2 Pita 1:10 - Vengo (Babungo)

¹⁰ Nɨniŋ, vaŋ-nshwi vaŋ, viŋ kɨ tɨŋnə weꞌ maa vənu vɔ́, laa viŋ ndɔ zɨ vənu mbɨə faŋ Nwi nə tìi viŋ shɔ nə. Viŋ kɨ luu kɨ beꞌsə vənu vɔ́, kaꞌ viŋ kee ndɔ baa gu me.

2 Pita 1:10 ပူးပေါင်းရင်းမြစ်များ

2 Pita 3:17

Gə fɨ maa viŋ, vaŋ-nshwi vaŋ faŋ mə kàw, viŋ duꞌtə viŋ kɨɨ nə vənu vɔ́ ndwə. Nɨniŋ, mə naysə tɨ́ viŋ laa, viŋ ndi yighee, laa vɨɨ mbɨə faŋ vəŋ kee zɔnə Nwi me, kee yɨ laa viŋ fiŋ taa ghuu yitoꞌ vəŋ me. Kɨ viŋ kɔ jɨɨ tɨ́ vəŋ laa vəŋ yɨ viŋ meꞌtə shəŋ jəə ŋkɨə faŋ viŋ tɨ̀ŋnə shɔ nə me.

Hibru 6:11

Yia kəə sheꞌ laa wə tɨ́ me wə fɨ taa ŋwaa viŋ kɨ faꞌ nə wutə, gə ziꞌ maa vəndwə, kee bwa me, tɨ́ kaꞌ viŋ ndɔ kii məbwey vəlwaŋ faŋ viŋ tə̀ sɨ shɔ nə.

2 Pita 1:5

Nɨniŋ, mə gì tɨ́ viŋ, faŋ viŋ bìŋ Yeso Kristo nə, laa viŋ kəweꞌ, shi nshinə yiŋ faŋ nyə bàw shɨ̀lə. Faŋ viŋ shi nə nshinə yijəə yɔ́ nə, viŋ kɨ toꞌ nə yitɔfə nɨzi.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.

1 Pita 1:5

faŋ Nwi shiinə viŋ nə wutə ki laa viŋ ndɔ zɨ̀ məbwey vəlwaŋ ghɔ́, faŋ viŋ nùŋ fwi siŋ maa ŋwə. Nwi nùŋ məbwey vəlwaŋ ghɔ́ laa ŋwə ndɔ fuu ntee maa yighee shə.

1 Pita 1:2

Tɨta Nwi nə kɨ̀ɨ nə viŋ fɨshi, shòꞌ viŋ laa Zwitə ki yɨsə viŋ luu vɨɨ vi, kɨ zɔnə ŋwə, baa nə laa Yeso Kristo tùtə mənshi mi tɔ viŋ, tɨ́ kaꞌ viŋ ley vɨsɨ Nwi. Nwi kuꞌsə mənɔŋ-bwaŋnə tɔ viŋ, baa nə məduꞌ-nyɔŋ!

Hibru 6:19

Nu ŋkɨə faŋ nsiŋ tə̀ sɨ shɔ, nə nu ŋkɨə faŋ ŋkə yɨ laa nsiŋ kìi fwi yiweꞌ, tɨŋnə weꞌ, lùu faŋ nsiŋ ndɔ ŋii shəŋ ŋkɨə faŋ Nwi lùu shɔ nə.

Matiu 22:14

Nwi yaa kɨ tii vɨɨ ŋkee vəyaŋ, luu nə, shòꞌ vɨɨ ŋkee vətɨtiꞌ.»

Roma 11:29

Lùu nɨniŋ buꞌ laa kaꞌ Nwi kee baa twèy nu ŋkɨə faŋ ŋwə nə kèe gəŋsə vɨɨ, tii vəŋ nə mbii vɨɨ nə me.

Jeyms 2:10

Lùu nɨniŋ buꞌ laa, wə kɨ luu nuŋsə ntɨsə Nwi sənshə, gu ntɨ njyə yimuꞌ, buu ŋwə gù ntɨsə sənshə.

2 Pita 1:3

Nwi faŋ ŋwə kìi wutə kənshə, kèy nsiŋ nə vənu vənshə, faŋ mbə kùꞌnə maa məzɨ məbwey vəlwaŋ, nə maa məshi nə nshinə yijəə. Nwi nə kɔ̀ vənu vɔ́ tɨ́ nsiŋ buꞌ faŋ nsiŋ kɨ̀ɨ nə Yeso Kristo, faŋ ŋwə nə shòꞌ nsiŋ nə wutə ki, baa nə taa nshinə yijəə yi nə.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.