2 Pita 1:6 - Vengo (Babungo)

⁶ Faŋ viŋ toꞌ nə yitɔfə nə, viŋ kɨ jia yiŋwaa yiŋ, baa weꞌ maa vənu vɔ́. Faŋ viŋ nuŋsə, jìa vənu vɔ́, wèꞌ shɔ nə, viŋ baa kɨ zɔnə Nwi nɨzi.

2 Pita 1:6 ပူးပေါင်းရင်းမြစ်များ

Lukas 21:19

Viŋ ndɔ kɨ jia fwi yiŋ maa ŋɨꞌ, kɔꞌ kɨ bɨbiŋ, buu viŋ ndɔ fi məbwey vəlwaŋ faŋ ŋwə gòꞌsə yighee muꞌ.»

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Roma 15:4

Nɨniŋ, vənu vənshə faŋ vɨɨ ywaŋ-vɨsɨ nə nyɔ̀ꞌ nə, vəŋ nə ŋwàꞌlə laa nsiŋ kɨ zwetə fɨ fuŋ. Baa nə laa nsiŋ kɨ jiatə yiŋwaa nyaa-nsiŋ, baa zwisə fwi saŋ-nsiŋ nɨzi, kɨꞌ məbwey vəlwaŋ fɨ ghɔ Nwi.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 8:25

Luu nə, nsiŋ kɨ luu kɨ kɨꞌ fa faŋ nsiŋ kee ta yiye me, bàw nsiŋ jia fwi, kɨ kɨꞌ.

1 Kɔrintian 9:25

Wə tɨ̀ me wə faŋ ŋwə gì laa yi taa sɨɨnə ghuu, lootə ŋwaa wi ŋkee jəə, mèꞌtə vənu vəyaŋ, tɨ́ kaꞌ ŋwaa wi weꞌ. Ŋwə yɨ̀sə nɨniŋ laa ŋwə kìi vəkeynə. Vəkeynə mbɨə faŋ ŋwə kəə mbə nə, lùu fa faŋ kaꞌ ŋkə bɨ. Luu nə, vəkeynə mbɨə faŋ nsiŋ tə̀ sɨ shɔ laa nsiŋ taa kii nə, lùu məbwey vəlwaŋ faŋ kaꞌ ŋwə kee ndɔ bɨ me.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

Galatia 5:23

nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me.

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

2 Tesalonika 1:4

Nshɨ-tɔ wia ŋaytə, baa bə̀ŋsə viŋ fɨ taa vəməshəŋtə və vɨɨ Nwi, buꞌ laa viŋ jìa fwi siŋ, nùŋ sheꞌ maa Kristo ghee nshə, faŋ vɨɨ shoꞌ ghuu ghiŋ, kwaŋ ŋɨꞌ maa viŋ nə.

2 Tesalonika 3:5

Tɨta Kristo kiasə fwi siŋ, viŋ kɨ kaw vɨɨ faŋ Nwi kaw viŋ nə! Viŋ jia fwi siŋ fɨ taa ŋɨꞌ, sheꞌ faŋ Kristo nə jìa fwi yi nə!

1 Timoti 2:10

Bàw vəlɔꞌ vəvəŋ luu sheꞌ vənu vəjəəvə faŋ vəŋ yɨsə. Lùu faŋ ŋkə kùꞌnə tɨ́ vəki faŋ vəŋ kəə kɨ bəŋsə Nwi.

1 Timoti 2:2

Viŋ kɨ shɔꞌtə Nwi nɨniŋ tɔ vəfwàŋ nə vəshɨꞌ vənshə, tɨ́ kaꞌ nsiŋ kɨ duꞌ jəə, baa duꞌ bwaŋnə, bəŋsə Nwi maa vənu vənshə, baa duꞌ maa jɨɨ yiley.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

1 Timoti 6:11

Gə fɨ maa ghɔ, wuu Nwi, nyɨŋ vənu vɔ́, bèꞌsə fɨ jɨŋ nu ŋkɨə faŋ lùu nu loomə, baa nə nu məbəŋsə Nwi, nə maa mənuŋ fwi maa Kristo, nə məkaw vɨɨ, nə maa məjia fwi taa ŋɨꞌ, nə nu məduꞌ bwaŋnə.

1 Timoti 6:3

Wə kɨ luu kɨ deesə nu Nwi kədaykə, kee bìŋ yigisə tɨta ŋwaa-nsiŋ Yeso Kristo, faŋ lùu nu yinsəŋ nə me, buu wə ghɔ́ koꞌsə ŋwaa wi. Wə kɨ luu kɨ deesə nu faŋ ŋkə kee kùꞌnə maa məbəŋsə Nwi shɔ me,

1 Timoti 6:6

Yinsəŋ, nu məbəŋsə Nwi jwi nə nu jəə tɨ́ wə, faŋ ŋwə suꞌsə ŋwaa wi nsi.

2 Timoti 3:5

Vəŋ boꞌ sɨ vɨɨ, fɨnə vɨɨ məbəŋsə Nwi, luu nə, kee biŋ laa wutə Nwi ŋii maa vəŋ me. Bàw a kɨ buꞌsə fɨ yɨ kəŋ vɨɨ vɔ́.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Hibru 10:36

Nu ŋkɨə faŋ ŋkə bàw tɨ́ viŋ, lùu laa viŋ goꞌsə viŋ vɨ Kristo, kee bwa me, tɨ́ kaꞌ viŋ kɨ yɨsə nu ŋkɨə faŋ too Nwi kàw, buu viŋ taa fi məbwey vəlwaŋ faŋ Nwi nə kɔꞌnə tɨ́ viŋ nə.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 6:12

Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

Hibru 6:15

Buꞌ ŋkɔꞌnə Nwi yɔ́, Abraham jia fwi yi, kɨ kɨꞌ, kee bwa me, buu kii fa ŋkɨə faŋ Nwi kɔꞌnə maa məkɔ tɨ́ ŋwə nə.

2 Pita 1:3

Nwi faŋ ŋwə kìi wutə kənshə, kèy nsiŋ nə vənu vənshə, faŋ mbə kùꞌnə maa məzɨ məbwey vəlwaŋ, nə maa məshi nə nshinə yijəə. Nwi nə kɔ̀ vənu vɔ́ tɨ́ nsiŋ buꞌ faŋ nsiŋ kɨ̀ɨ nə Yeso Kristo, faŋ ŋwə nə shòꞌ nsiŋ nə wutə ki, baa nə taa nshinə yijəə yi nə.

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 13:10

Kɨ luu Nwi nuŋsə wə maa məŋii taa ŋii mfiŋ, buu ŋwə ndɔ ŋii mfiŋ. Kɨ luu Nwi nuŋsə wə laa vɨ zwi ŋwə nə baꞌ yighaw, buu vɨ ndɔ zwi ŋwə nə baꞌ yighaw. Bàw laa vɨɨ ley Nwi kɨ jiatə fwisə vəŋ, nùŋsə fwisə vəŋ sheꞌ maa Nwi buꞌ nu kɔ́.

Reveleyshən 14:12

Nɨniŋ, ŋkə bàw laa vɨɨ ley Nwi faŋ vəŋ jia ntɨsə Nwi, baa nùŋ fwisə vəŋ maa Yeso nə, kɨ jia fwisə vəŋ, kee biŋ nyaa yɔ́ me.

Reveleyshən 2:2

«Mə kɨɨ nə vənu və, nə vəfaꞌ faŋ a faꞌ tɨ́ Nwi nə wutə nə, baa kɨ̀ɨ faŋ a jìa fwi yə taa ŋɨꞌ, baa bèe vənu vəbwəvə, mɔ̀ŋ vɨɨ mbɨə faŋ vəŋ gi laa vəŋ lùu vɨɨ ntɔŋ Kristo, luu nə, kee lùu me. A mɔŋ vəŋ, ye laa vəŋ lùu vɨɨ təba mu.