2 Jɔn 1:3 - Vengo (Babungo)

³ Tɨta Nwi ghɔ ŋwiŋ wi Yeso Kristo, kee gəŋ saŋ-nsiŋ, kɔ nsiŋ nə mənɔŋ-bwaŋnə nə məduꞌ-nyɔŋ. Mbə luu mbaŋ-nsiŋ fɨ taa yinsəŋ baa nə ŋkawnə.

2 Jɔn 1:3 ပူးပေါင်းရင်းမြစ်များ

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

2 Timoti 1:13

Jia yigisə yinsəŋ njyə faŋ mə nə dèesə ghɔ shɔ nə, kɨ deesə sheꞌ nɨniŋ, nùŋ fwi yə maa Yeso Kristo, dùꞌ taa ŋkawnə njyə faŋ ŋwə kaw nsiŋ shɔ nə.

1 Jɔn 4:10

Nɨniŋ ghɔ́, ŋiꞌ nu ŋkɨə faŋ nsiŋ vɨ Nwi kawnə, kee lùu laa zì nsiŋ kɨ kaw Nwi me, lùu laa, nə tèy Nwi kɨ kaw nsiŋ, tɔ̀ŋ ŋwiŋ wi laa ŋwə jwi, sɔ̀ yibɨsə nyaa-nsiŋ.

2 Jɔn 1:1

Luu mə, wuu taa fɨ taa nshəŋtə vɨɨ Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, yaa, viŋ vaŋ və faŋ Nwi nə shoꞌ viŋ (nshəŋtə vɨɨ Kristo). Mə kàw viŋ yinsəŋ. Kee kaw sheꞌ mə kaw viŋ nɨnɔŋ me; vɨɨ vənshə faŋ vəŋ kɨɨ nə nu Nwi yinsəŋ, kaw viŋ nɨzi.