2 Pita 1:7 - Vengo (Babungo)

⁷ Faŋ viŋ zɔnə Nwi nɨniŋ nə, viŋ kɨ kaw vaŋ-nshwi viŋ maa yizii Yeso Kristo. Faŋ viŋ kaw vaŋ-nshwi viŋ nɨniŋ nə, viŋ kɨ kaw vɨɨ vənshə.

2 Pita 1:7 ပူးပေါင်းရင်းမြစ်များ

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Kɔlɔsii 3:14

Nu ŋkɨə faŋ ŋkə shɔ̀ɔ vənu vəjəəvə vɔ́ vənshə, lùu laa viŋ kaw wə nə wə. Viŋ kɔꞌ kɨɨ laa ŋkawnə yɨsə vɨɨ faynə gu fa kəmuꞌ. Nshinə vəŋ kɨ nii bàw shɨlə.

1 Tesalonika 3:12

Bàw tɨta Kristo yɨsə ŋkawnə yiŋ yaŋ, viŋ kɨ kawnə yiŋwaa yiŋ, baa luu kaw vɨɨ vənshə, gə vɨsɨ vɨsɨ, ŋkə lwaŋ taa fwisə viŋ bə̀, sheꞌ faŋ yia kàw viŋ nə.

1 Tesalonika 5:15

Viŋ kɨ ye laa kɨ wə bəŋsə bwə nə bwə me. Viŋ bee kii kɨ yɨ̀sə jəə maa viŋ, viŋ viŋ, baa luu yɨ̀sə jəə maa vɨɨ vənshə.

Hibru 13:1

Viŋ kɨ kaw nə yiŋwaa yiŋ, kee bwa me.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:17

Viŋ bəŋsə vɨɨ vənshə yuu ŋkə kùꞌnə, kaw vaŋ-nshwi viŋ, baa fèe Nwi, baa bə̀ŋsə fwàŋ.

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.

1 Jɔn 3:14

Nsiŋ kɔꞌ kɨɨ laa, nsiŋ fuu fɨ shuu yiku, ŋìi taa məbwey vəlwaŋ. Nsiŋ kɨɨ buꞌ faŋ nsiŋ kaw vaŋ-nshwi vaŋ-nsiŋ. Wə ntɨə faŋ ŋwə kee kaw weenshu wi me, gòꞌ shuu yiku.

1 Jɔn 3:16

Nu ŋkɨə faŋ kaꞌ nsiŋ kɨ̀ɨ nə nu məkaw wə fɨ fuŋ, lùu faŋ Yeso nə bìŋ yiku, kù tɔ nsiŋ nə. Ŋkaŋ-nsiŋ nu kɨ nii lùu laa, nsiŋ baa luu bìŋ yiku tɔ vaŋ-nshwi vaŋ-nsiŋ.

1 Jɔn 4:21

Maa ntɨ njyə faŋ Yeso nə tɨ nsiŋ shɔ nə, lùu laa, wə ntɨə faŋ ŋwə kaw Nwi, kɨ kaw weenshu wi nɨzi.