2 Pita 1:11 - Vengo (Babungo)

¹¹ Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

2 Pita 1:11 ပူးပေါင်းရင်းမြစ်များ

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:10

Ndɔꞌ yaa kɨ ŋii sheꞌ maa məshaw, nə maa məzwi, baa nə maa məbɨsə vətɔ. Gə̀ fɨ maa mə, mə nə jwì laa vɨɨ kii məbwey vəlwaŋ faŋ ŋwə kee yaa kɨ me me.»

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

1 Kɔrintian 15:24

Faŋ yiŋkii mè, vəndwə və mbi kɨ nii yikuꞌnə. Maa yighee yɔ́ Yeso Kristo ndɔ ghɔꞌ vənu vənshə faŋ mbə sɔ̀ꞌ mbi nyə̀, nə vətɔ vənshə faŋ mbə kìi wutə taa mbi. Ŋwə ndɔ ndisə wutə vəŋ, ndɔ̀ fì yifwàŋ yinshə, kɔ̀ tɨ́ Nwi.

2 Kɔrintian 5:1

Nsiŋ kɔꞌ kɨɨ laa yiŋwaa nyaa-nsiŋ lùu yuu vəbee faŋ vɨ ndɔ sɔꞌ. Yighee njyə faŋ vɨ ndɔ sɔꞌ vəbee vɔ́, nsiŋ kɨ nii fì yiŋwaa yimɔ́ꞌ fɨ ghɔ Nwi, faŋ nyə lùu yaa ŋii faŋ vɨ fianə taa yizɔ tɨ́ nsiŋ, kee fianə nə ghɔ me. Nyə taa goꞌsə yighee muꞌ.

Efesɔs 3:20

Nwi kɔꞌ kɨɨ maa məyɨ nu faŋ ŋkə shɔ̀ɔ vənu vənshə, shɔ̀ɔ vənu mbɨə faŋ nsiŋ buꞌ ghɔ shɔ tɨ́ ŋwə, baa shɔ̀ɔ vənu mbɨə faŋ nsiŋ bɨꞌtə. Wutə ki kwàlə shɔ̀ɔ ki, faꞌ taa fwisə nsiŋ.

1 Timoti 6:17

Kɨ̀ tɨsə vɨɨ faŋ lùu vɨɨ təka maa yighee mbi nyə̀ laa, kɨ vəŋ kɨ koꞌsə ŋwaa me, kee kɨ nuŋ fwi vəŋ maa ka faŋ lùu fa dayday me. Bàw vəŋ nuŋ fwi vəŋ sheꞌ maa Nwi, faŋ kɔ ŋwə kɔ vətɔ vənshə tɨ́ nsiŋ, mbə yaŋ, nsiŋ zɨ nə.

2 Timoti 4:18

Tɨta Yeso Kristo ndɔ baa kɨ fuusə mə fɨ taa vənu vəbwəvə vənshə faŋ vɨ kəə yɨsə maa mə, bwèysə mə, nùŋ mə maa nu yifwàŋ ki yizɔ. Bàw nsiŋ kɨ bəŋsə ŋwə ghee nshə, kee shia ki me. Ŋkə goꞌsə nɨniŋ.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Hibru 6:17

Sheꞌ nɨniŋ, Nwi nəə kəə də̀ tɨ́ vɨɨ mbɨə faŋ Nwi nə kɔꞌnə vəŋ nə, laa yi taa kɔ fa ŋkɨə faŋ yi kɔ̀ꞌnə tɨ́ vəŋ nə, kee kwìinə fwi yi me. Nɨniŋ, ŋwə lɨꞌtə nu ŋkɨə faŋ ŋwə kɔ̀ꞌnə nə.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 1:5

Nɨniŋ, mə gì tɨ́ viŋ, faŋ viŋ bìŋ Yeso Kristo nə, laa viŋ kəweꞌ, shi nshinə yiŋ faŋ nyə bàw shɨ̀lə. Faŋ viŋ shi nə nshinə yijəə yɔ́ nə, viŋ kɨ toꞌ nə yitɔfə nɨzi.

2 Pita 2:20

Gə fɨ maa vɨɨ mbɨə faŋ vəŋ nə nyɨ̀ŋ vənu vəbwəvə faŋ mbə lùu mbi nə, buꞌ faŋ vəŋ nə kɨ̀ɨ nə tɨta Yeso Kristo faŋ lùu wuu məbweysə vɨɨ nə, kɨ luu laa vəŋ baa bə̀ŋ gə̀ bèꞌsə vənu vəbwəvə vɔ́, ŋìi taa vənu vəbwəvə vɔ́, mbə fi vəŋ, buu ŋkə bɨ̀ maa vəŋ shɔ̀ɔ yighee vɨsɨ faŋ vəŋ nə kee ta kɨ̀ɨ nə Yeso Kristo me.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»

Reveleyshən 5:10

A baytə vəŋ maa yifwàŋ Nwi, vəŋ gu vɨɨ məfeꞌ Nwi nɨzi, ndɔ kɨ sɔꞌ shɨ nsi.»