2 Pita 1:1 - Vengo (Babungo)

¹ Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 1:1 ပူးပေါင်းရင်းမြစ်များ

Matiu 10:2

Təzii tə vɨɨ vi vɔ́ njɔsə-bɔɔ nə, lùu nee: Saymon faŋ vɨ tii ŋwə nə Pita, nə Andru weenshu wi, nə Jeyms wee Zebedii, nə Jɔn weenshu wi,

Matiu 4:18

Yeso kɨ shɔ̀ɔ fɨ mbɨɨ maghia Galilii shi mɔ́ꞌ, yè vɨɨ vəbɔɔ faŋ vəŋ nə mɔꞌ ghuu susə vəŋ taa muu. Vɨɨ vɔ́ nə luu Saymon faŋ vɨ tii ŋwə nə Pita, ghɔ weenshu wi Andru. Vəŋ nə luu vɨɨ məkoo susə.

Lukas 1:47

Zwitə kaŋ ŋaytə, bəŋsə Nwi, wuu məbweysə ŋwaa,

Lukas 11:49

Buꞌ nu kɔ́ Nwi gì fɨ maa yitɔfə yi laa yi taa tɔŋ nshiisə-ŋii sɔghɔ nə vɨɨ ntɔŋsə tɨ́ vəŋ, vəŋ taa zwilə vəmɔ́ꞌ, shoꞌ ghuu vɨɨ mɔ́ꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:42

Nɨniŋ, Andru ndi weenshu wi, ghɔ ŋwə gə yɨ Yeso. Yeso ye Saymon, gì tɨ́ ŋwə laa, «A lùu Saymon, wee Jɔn, vɨ taa kɨ tii ghɔ nə Sifas.» Yizii Sifas luu sheꞌ yizii Pita faŋ lùu laa yighɔsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:21

Yeso baa gì tɨ́ vəŋ laa, «Mənɔŋ-bwaŋnə tɔ viŋ. Tɨta Nwi nə tɔ̀ŋ mə nə ntɔŋ. Nɨniŋ, mə tɔŋ viŋ ndwə nə ntɔŋ Nwi yɔ́.»

Akts 15:14

Saymon nii duꞌtə ŋwə naysə faŋ Nwi nə ndeynə vɨɨ faŋ nə kee lùu vɨɨ Jus me, shòꞌ vɨɨ fɨ taa ŋwaa vəŋ, vəŋ luu vɨɨ vi, bìŋ yizii yi.

Roma 1:1

Lùu mə, Pɔɔl, wuu faꞌ Yeso Kristo, faŋ mə nyɔꞌ ŋwaꞌlə ŋwə̀ tɨ́ viŋ, vɨɨ Kristo fɨ shɨ Rom. Tɨta Yeso nə tìi mə, shòꞌ mə maa wuu ntɔŋ wi, shòꞌ mə laa mə kɨ toꞌ fɨꞌtə ntɔŋ yijəə Nwi.

Roma 1:12

Baa nə laa fwi nyaa ndɔ zutə nɨzi, buꞌ faŋ nsiŋ nùŋ fwi saŋ-nsiŋ maa fa kəmuꞌ, faŋ lùu Yeso Kristo.

Roma 1:17

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 15:9

Fɨ taa ŋwaa vɨɨ ntɔŋ Yeso, mə luu ŋkee nshətə yiba. Mə kee kùꞌnə tɨ́ kaꞌ vɨ tìi mə laa mə lùu wuu ntɔŋ Yeso me, buꞌ laa mə nəə toꞌ zwilə vɨɨ Kristo yighee vɨsɨ.

1 Kɔrintian 9:1

Faŋ mə kɔlə gì nɨniŋ nə, mə kee lùu buꞌ tɨ́ nu me. Mə luu ŋkee wuu ntɔŋ Yeso Kristo. Maa mə nə yè Yeso Kristo faŋ lùu Tii ŋwaa-nsiŋ nə yisɨ. Nshɨ-tɔ wiŋ luu shwenə faꞌ ghɔ́ faŋ mə faꞌ tɨ́ tɨta Yeso Kristo nə.

2 Kɔrintian 4:13

Zwitə Nwi yɨsə yia nuŋ fwi sia maa nu Nwi, sheꞌ faŋ ŋkə lùu taa ŋwaꞌlə Nwi laa, «Mə nùŋ fwi nyaa maa Nwi, buu kɨ fɨꞌtə nu ki.» Sheꞌ nɨniŋ, yia nùŋ fwi sia maa Kristo, buu kɨ fɨꞌtə nu ki.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 2:8

Vəŋ nə ye laa Nwi, faŋ ŋwə nə kɔ̀ wutə tɨ́ Pita, laa Pita luu wuu ntɔŋ wi tɨ́ vɨɨ Jus, kɔ̀ wutə shee maa faꞌ ŋwaa nɨzi, laa mə luu wuu ntɔŋ wi tɨ́ vɨɨ məshɨ mə mbi məmɔ́ꞌ faŋ vɨ kee sɨ̀ɨtə vəŋ nə me.

Efesɔs 3:5

faŋ Nwi nə kee ta yɨsə laa vɨɨ kɨɨ nə nu kɔ́ me. Sheꞌ ndwə ŋwə yɨsə Zwitə Ley ki twelə tɨ́ vɨɨ ntɔŋ Kristo nə tɨ́ nshiisə-ŋii sɔghɔ, faŋ luu vɨɨ ley vi.

Efesɔs 4:11

Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə.

Efesɔs 4:5

Tɨɨ faꞌ wiŋ luu muꞌ. Viŋ biŋ Nwi maa jɨɨ yimuꞌ. Muu mə Nwi faŋ viŋ nə fi nə, lùu fəmuꞌ.

Filipi 1:1

Lùu mə, Pɔɔl, nə Timoti, faŋ yia lùu vɨɨ faꞌ Yeso Kristo nə, faŋ yia tɔ̀ŋ ŋwaꞌlə ŋwə̀ tɨ́ vɨɨ ley Nwi fɨ ntɨꞌ Filipi. Yia shɔꞌtə vɨɨ taa fɨ taa ŋwaa viŋ, nə vɨɨ mbɨə faŋ vəŋ lùu vətɔ viŋ, baa shɔꞌtə viŋ vənshə, faŋ viŋ lùu vɨɨ ley Nwi buꞌ Yeso Kristo.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

2 Timoti 1:5

Mə lumə faŋ a nùŋ fwi yə maa Kristo ŋkee maa yinsəŋ. Nshɨ nshu wə Lois nə nshu wə Yunis nə duꞌtə vəŋ nuŋ fwisə vəŋ maa Kristo, wèꞌ shɔ. Mə kɔꞌ kɨɨ laa məbiŋ wə lùu weꞌ nɨzi.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 2:7

Nyə gù fa bwey tɨ́ viŋ vɨɨ məbiŋ, faŋ viŋ nùŋ fwi siŋ shɔ nə. Luu nə, vɨɨ mɔ́ꞌ twèy nu Nwi. Maa ŋkə lùu taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii twey laa kee lùu ŋoꞌ məbɔŋ ŋii me, kìasə gù ŋoꞌ mfay ŋii.»

1 Pita 5:1

Gə fɨ maa vɨɨ taa fɨ taa nshəŋtə vɨɨ Nwi, mə baa kɔ yigisə ntɨ tɨ́ viŋ, yuu nshɨ-tɔ ŋwaa luu wuu taa nɨzi. Mə nə yè ŋɨꞌ njyə faŋ nyə nə ŋii Kristo nə, nə yisɨ. Mə ndɔ baa luu taa ŋwaa vɨɨ mbɨə faŋ vəŋ ndɔ zɨ nu yifwàŋ Nwi, ŋkɨə faŋ ŋkə ndɔ fuu ntee fɨkɨꞌ nə.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.