2 Pita 1:12 - Vengo (Babungo)

¹² Lùu nu ŋkɨə faŋ mə naysə tɨ́ viŋ ghee nshə, mə taa kɔꞌ kɨ lɨlumə vənu vɔ́ tɨ́ viŋ, faŋ viŋ kɔlə kɨ̀ɨ nə mbə, baa wèꞌ shɔ maa vənu və yinsəŋ vɔ́ faŋ viŋ kɨ̀ɨ nə mbə nə.

2 Pita 1:12 ပူးပေါင်းရင်းမြစ်များ

Akts 16:5

Nɨniŋ, vəməshəŋtə və vɨɨ Kristo weꞌ maa nu Nwi, nwaa vəŋ baa kùꞌsə shi shi.

Filipi 3:1

Vaŋ-nshwi vaŋ, vəndwə və yigi vaŋ lùu laa, viŋ kɨ ŋaytə maa tɨta Kristo. Faŋ mə kɔlə nyɔ̀ꞌ vənu faŋ mə nə tèꞌsə nyɔ̀ꞌ nə, mə kee bee yibwa maa mənyɔꞌ vənu vɔ́ me. Yigi yɔ́ taa kɨ yɨsə viŋ weꞌ maa nu Nwi.

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

2 Timoti 1:6

Nɨniŋ, mə kəə lumə tɨ́ ghɔ laa, a kɨ ndeynə laa vəkɔ mbɨə faŋ Nwi nə kɔ̀ tɨ́ ghɔ maa yighee njyə faŋ mə nə mɔ̀ꞌ ghɔ ŋaa tɔ ghɔ nə, kɨ faꞌ taa ŋwaa ghɔ,

Hibru 10:32

Viŋ lumə yighee njyə faŋ viŋ nə fɔŋ bìŋ nu Kristo nə. Maa yighee yɔ́ viŋ nə ye ŋɨꞌ buꞌ nu Kristo dɨdɨꞌ. Luu nə, viŋ nə kà fwi yiŋ, tɨ̀ŋnə weꞌ.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.

2 Pita 1:13

Mə ye laa ŋkə bàw laa mə taa kɔꞌ kɨ lɨlumə vənu vɔ́ tɨ́ viŋ, gə kɔ tɨ́ yighee njyə faŋ mə ndɔ bəə fɨ mbi.

2 Pita 1:15

Mə kəə yɨ̀ nu ŋkɨə faŋ kaꞌ mə yɨ̀ maa məkɔ jɨɨ tɨ́ viŋ, tɨ́ kɨ kaꞌ viŋ kɨ lumə vənu vɔ́ ghee nshə faŋ mə taa kɔlə bəə fɨ mbi.

2 Pita 3:1

Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.

2 Pita 3:17

Gə fɨ maa viŋ, vaŋ-nshwi vaŋ faŋ mə kàw, viŋ duꞌtə viŋ kɨɨ nə vənu vɔ́ ndwə. Nɨniŋ, mə naysə tɨ́ viŋ laa, viŋ ndi yighee, laa vɨɨ mbɨə faŋ vəŋ kee zɔnə Nwi me, kee yɨ laa viŋ fiŋ taa ghuu yitoꞌ vəŋ me. Kɨ viŋ kɔ jɨɨ tɨ́ vəŋ laa vəŋ yɨ viŋ meꞌtə shəŋ jəə ŋkɨə faŋ viŋ tɨ̀ŋnə shɔ nə me.

1 Jɔn 2:21

Mə kee nyɔꞌ nu kɔ́ tɨ́ viŋ buꞌ faŋ viŋ kee kɨɨ nə nu ŋkɨə faŋ ŋkə kùꞌnə me. Mə nyɔꞌ buꞌ laa viŋ kɨɨ nə nu kɔ́, baa nə laa viŋ kɔꞌ kɨɨ laa, tuu kee nu ba kəmuꞌ kee fùu fɨ taa nu ŋkɨə faŋ lùu nu yinsəŋ me.

2 Jɔn 1:2

Lùu nɨniŋ buꞌ nu yinsəŋ faŋ ŋkə lùu taa fwisə nsiŋ, baa gòꞌsə taa fwisə nsiŋ yighee muꞌ.

Ŋwaꞌlə Jud 1:17

Gə fɨ maa viŋ, vɨɨmba vaŋ faŋ mə kàw, viŋ lumə vənu mbɨə faŋ vɨɨ ntɔŋ Yeso nə fɨꞌtə laa mbə ndɔ gay.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.

Ŋwaꞌlə Jud 1:5

Bàw mə lumə vənu vəmɔ́ꞌ tɨ́ viŋ faŋ viŋ duꞌtə viŋ kɨ̀ɨ nə mbə. Ŋkee fɨshi, maa yighee njyə faŋ Nwi nə gàŋtə vɨɨ Isirayl laa vəŋ fuu fɨ shɨ Ijip, ŋwə kɨ nii zwìlə vɨɨ mbɨə faŋ vəŋ nə kee bìŋ Nwi me.