2 Jɔn 1:8 - Vengo (Babungo)

⁸ Viŋ kɨ shiinə yiŋwaa yiŋ, laa faꞌ ŋgwə faŋ viŋ duꞌtə viŋ faꞌ nə, kee ndɔ ndi day me, baa nə laa, viŋ ndɔ fi vəndɔꞌnə viŋ sheꞌ maa shwaŋ faꞌ wiŋ.

2 Jɔn 1:8 ပူးပေါင်းရင်းမြစ်များ

Matiu 24:4

Yeso bəŋsə tɨ́ vəŋ laa, «Viŋ tɔfə buꞌ vɨ ndɔ bweꞌsə viŋ.

Mark 13:23

Nɨniŋ, viŋ kɨ tɔfə! Maa mə duꞌtə mə naysə vənu vənshə tɨ́ viŋ, buu mbə ndɔ gay.»

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Lukas 19:19

Ŋwə gi tɨ́ ŋwə laa ŋwə taa kɨ sɔꞌ ntɨꞌsə tee.

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:36

Yighee jwi kùꞌ laa wə ntɨə faŋ ŋwə shwi say, kii vəndɔꞌnə vi. Vəndɔꞌnə vi lùu laa ŋwə baytə vɨɨ laa vəŋ jwi kìi məbwey vəlwaŋ. Nɨniŋ, wə ntɨə faŋ ŋwə yaa bia, nə wə ntɨə faŋ ŋwə shɨshwi, kìi məŋaytə shəŋ muꞌ.

1 Kɔrintian 15:8

Kɨ luu fɨ yiba, ŋwə fuu yikəꞌ mə nɨzi, faŋ mə lùu yaa wee faŋ vɨ bì faŋ yighee yi kee yikuꞌnə me.

1 Kɔrintian 3:14

Kɨ luu ŋii njyə faŋ wə nə fìanə fuu shɨ ŋii kɔ́ nə, weꞌ fuu shɨ ŋii kɔ́, tɨ́ kaꞌ wi kee bɨsə nyə me, wə ghɔ́ faŋ ŋwə fìanə ŋii yɔ́ nə, taa kii vəkeynə vi.

1 Kɔrintian 3:8

Wə ntɨə faŋ ŋwə bɨbia, nə wə ntɨə faŋ ŋwə tutə muu shɔ nə, luu sheꞌ nɨndɨŋ. Wə kee shɔ̀ɔ liŋ wi me. Nwi taa kɔ vəkeynə tɨ́ wə tɨ̀ me wə faŋ wə ghɔ́ nə faꞌ nə.

Galatia 3:4

Viŋ duꞌtə viŋ ye faŋ Nwi faꞌ vənu vəyaŋ taa ŋwaa viŋ. Viŋ ndi vənu vɔ́ yaa vənu vədayday mu? Mə kee bɨꞌtə laa mbə lùu dayday me.

Galatia 4:11

Vənu mbɨə faŋ viŋ yɨ̀sə nə, ghaysə mə ŋkee dɨdɨꞌ. Kɨ ŋkə lùu laa faꞌ ŋgwə faŋ mə nə faꞌ taa ŋwaa viŋ nə, fùu maa nu dayday me.

Filipi 3:16

Luu nə, kɨ nsiŋ bəŋ yiba me; nsiŋ kɨ beꞌsə vənu mbɨə faŋ nsiŋ nə teꞌsə beꞌsə nə.

Hibru 10:32

Viŋ lumə yighee njyə faŋ viŋ nə fɔŋ bìŋ nu Kristo nə. Maa yighee yɔ́ viŋ nə ye ŋɨꞌ buꞌ nu Kristo dɨdɨꞌ. Luu nə, viŋ nə kà fwi yiŋ, tɨ̀ŋnə weꞌ.

Hibru 10:35

Nɨniŋ, kɨ fwi yiŋ bwa me, buꞌ laa vɨɨ mbɨə faŋ vəŋ nùŋ fwi vəŋ maa Nwi, gə ziꞌ maa vəndwə, ndɔ kii vəkeynə vəkwalə.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.