2 Pita 1:16 - Vengo (Babungo)

¹⁶ Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.

2 Pita 1:16 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 17:1

Vəshi kɨ shɔɔ ntɔfə, Yeso ndi Pita nə Jeyms nə Jɔn, weenshu Jeyms, ghɔ vɨ vəŋ koꞌ fuu baŋ yidə yimɔ́ꞌ sheꞌ vəŋ vəŋ.

Matiu 24:27

Yighee njyə faŋ Wuu yinsəŋ Nwi ndɔ baa bə̀ŋ jwì, vɨ ndɔ kɨ gwəkə ye ŋwə maa vəshəŋ vənshə. Ŋkə ndɔ luu sheꞌ yaa yibay faŋ nyə yaa kɨ ndɔ fɨ kwiŋ ntɔŋ-shɨshwi, ndwaꞌlə gə ziꞌ kwiŋ mfiŋ-shɨshwi.

Matiu 24:3

Vəŋ shɔɔ gə̀ dùꞌ fuu baŋ vətɨ və məŋgwə. Vəŋ kɨ dùꞌ yifi, vɨɨ məzwetə nu Yeso shəŋtə jwi yɨ ŋwə, sheꞌ vəŋ vəŋ, gì tɨ́ ŋwə laa, «Naysə yighee njyə faŋ nu kɔ́ ndɔ gay tɨ́ yia, nə shwenə ŋkɨə faŋ ŋkə ndɔ də laa yighee kɨkuꞌ faŋ a ndɔ bəŋ jwi, baa nə faŋ mbi ndɔ ndwə nə.»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Mark 13:26

Vɨ kɨ nii yè Wuu yinsəŋ Nwi faŋ ŋwə ndɔ bəŋ jwì fɨ taa mbɔꞌ nə wutə Nwi. Vɨɨ vənshə ndɔ fee ŋwə.

Mark 14:62

Yeso bəŋsə tɨ́ ŋwə laa, «Ɔŋ, luu mə. Viŋ ndɔ ye Wuu yinsəŋ Nwi faŋ ŋwə ndɔ duꞌnə ŋkee fuu ŋkaw kwi maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə, faŋ ŋwə ndɔ jwi taa mbɔꞌ fɨ yizɔ.»

Lukas 1:2

Vɨɨ mbɨə faŋ vəŋ nə yè vənu vɔ́ nə sɨ, shù fɨ maa vənzi, fɨ̀ꞌtə nu Nwi tɨ́ nsiŋ, nàysə vənu vɔ́ tɨ́ nsiŋ.

Lukas 9:43

Shuu vɨɨ vənshə yɔŋ buꞌ wutə Nwi, faŋ ŋkə luu ŋkee kəkwalə. Maa yighee yɔ́ faŋ shuu vɨɨ vənshə nə yɔ̀ŋ maa vənu vənshə faŋ Yeso nəə yɨsə nə, ŋwə gi tɨ́ vɨɨ məzwetə nu ki laa,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Roma 1:4

Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,

1 Kɔrintian 1:17

Kristo nə kee tɔ̀ŋ mə laa mə kɨ toꞌ kɔ muu mə Nwi tɨ́ vɨɨ me. Ŋwə nə tɔ̀ŋ mə laa mə kɨ toꞌ fɨꞌtə ntɔŋ yijəə Nwi tɨ́ vɨɨ. Mə nəə kee toꞌ gisə yigi yisɨꞌsə nə yigisə tɔ ley maa məyɨ laa vɨɨ biŋ ntɔŋ yɔ́ me. Mə nəə kəə laa vɨɨ kɔꞌ kɨɨ nə ŋiꞌ yiku Yeso faŋ ŋwə nə kù tɔ nsiŋ fuu fəŋkɔꞌ fə ŋkɨꞌsə nə. Kɨ ŋkə gu nu dayday tɨ́ vəŋ me.

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 1:7

Nɨniŋ, viŋ kee bəə tuu nu fɨ maa vənu vənshə faŋ Zwitə Ley Nwi yaa kɨ kɔ tɨ́ vɨɨ nə me. Viŋ baa luu kɨꞌ Tɨta ŋwaa-nsiŋ Yeso Kristo faŋ ŋwə ndɔ baa fuu, də̀ ŋwaa wi tɨ́ nsiŋ nə.

1 Kɔrintian 2:1

Vaŋ-nshwi vaŋ, viŋ lumə faŋ mə nə fɔŋ jwì yɨ viŋ, mə nə kee ndɨ̀ yitɔfə fɨ taa mbi nyə̀ me, tɨꞌnə me jwì nə shuu sɨꞌsə maa məfɨꞌtə nu Nwi tɨ́ viŋ me.

1 Kɔrintian 2:4

Faŋ mə nə fɨ̀ꞌtə nu Nwi tɨ́ viŋ nə, mə nə kee ndɨ̀ yitɔfə wə mənsaw maa məsuŋ viŋ me. Nə gaŋtə sheꞌ Zwitə Nwi nə wutə ki gaŋtə mə maa mədə tɨ́ viŋ laa lùu nu yinsəŋ faŋ mə fɨꞌtə nə.

1 Kɔrintian 5:4

Nu ŋkɨə tɨ́ kaꞌ viŋ yɨ̀, lùu laa viŋ shəŋtə shəŋ muꞌ maa yizii Yeso Kristo. Zwitə kaŋ taa lùu taa ŋwaa viŋ nɨzi. Viŋ ndɨ wutə fɨ ghɔ tɨta Yeso,

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

1 Tesalonika 2:19

Nu ŋkɨə tɨ́ kaꞌ yia ŋaytə shɔ vɨsɨ tɨta ŋwaa-nsiŋ Yeso maa yighee njyə faŋ ŋwə ndɔ bəŋ jwi nə, taa luu kə? Nu ŋkɨə tɨ́ kaꞌ vɨ ndɔ bəŋsə yia shɔ, yia nùŋ fwi sia shɔ, lùu kə? Maa luu sheꞌ viŋ.

2 Tesalonika 2:9

Ndɔ yɨsə Satan, tɨɨ vəzwitə vəbwəvə, laa wuu ndwaŋ ghɔ́ fuu taa mbi, kɨ yɨsə vənu və shuu yɔŋvə vənshə, nə vəshwenə nə vənu və yifiŋtə, faŋ lùu sheꞌ vənu və təba.

1 Timoti 1:4

Naysə tɨ́ vəŋ laa vəŋ meꞌtə təgi kɔ̀ŋ vənu vədayday, nə təgi kɔ̀ŋ təzii təyaŋ, faŋ vəŋ gisə laa lùu təzii tə vɨɨ mwanə. Kəŋ vənu vɔ́ yaa kɨ yɨsə vɨɨ gaasə yiŋwaa nə yigi yiyaŋ. Kaꞌ mbə kee gaŋtə wə maa mənuŋ fwi maa Nwi me, tɨꞌnə me maa məfaꞌ faꞌ Nwi me.

1 Timoti 4:7

Wə kɨ luu jwi nə yigi dayday nə mətiitii mədayday mə wə mənsaw, laa lùu yigisə Nwi, a twey. Bàw a mwəsə ŋwaa wə maa nu məbəŋsə Nwi.

Taytəs 1:14

kee nùŋ tɔ vəŋ maa mətiitii mə vɨɨ Jus me, tɨꞌnə me maa nuŋsə vəŋ me, faŋ luu sheꞌ nuŋsə vɨɨ faŋ vəŋ mèꞌ nu yinsəŋ.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.

Ŋwaꞌlə Jud 1:14

Ŋkee fɨshi, Enok, faŋ lùu vəshiŋ və vɨɨ lwesə kwatia fɨ ghɔ Adam, nə gì nu ŋkɨə faŋ Nwi nə kwàŋ taa fwi ŋwə kɔ̀ŋ vɨɨ vì. Ŋwə nə gì laa, «Viŋ zɔ! Tɨta Nwi ndɔ jwi nə vɨɨ ley vi, vəmalia vəmalia,

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.