2 Kɔrintian 8:16 - Vengo (Babungo)

¹⁶ Mə bwaŋ Nwi, buꞌ laa Nwi yɨ̀sə ŋkawnə yiŋ lwaŋ taa fwi Titɔs. Ŋwə kəə kɨ gaŋtə viŋ sheꞌ yaa mə.

2 Kɔrintian 8:16 ပူးပေါင်းရင်းမြစ်များ

2 Kɔrintian 7:12

Faŋ mə nə nyɔ̀ꞌ ŋwaꞌlə ghɔ́ tɨ́ viŋ nə, mə nə kee nyɔ̀ꞌ buꞌ wə ghɔ́ faŋ ŋwə nə gù nu maa wə mɔ́ꞌ me, kee nyɔ̀ꞌ buꞌ wə yiŋgwii faŋ vɨ nə yɨ̀ nu bwə maa ŋwə nə me. Mə nə ŋwaꞌlə sheꞌ laa ŋkə fuu ntee taa ŋwaa viŋ vɨsɨ Nwi, laa viŋ weꞌ maa nu kia. Nɨniŋ, fwi sia zutə.

2 Kɔrintian 7:7

Nə kee lùu sheꞌ buꞌ məjwi wi me, laa fwi sia zutə; yia baa luu ŋàytə buꞌ faŋ yia zɔ̀ fɨ ghɔ ŋwə laa fwi yi nə zùtə buꞌ viŋ. Ŋwə nə nàysə tɨ́ yia kɔ̀ŋ jɨŋ njyə faŋ nyə zasə viŋ kɔ̀ŋ mə laa mə jwi, baa nə kəŋ gəŋsə nsɨə faŋ viŋ kii kɔ̀ŋ nu ŋkɨə faŋ ŋkə nə gày nə, baa nə laa viŋ kɨɨtə buꞌ mə. Nɨniŋ, mə ŋaytə maa vənu vɔ́ dɨdɨꞌ.

2 Kɔrintian 8:23

Gə fɨ maa Titɔs, ŋwə lùu wuu yitoꞌ ŋwaa, baa gaŋtə mə nə faꞌ faŋ mə fàꞌ buꞌ viŋ nə. Gə fɨ maa vaŋ-nshwi vaŋ-nsiŋ vɔ́, tɔŋ vəməshəŋtə və vɨɨ Nwi tɔŋ vəŋ, vɨɨ bəŋsə yizii Kristo buꞌ vəŋ.

2 Kɔrintian 8:6

Nɨniŋ, yia buꞌ ghɔ tɨ́ Titɔs, faŋ ŋwə nə zi faꞌ ghɔ́ taa ŋwaa viŋ nə, laa ŋwə kɨ faꞌ gə nə vɨsɨ maa məgaŋtə viŋ, tɨ́ kaꞌ viŋ metə faꞌ ŋkawnə ghɔ́.

Filipi 2:20

Mə kee baa kìi wə mɔ́ꞌ, tɨ̀ lɨꞌ Timoti, faŋ ŋwə bɨꞌtə vənu yaa mə me, ŋwə kɨsə gaŋtə viŋ nə fwi yijəə.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Reveleyshən 17:17

Vəŋ yɨ nɨniŋ buꞌ laa Nwi kwàŋ nu taa fwisə vəŋ laa vəŋ yɨ sheꞌ maa ŋkitə yi, baa fàynə maa fa kəmuꞌ, faŋ lùu laa vəŋ kɔ nu yifwàŋ vəŋ tɨ́ nyaa yɔ́, gə ziꞌ maa yighee njyə faŋ nu ŋkɨə faŋ Nwi nə gì, faynə.