2 Jɔn 1:9 - Vengo (Babungo)

⁹ Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.

2 Jɔn 1:9 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:6

Wə tɨ̀ me wə faŋ ŋwə kee lùu taa ŋwaa mə me, buu vɨ taa shia ŋwə yaa təntaŋ tə tɨ tɔ́. Ntə yɔŋ, vɨ shaꞌ twàŋ taa wi, ntə kɨɨ, mè.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23

Nwi yɨ̀ nɨniŋ laa vɨɨ kɔ feenə tɨ́ ŋwiŋ wi, sheꞌ faŋ vəŋ fee tɨta Nwi nə. Nɨniŋ, wə ntɨə faŋ ŋwə kee fèe Wee Nwi ghɔ́ me, buu ŋwə nɨzi kee fee tɨta Nwi, faŋ ŋwə nə tɔ̀ŋ ŋwiŋ wi shɨ nsi nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:31

Yeso kɨ nii gì tɨ́ vɨɨ mbɨə faŋ vəŋ nə biŋ ŋwə nə laa, «Viŋ taa kɨ luu tweꞌ kɨ zɔ yigisə nyaa, buu viŋ lùu vɨɨ faŋ vəŋ beꞌsə mə yinsəŋ.

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Taytəs 2:10

kee shaw fa fɨ ghɔ vəŋ me, yɨsə vənu vəvəŋ vənshə vəbi. Nɨniŋ, vəŋ gaŋtə nu Nwi, wuu məbweysə ŋwaa-nsiŋ, maa vənu vənshə, laa ŋkə baw tɨ́ vɨɨ.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 6:1

Faŋ ŋkə lùu nɨniŋ nə, bàw nsiŋ kɨ gə vɨsɨ nə nu ŋkɨə faŋ lùu nu wə faŋ ŋwə ta kùꞌnə. Nsiŋ kee baa kɨ gisə kɔ̀ŋ mfɔŋsə vənu və Kristo me, faŋ lùu laa vɨɨ kwiinə fwisə vəŋ, kee baa kɨ yɨsə vənu vəbwəvə faŋ mbə jwi nə yiku nə me, baa nə laa vɨɨ nuŋ fwi vəŋ maa Nwi. Viŋ duꞌtə viŋ kɨɨ nə vənu vɔ́. Kaꞌ vɨ kee bɔ̀ŋ shɨ ŋii ghee bɔɔ me.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

3 Jɔn 1:9

Mə yaa nyɔꞌ ŋwaꞌlə mɔ́ꞌ, tɔ̀ŋ tɨ́ nshəŋtə yiŋ. Luu nə, Diotrefes, faŋ ŋwə kəə tɨŋ tɔ fɨ taa nshəŋtə vɨɨ Kristo, kee biŋ maa məzɔnə yia me.