2 Kɔrintian 9:6 - Vengo (Babungo)

⁶ Viŋ lumə laa wə ntɨə faŋ ŋwə sɔ̀ say tɨtiꞌ, ndɔ shwi tɨtiꞌ; wə ntɨə faŋ ŋwə sɔ̀ yaŋ, ndɔ shwì yaŋ.

2 Kɔrintian 9:6 ပူးပေါင်းရင်းမြစ်များ

Lukas 6:38

Viŋ kɨ kɔ vɨɨ nə vətɔ, buu Nwi taa baa kɔ tɨ́ viŋ nɨzi. Viŋ ndɔ fi vəkeynə vəyaŋ; vətɔ faŋ Nwi ndɔ kɔ tɨ́ viŋ lwaŋ bə̀. Viŋ kɔꞌ kɨɨ laa mfɨꞌ njyə faŋ viŋ fɨꞌ tɨ́ vɨɨ, luu sheꞌ njyə faŋ Nwi fɨꞌ maa viŋ nɨzi.»

1 Kɔrintian 1:12

Viŋ gàasə yiŋwaa yiŋ, vɨɨ mɔ́ꞌ gi laa vəŋ beꞌsə Pɔɔl, vɨɨ mɔ́ꞌ laa vəŋ lùu vɨɨ Apɔlɔs, vəmɔ́ꞌ laa vəŋ beꞌsə Pita, vəmɔ́ꞌ laa vəŋ beꞌsə sheꞌ Kristo.

1 Kɔrintian 15:20

Luu nə, ŋkə luu ŋkee nu yinsəŋ laa Nwi nə ywèysə Kristo fɨ shɨ yiku. Ŋwə nə luu mfɔŋ wə maa məywey fɨ shɨ yiku.

1 Kɔrintian 7:29

Vaŋ-nshwi vaŋ, viŋ zɔ nu ŋkɨə faŋ mə naysə tɨ́ viŋ! Yighee njyə faŋ Nwi kɔ̀ tɨ́ nsiŋ lùu yituŋsə. Lùu vəshi vəshə ndwə. Nɨniŋ, bàw vɨɨ mbɨə faŋ vəŋ ndàa vəki, kee shoꞌ fwi vəŋ, nùŋ maa vəki vɔ́ me, kɨ shi yaa vɨɨ faŋ vəŋ kee ndàa vəki me.

2 Kɔrintian 9:10

Nɨniŋ, Nwi faŋ ŋwə yaa kɨ gaa ŋgwisə vətɔ tɨ́ vɨɨ məbia, baa nə bee maa məzɨ, taa kɔ ŋgwisə vətɔ tɨ́ viŋ nɨzi, yɨsə mbə ta, tɨ́ kaꞌ viŋ kɨ kɔ, nu kiŋ lùu kəloomə.

2 Kɔrintian 9:5

Lùu ŋiꞌ nu ŋkɨə faŋ mə nə bɨ̀ꞌtə laa ŋkə bàw laa mə tɨ vaŋ-nshwi vaŋ-nsiŋ vɔ́, laa vəŋ fi vɨsɨ, jwì yè viŋ, viŋ baytə vətɔ vɔ́ faŋ viŋ nə kɔ̀ꞌnə yighee vɨsɨ maa məndɔ gaŋtə vɨɨ ley Nwi fɨ shɨ Jerusalem shɔ nə. Mə taa kɨ jwi, tɨ́ mbə luu shɔ yaa fa jəə tɨ́ Nwi. Kɨ ŋkə kee lùu laa viŋ ndɔ luu yaa vɨɨ faŋ vəŋ kee kaw kɔ me.

Galatia 3:17

Bàw vənu və̀ faŋ mə gisə nə, luu vəley tɨ́ viŋ, Nwi nə kɔ̀ꞌnə nu kɔ́ tɨ́ Abraham ŋkee fɨshi, gwìa məkee ghɔ ŋwə. Ŋuꞌsə kɨ nii shɔɔ yiwa yishwe nə ŋuꞌ muu-ntia, buu Nwi kɔ ntɨsə tɨ́ vɨɨ Jus. Nɨniŋ, ntɨsə sɔ́ kee kìi wutə maa məbɨsə məkee mbɔ́, faŋ Nwi nə gwìa ghɔ Abraham nə me. Kɨ kaꞌ ntɨsə sɔ́ kee bɨ̀sə ŋkɔꞌnə yɔ́, faŋ Nwi nə kɔ̀ꞌnə nə me.

Galatia 5:16

Viŋ zɔ! Mə gì tɨ́ viŋ laa, bàw Zwitə Ley Nwi kɨ shiinə viŋ maa vənu vənshə faŋ viŋ yɨsə, laa kɨ ŋkitə yiŋ kɨ sɔꞌ viŋ me.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Kɔlɔsii 2:4

Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.