2 Pita 1:5 - Vengo (Babungo)

⁵ Nɨniŋ, mə gì tɨ́ viŋ, faŋ viŋ bìŋ Yeso Kristo nə, laa viŋ kəweꞌ, shi nshinə yiŋ faŋ nyə bàw shɨ̀lə. Faŋ viŋ shi nə nshinə yijəə yɔ́ nə, viŋ kɨ toꞌ nə yitɔfə nɨzi.

2 Pita 1:5 ပူးပေါင်းရင်းမြစ်များ

Lukas 16:26

Nu mɔ́ꞌ baa lùu laa, ŋkee ŋkɔŋ kwalə shɔ faŋ ŋkə gaasə nsiŋ, tɨ́ kaꞌ wə kee ndɔ fɨ njɨɨ yia, gə yɨ viŋ me, wə kee ndɔ fɨ njɨɨ viŋ, dee jwì feenə me.»

Lukas 24:21

Luu nə, yia nəə bɨꞌtə laa ŋwə lùu wə ntɨə faŋ ŋwə ndɔ bweysə vɨɨ Isirayl. Vənu vɔ́ gày, ŋkə lùu ndee yaa vəshi vətia.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

Efesɔs 5:17

Nɨniŋ, kɨ viŋ lùu yaa vəmfaw me, luu nə, kɨɨ faŋ ŋkitə tɨta ŋwaa-nsiŋ lùu.

Filipi 1:9

Nɨniŋ, mə shɔꞌtə Nwi tɔ viŋ laa viŋ kɨ kaw yiŋwaa yiŋ, viŋ viŋ, gə vɨsɨ vɨsɨ, kɨɨ nə Nwi nə nu jəə.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

Kɔlɔsii 1:9

Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

Kɔlɔsii 2:3

Luu sheꞌ Kristo faŋ ŋwə luu ŋkwa faŋ ŋwə ŋaꞌsə jɨɨ tɨ́ vɨɨ, laa vəŋ kii tɔ ley yinsəŋ, baa kɨ̀ɨ nə vənu ŋkee jəə. Kəŋ tɔ ley kɔ́ kìi sey tɨ́ vɨɨ.

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Hibru 6:11

Yia kəə sheꞌ laa wə tɨ́ me wə fɨ taa ŋwaa viŋ kɨ faꞌ nə wutə, gə ziꞌ maa vəndwə, kee bwa me, tɨ́ kaꞌ viŋ ndɔ kii məbwey vəlwaŋ faŋ viŋ tə̀ sɨ shɔ nə.

1 Pita 3:7

Gə fɨ maa viŋ, vəndɔŋ, viŋ duꞌ jəə viŋ vɨ vəki viŋ. Viŋ kɨ tɔfə buꞌ laa viŋ kɔꞌ kɨɨ laa wutə vəki kee kùꞌ ghɔ ŋkiŋ me. Viŋ kɨ zɔnə vəŋ nɨzi, buꞌ laa Nwi kɔ̀ məbwey vəlwaŋ tɨ́ viŋ vɨ vəŋ vənshə dayday. Viŋ kɨ yɨ nɨniŋ, tɨ́ kaꞌ nu kəmuꞌ kee ghɔ̀ꞌ viŋ faŋ viŋ shɔꞌtə Nwi me.

2 Pita 1:10

Nɨniŋ, vaŋ-nshwi vaŋ, viŋ kɨ tɨŋnə weꞌ maa vənu vɔ́, laa viŋ ndɔ zɨ vənu mbɨə faŋ Nwi nə tìi viŋ shɔ nə. Viŋ kɨ luu kɨ beꞌsə vənu vɔ́, kaꞌ viŋ kee ndɔ baa gu me.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.