2 Kɔrintian 8:8 - Vengo (Babungo)

⁸ Mə kee gì nee maa məkɔ sɔꞌ tɨ́ viŋ me. Mə də̀ fwi njyə faŋ vɨɨ mɔ́ꞌ kìi maa məgaŋtə, tɨ́ kaꞌ mə ndɔ kɨɨ faŋ ŋkawnə yiŋ dùꞌ.

2 Kɔrintian 8:8 ပူးပေါင်းရင်းမြစ်များ

Roma 12:9

Viŋ kɨ kaw vɨɨ, kee kaw nə njyoꞌ səbɔɔ me. Viŋ bee nu bwə, jìa luu nu faŋ lùu nu jəə.

1 Kɔrintian 7:12

Gə fɨ maa wəndɔŋ faŋ ŋwə beꞌsə Kristo, kìi wəzwi faŋ kee lùu wuu Nwi me, kɨ luu wəzwi ghɔ́ biŋ laa ghɔ ŋwə taa kɨ duꞌ mɔ́ꞌ, kɨ wəndɔŋ ghɔ́ tɨꞌ ŋwə me. Lùu ntɨ faŋ kɔ̀ mə tɨ́ viŋ. Kee lùu ntɨ faŋ nə kɔ̀ tɨta Yeso tɨ́ nsiŋ me.

1 Kɔrintian 7:25

Gə fɨ maa nu vɨɨ mbɨə faŋ vəŋ kee ta yindaa me, Nwi kee ta kɔ̀ yigi shee kɔ̀ŋ nu kɔ́ me. Luu nə, mə kəə naysə mbɨꞌtə nyaa tɨ́ viŋ. Bàw viŋ zɔ yigisə nyaa, buꞌ laa tɨta Yeso Kristo nə kèe gəŋ saŋ tɨ́ kaꞌ mə lùu wuu yinsəŋ.

1 Kɔrintian 7:6

Ntɨ nyə̀ kɔ̀ŋ məndaa faŋ mə kɔ̀ tɨ́ viŋ feenə nə, kɨ mə kee kɨ dɔɔ laa viŋ ndaa me. Mə gisə sheꞌ laa wə kɨ luu ndaa, ŋkə kee lùu nu bwə me.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

2 Kɔrintian 8:10

Nɨniŋ, mbɨꞌtə nyaa maa nu kɔ́ lùu laa, bàw viŋ metə nu ŋkɨə faŋ viŋ nə tey yizu ndwə nə, faŋ viŋ nə luu mfɔŋsə vɨɨ maa mətey nu kɔ́, baa lùu mfɔŋsə vɨɨ ŋkee maa mənuŋ fwi shɔ.

2 Kɔrintian 8:24

Nɨniŋ, viŋ ndɨ vəŋ jəə, də̀ ŋkawnə yiŋ faŋ viŋ kaw vɨɨ nə, yɨsə laa vəməshəŋtə və vɨɨ Nwi ye laa yia nə gì yinsəŋ faŋ yia nə bə̀ŋsə viŋ tɨ́ vəŋ.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

2 Kɔrintian 9:7

Bàw wə tɨ̀ me wə kɔ faŋ fwi yi kàw, kee kɔ baa bɨꞌtə nshuꞌ yi me, buꞌ laa Nwi yaa kɨ kaw wə ntɨə faŋ ŋwə kɔ nə məŋaytə.

Efesɔs 4:15

Bàw nsiŋ kɨ toꞌ sheꞌ maa jɨɨ yinsəŋ, kàw Yeso Kristo faŋ ŋwə lùu tɔ taa ŋwaa nsiŋ nə. Nsiŋ kɨ weꞌ maa nu ki, gə̀ vɨsɨ vɨsɨ.

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

Hibru 10:24

Bàw nsiŋ kɨ sɨɨnə nə vənu vaŋ-nsiŋ, nsiŋ nsiŋ, tɨ́ kaꞌ nsiŋ kɨ gaŋtə yiŋwaa nyaa-nsiŋ, nsiŋ nsiŋ, maa məkaw vɨɨ, baa nə maa məyɨ vənu vəjəəvə.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!