2 Pita 1:8 - Vengo (Babungo)

⁸ Viŋ kɔꞌ kɨɨ laa, viŋ kɨ luu kɨ yɨsə vənu vɔ́, gə vɨsɨ vɨsɨ, buu məkɨɨ faŋ viŋ kɨ̀ɨ nə tɨta Yeso Kristo nə, kee ndɔ luu nu dayday me. Vənu vəjəəvə ndɔ fuu fɨ maa vənu vənshə faŋ viŋ yɨsə.

2 Pita 1:8 ပူးပေါင်းရင်းမြစ်များ

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Matiu 20:3

Ŋwə baa fuu faŋ shɨshwi bee saylə, yè vɨɨ mɔ́ꞌ faŋ vəŋ dùꞌ taa yiwiŋ dayday.

Matiu 20:6

Kɨ lùu maa vəshɨshwi tee, ŋwə gə, yè vɨɨ faŋ vəŋ tɨtɨŋnə shɔ. Ŋwə gi tɨ́ vəŋ laa, «Sii yɨ̀ kə buu viŋ duꞌ dayday shi ŋkwəŋ?»

Matiu 25:26

Tɨɨ faꞌ wi bəŋsə tɨ́ ŋwə laa, «A lùu wuu faꞌ bwə, baa lùu wuu bəə ŋay. A yaa kɨɨ laa mə shwi faŋ mə kee yisɔ me, baytə faŋ mə kee yimɔꞌ me lee?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:2

Ntaŋ tɨ̀ me ntaŋ faŋ ŋwə kee kwaanə vətaŋ me, buu vɨ taa fà ntaŋ ghɔ́, mèꞌ. Gə̀ fɨ maa ntaŋ faŋ ŋwə kwaanə jəə, ŋwə baa fìi, tɨ́ kaꞌ vətaŋ kɨ kwaanə shɔ jəə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:42

Mə kɔꞌ kɨɨ laa viŋ kee kàw Nwi taa fwisə viŋ me.

Roma 12:11

Viŋ kɨ faꞌ nə wutə, kee bəə ŋay me, faꞌ luu fɨ maa Zwitə Ley Nwi, faꞌ tɨ́ Nwi nə fwi yimuꞌ.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 13:5

Nɨniŋ, bàw viŋ kwaꞌtə nu kiŋ laa fwi yiŋ lùu ghɔ Kristo mu? Viŋ fɨꞌnə nu kiŋ maa nshɨ-tɔ wiŋ. Maa viŋ kɨɨ nə yiŋwaa laa Yeso lùu taa fwisə viŋ? Ŋwə nii toꞌ kee lùu shɔ me, buu nu kiŋ kee yikuꞌnə me.

2 Kɔrintian 8:2

Faŋ Nwi nə kɔlə mɔ̀ŋ vəŋ maa ŋɨꞌ yiyaŋ, vəŋ ŋaytə shɔ̀ɔ ki, bàytə vətɔ vəyaŋ maa məkɔ, kɔ nə fwi yimuꞌ, faŋ vəŋ kɔlə kee kìi vətɔ me.

2 Kɔrintian 8:7

Vəkeynə və Zwitə Nwi yàŋ taa ŋwaa viŋ. Viŋ nùŋ fwi siŋ maa Kristo, wèꞌ shɔ, baa luu weꞌ maa məfɨꞌtə nu Nwi. Yitɔfə baa lùu yiyaŋ taa ŋwaa viŋ, viŋ faꞌ nə wutə maa vənu vənshə, kii ŋkawnə maa yia. Nɨniŋ, bàw faꞌ ŋkawnə ŋwə̀ fuu jəə taa ŋwaa viŋ nɨzi.

2 Kɔrintian 9:14

ndwaŋ Nwi tɔ viŋ. Jɨŋ yiŋ kɨ zasə vəŋ nɨzi, buꞌ gəŋsə Nwi, faŋ Nwi nə gaŋtə viŋ shɔ̀ɔ ki nə.

Filipi 1:9

Nɨniŋ, mə shɔꞌtə Nwi tɔ viŋ laa viŋ kɨ kaw yiŋwaa yiŋ, viŋ viŋ, gə vɨsɨ vɨsɨ, kɨɨ nə Nwi nə nu jəə.

Filipi 2:5

Bàw mbɨꞌtə yiŋ fɨ taa fwisə viŋ lùu yaa njyə Yeso Kristo:

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

1 Tesalonika 3:12

Bàw tɨta Kristo yɨsə ŋkawnə yiŋ yaŋ, viŋ kɨ kawnə yiŋwaa yiŋ, baa luu kaw vɨɨ vənshə, gə vɨsɨ vɨsɨ, ŋkə lwaŋ taa fwisə viŋ bə̀, sheꞌ faŋ yia kàw viŋ nə.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

1 Timoti 5:13

Vɨ kɨ luu kɨ gaŋtə vəŋ, buu vəŋ zwètə maa mətoꞌ dayday, ŋii ŋii, fuu ŋii, buꞌ faŋ faꞌ vəŋ kee lùu shɔ nə me. Vəŋ kɨ nii tey kɨ toꞌ buꞌ məlɔꞌ, ghaysə vədɨꞌ, gisə vənu faŋ mbə kee yikuꞌnə me.

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Filemon 1:6

Mə buꞌ ghɔ tɨ́ Nwi laa məbiŋ wə, faŋ nsiŋ faynə nùŋ fwi saŋ-nsiŋ maa Yeso Kristo nə, yɨsə a kɨɨ maa məyɨ vənu vəjəəvə vənshə faŋ mbə lùu taa ŋwaa nsiŋ buꞌ Yeso Kristo.

Hibru 6:12

Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

2 Pita 1:2

Nwi kuꞌsə viŋ, kɔ mənɔŋ-bwaŋnə tɨ́ viŋ, viŋ kɨ gə vɨsɨ vɨsɨ, faŋ viŋ zɔ nu Nwi nə nu Yeso Kristo, faŋ lùu tɨta ŋwaa-nsiŋ nə.

2 Pita 1:3

Nwi faŋ ŋwə kìi wutə kənshə, kèy nsiŋ nə vənu vənshə, faŋ mbə kùꞌnə maa məzɨ məbwey vəlwaŋ, nə maa məshi nə nshinə yijəə. Nwi nə kɔ̀ vənu vɔ́ tɨ́ nsiŋ buꞌ faŋ nsiŋ kɨ̀ɨ nə Yeso Kristo, faŋ ŋwə nə shòꞌ nsiŋ nə wutə ki, baa nə taa nshinə yijəə yi nə.

2 Pita 2:20

Gə fɨ maa vɨɨ mbɨə faŋ vəŋ nə nyɨ̀ŋ vənu vəbwəvə faŋ mbə lùu mbi nə, buꞌ faŋ vəŋ nə kɨ̀ɨ nə tɨta Yeso Kristo faŋ lùu wuu məbweysə vɨɨ nə, kɨ luu laa vəŋ baa bə̀ŋ gə̀ bèꞌsə vənu vəbwəvə vɔ́, ŋìi taa vənu vəbwəvə vɔ́, mbə fi vəŋ, buu ŋkə bɨ̀ maa vəŋ shɔ̀ɔ yighee vɨsɨ faŋ vəŋ nə kee ta kɨ̀ɨ nə Yeso Kristo me.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.