa, gisə laa vəŋ lùu Kristo, wuu məbweysə vɨɨ Nwi, kɨ bweꞌsə vɨɨ vəyaŋ shɔ.

Matiu 7:15

«Viŋ kɨ tɔfə buꞌ vɨɨ məbweꞌsə vɨɨ faŋ vəŋ gi laa vəŋ lùu nshiisə-ŋii sɔghɔ, faŋ kee tɔŋ Nwi tɔŋ vəŋ me. Vəŋ jwi yuu bisə-njɨɨ, luu nə, fɨ təŋ vəŋ lùu vəbɔɔ vəbwəvə.

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Lukas 12:9

Wə ntɨə faŋ ŋwə twèy mə taa ŋwaa vɨɨ, buu vɨ ndɔ twey ŋwə nɨzi vɨsɨ nshiisə-ŋiisə Nwi.

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Lukas 6:26

Ndwaŋ tɔ viŋ faŋ vɨɨ vənshə bəŋsə yizii yiŋ ndwə. Luu sheꞌ faŋ vətɨɨ vəvəŋ nəə yɨsə maa nshiisə-ŋii sɔghɔ səbwəsə, faŋ vəŋ nəə sɨɨ təba nə.»

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

1 Kɔrintian 6:20

Viŋ kɔꞌ kɨɨ laa Yeso Kristo nə ywàŋ viŋ ŋkee nə mənshi mi, faŋ ŋwə nə kù tɔ nsiŋ nə. Nɨniŋ, viŋ kɨ ndɨ yiŋwaa yiŋ maa məbəŋsə Nwi!

1 Kɔrintian 7:23

Viŋ lumə laa Kristo nə ywàŋ viŋ nə mənshi mi, viŋ gu vɨɨ vi. Faŋ viŋ lùu vəbuꞌ və Kristo nə, kɨ viŋ gu vəbuꞌ və vɨɨ me.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Galatia 4:17

Vɨɨ vɔ́ faŋ vəŋ kəə bweꞌsə viŋ nə, nu vəŋ kee lùu kəjəə me. Vəŋ kəə laa viŋ gaasə yiŋwaa yiŋ fɨ maa mə, tɨ́ kaꞌ viŋ kɨ zɔnə vəŋ. Vəŋ kəə ndì fwi siŋ maa vəŋ.

Galatia 5:20

nə məfeꞌ vənwi vədayday, nə mfisə, nə mbeenə, nə ntaysə, nə ŋkəŋsə, nə fwi yishəsə, nə vəŋwiŋ, nə məgaasə yiŋwaa vəway vəway,

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

1 Timoti 5:8

Wə kɨ luu kee kɨ gaŋtə vɨɨ yikuu vi, ŋkee mbə fɨ ŋiꞌ ŋii ŋwə me, buu ŋwə mèꞌ nu Kristo, bɨ̀ shɔ̀ɔ wə faŋ ŋwə kee kɨ̀ɨ nə nu Nwi me.

2 Timoti 4:3

A kɔꞌ kɨɨ laa yighee ndɔ kɨ jwi, faŋ nu yinsəŋ Nwi ndɔ bɨ tɨ́ vɨɨ, vəŋ twey maa məzɔ, gə̀ kɨ kəə vɨɨ mədeesə vəŋ, faŋ vəŋ gisə sheꞌ vənu faŋ mbə sɨꞌsə tɨ́ vəŋ.

Taytəs 1:11

Bàw vɨ kɨ fəŋ vəŋ, buꞌ laa vəŋ kiasə ŋkee yishuu yindɔꞌ yi vɨɨ, nyə gu, buꞌ faŋ vəŋ fɨꞌtə vənu faŋ mbə kee yikuꞌnə me. Vəŋ yɨ̀ nɨniŋ sheꞌ maa məkəə ka, faŋ lùu nu tɔ dɨɨ.

Taytəs 3:10

Wə mɔ́ꞌ lùu shɔ faŋ ŋwə yaa kɨ jwi nə ŋgaasə taa ŋwaa vɨɨ Nwi, a tɨ ŋwə yighee muꞌ, tɨꞌnə me ghee bɔɔ. Ŋwə kee zɔ me, a fəŋ ŋwə.

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

1 Pita 1:8

Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

1 Jɔn 2:26

Mə ŋwaꞌlə nu kɔ́ tɨ́ viŋ buꞌ vɨɨ mbɨə faŋ vəŋ kəə bweꞌsə viŋ nə.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Ŋwaꞌlə Jud 1:18

Vəŋ nəə gisə laa, vɨɨ ndɔ fuu maa yighee shə, kɨ shɨꞌ nu Nwi. Lùu vɨɨ faŋ vəŋ kee kɨ̀ɨ nə Nwi me, yɨ sheꞌ vənu faŋ yiŋwaa vəŋ kàw.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 2:13

«Mə kɔꞌ kɨɨ nə shəŋ ŋkɨə faŋ a shi shɔ nə. Lùu shəŋ ŋkɨə faŋ ŋkaw Satan, tɨɨ vəzwitə vəbwəvə, lùu shɔ. Luu nə, a kee bìŋ ŋwə me; a jìa luu yizii nyaa. A nə kee ta twey maa məbiŋ nu kaŋ me. A nə jìa nu kaŋ ŋkee maa yighee njyə faŋ vɨ nə zwi Antipas, faŋ ŋwə nə bìŋ nu kaŋ ntee nə fwi yijəə nə, shɨ viŋ, faŋ Satan shi shɔ nə.

Reveleyshən 2:9

«Mə kɔꞌ kɨɨ nə ŋɨꞌ yə, nə bəə kə. Luu nə, a kìi yiyaŋ maa jɨɨ yiday. Mə kɨɨ nə ndisə vɨɨ nɨzi, faŋ vəŋ ndasə ghɔ shɔ nə. Lùu vɨɨ faŋ vəŋ gì laa vəŋ lùu vɨɨ Jus. Luu nə, vəŋ kee lùu vɨɨ Jus yinsəŋ me. Ŋii məshəŋtə vəŋ lùu ŋii məshəŋtə Satan, tɨɨ vəzwitə vəbwəvə.

Reveleyshən 3:8

«Mə kɨɨ nə vənu və. Ye mɔɔ, mə ŋaꞌsə shuufwə, meꞌtə zizi tɨ́ ghɔ, kaꞌ wə kee baa fəŋ me. Mə ŋaꞌsə tɨ́ ghɔ nɨniŋ nə, buꞌ laa wutə kə lùu kətɨtiꞌ. Luu nə, a jìa yigisə nyaa, kee twèy mə me.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.

Reveleyshən 6:10

yùmə nəŋay laa, «Tɨɨ mbi faŋ a bàw shɨlə, baa lùu wuu yinsəŋ, a ndɔ baa tay kɨkə, buu sɔꞌ vɨɨ fɨ shɨ nsi, yuu kwaŋ vəŋ taa nsɔꞌ buꞌ laa vəŋ nə zwìlə yia nə?»