2 Kɔrintian 8:21 - Vengo (Babungo)

²¹ Yia kəə yɨsə nu faŋ ŋkə bàw, kee bàw sheꞌ yikəꞌ Mɔꞌmbi me, yia kəə laa ŋkə bàw sɨ vɨɨ nɨzi.

2 Kɔrintian 8:21 ပူးပေါင်းရင်းမြစ်များ

Matiu 23:5

Gə fɨ maa vənu vəjəəvə vənshə faŋ vəŋ yɨsə nə, vəŋ yɨsə sheꞌ laa vɨɨ kɨ ye. Vəŋ nyɔ̀ꞌ ŋwaꞌlə vəŋ maa məlumə Nwi fuu waytə gɔ yizisə, ka nsaysə dəsə maa njwisə vəŋ maa məlumə ntɨsə Nwi, luu nə, yɨsə vənu vɔ́ sheꞌ laa vɨɨ kɨ ye vəŋ.

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Matiu 6:1

«Viŋ kɨ ndɨɨnə laa viŋ kee kɨ yɨsə nu faŋ ŋkə lùu kəloomə vɨsɨ vɨɨ me, laa vəŋ kɨ ye viŋ shɔ me. Viŋ kɨ luu kɨ yɨsə nu loomə laa vɨɨ kɨ ye viŋ shɔ, buu vəkeynə viŋ fɨ ghɔ tɨta Nwi, Tii wiŋ fɨ yizɔ, kee baa lùu shɔ me.

Matiu 6:4

Nɨniŋ laa jəə wə faŋ a yɨ̀sə, goꞌ sheꞌ taa vəndenə. A yɨ̀ nɨniŋ, buu Nwi, Tii wə, faŋ ŋwə ye vənu vəndenə vənshə, ndɔ key ghɔ shɔ.»

Roma 12:17

Kɨ viŋ kɨ bəŋsə nu bwə tɨ́ wə nə bwə me, lumə sheꞌ maa məyɨ nu jəə sɨ vɨɨ vənshə.

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 8:20

Yia tɔ̀ŋ ŋwə nɨniŋ, tɨ́ kaꞌ yia fə̀ŋ yishuu vɨɨ shɔ, laa kɨ wə gi nu day tɔ yia me, buꞌ vətɔ vəyaŋ mbɨə faŋ yia baytə nə me.

2 Kɔrintian 8:22

Yia baa tɔ̀ŋ weenshu ŋwaa-nsiŋ mɔ́ꞌ ghɔ vəŋ, faŋ yia duꞌtə yia mɔŋ ŋwə maa vənu vəyaŋ, kɨɨ laa ŋwə wèꞌ maa faꞌ Nwi. Ŋwə weꞌ shɔ̀ɔ yighee vɨsɨ ndwə, buꞌ laa ŋwə nùŋ fwi yi maa viŋ.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

1 Tesalonika 5:22

Viŋ kɨ shiinə yiŋwaa yiŋ fɨ ghɔ ntɔ nu bwə tɨ̀ me ntɔ nu bwə.

1 Timoti 3:7

Baw sheꞌ wə faŋ vɨɨ taa shɨ, faŋ vəŋ kee lùu vɨɨ Nwi me, biŋ ŋwə nɨzi, laa lùu wuu jəə. Nɨniŋ laa kɨ vɨɨ ndɔ kɨ gisə bwə tɔ ŋwə, tɨ́ kaꞌ ŋwə ŋii taa mbɨə Satan me.

1 Timoti 5:14

Nɨniŋ, mə kəə laa vəki ŋkusə faŋ vəŋ kɨ bii vaŋmbwaa, ndaa, bì vaŋ vəŋ, kɨ sɔꞌ ŋiinə vəŋ, tɨ́ kaꞌ vəŋ kee kɔ jɨɨ tɨ́ tɨɨ vəzwitə vəbwəvə maa məjia vəŋ, vɨ gisə bwə tɔ vəŋ me.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.