2 Kɔrintian 9:8 - Vengo (Babungo)

⁸ Viŋ kɔꞌ kɨɨ laa Nwi kìi wutə maa məkey viŋ nə vətɔ vəjəəvə vənshə, mbə yaŋ sàynə, laa vətɔ vəjəəvə lwaŋ ghɔ viŋ, kùꞌnə ghee nshə, maa vənu vənshə, tɨ́ kaꞌ viŋ baa kɨ yɨsə vənu vəjəəvə vənshə, mbə yaŋ sàynə.

2 Kɔrintian 9:8 ပူးပေါင်းရင်းမြစ်များ

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 13:3

Viŋ kəə laa mə də tɨ́ viŋ laa gisə Kristo gisə fɨ shuu mə tɨ́ viŋ. Nɨniŋ, Kristo kee bee yɨsə nu faŋ ŋkə bwa tɨ́ viŋ me, ŋwə yɨ nu faŋ ŋkə weꞌ taa ŋwaa viŋ.

2 Kɔrintian 8:19

Yia kee tɔ̀ŋ ŋwə sheꞌ buꞌ yiŋkii nu me; vəməshəŋtə və vɨɨ Nwi nə shòꞌ ŋwə laa ŋwə kɨ toꞌ yia vɨ vəŋ ghuu kəmuꞌ maa nu vətɔ mbɨə faŋ nsiŋ shwaꞌtə maa məgaŋtə vaŋ-nshwi vaŋ-nsiŋ fɨ shɨ Jerusalem nə. Yia nə tey nu məshwaꞌtə kɔ́, tɨ́ kaꞌ nsiŋ kɨ bəŋsə Mɔꞌmbi shɔ, baa nə maa mədə njyoꞌ yijəə yia shɔ.

2 Kɔrintian 8:2

Faŋ Nwi nə kɔlə mɔ̀ŋ vəŋ maa ŋɨꞌ yiyaŋ, vəŋ ŋaytə shɔ̀ɔ ki, bàytə vətɔ vəyaŋ maa məkɔ, kɔ nə fwi yimuꞌ, faŋ vəŋ kɔlə kee kìi vətɔ me.

2 Kɔrintian 8:7

Vəkeynə və Zwitə Nwi yàŋ taa ŋwaa viŋ. Viŋ nùŋ fwi siŋ maa Kristo, wèꞌ shɔ, baa luu weꞌ maa məfɨꞌtə nu Nwi. Yitɔfə baa lùu yiyaŋ taa ŋwaa viŋ, viŋ faꞌ nə wutə maa vənu vənshə, kii ŋkawnə maa yia. Nɨniŋ, bàw faꞌ ŋkawnə ŋwə̀ fuu jəə taa ŋwaa viŋ nɨzi.

2 Kɔrintian 9:11

Nwi yɨsə vətɔ vənshə lwaŋ ghɔ viŋ, tɨ́ kaꞌ viŋ kɔ̀ vətɔ ghee nshə nə fwi yimuꞌ, yia fi, gə̀ kɔ̀ tɨ́ vɨɨ, ŋkə yɨsə vəŋ kɨ bwaŋ Nwi.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 3:20

Nwi kɔꞌ kɨɨ maa məyɨ nu faŋ ŋkə shɔ̀ɔ vənu vənshə, shɔ̀ɔ vənu mbɨə faŋ nsiŋ buꞌ ghɔ shɔ tɨ́ ŋwə, baa shɔ̀ɔ vənu mbɨə faŋ nsiŋ bɨꞌtə. Wutə ki kwàlə shɔ̀ɔ ki, faꞌ taa fwisə nsiŋ.

Filipi 4:11

Kɨ kee lùu laa mə bə̀ə fa buu gì nee me. Mə duꞌtə mə zwetə maa məduꞌ nə məŋaytə maa vənu vənshə faŋ mbə gay maa mə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

2 Timoti 2:21

Kɨ luu wə yɨsə vənu vi nə ŋwaa wi ley fɨ maa vənu vəbwəvə, buu ŋwaa wi ghɔ́ taa luu maa məyɨ nu Nwi ley, kùꞌnə maa məfaꞌ vəfaꞌ tɨ́ tii wi.

2 Timoti 3:17

Nɨniŋ laa wuu Nwi baw shɨlə, kùꞌnə maa məyɨsə vənu vəjəəvə vənshə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.