2 Kɔrintian 8:12 - Vengo (Babungo)

¹² Fwi wə kɨ luu bàw laa ŋwə yɨ nu, buu Nwi taa ŋaytə maa vətɔ mbɨə faŋ mbə lùu ghɔ ŋwə maa məkɔ, kee bitə vətɔ mbɨə faŋ mbə bə̀ə fɨ ghɔ ŋwə me.

2 Kɔrintian 8:12 ပူးပေါင်းရင်းမြစ်များ

Matiu 25:17

Sheꞌ nɨniŋ, wə ntɨə faŋ ŋwə nə kìi vəmalia vəbɔɔ nə, baa sèy vəbɔɔ.

Matiu 25:22

Wə ntɨə faŋ ŋwə nə fi vəmalia vəbɔɔ nə, jwi nɨzi, gì laa, «A nə kɔ̀ vəmalia shee vəbɔɔ, mə sèy vəmalia tɔ yi vəbɔɔ.»

Lukas 16:10

Wə ntɨə faŋ ŋwə yaa kɨ yɨsə nu bi nə wee-fa, baa yɨsə nu bi faŋ vɨ nuŋsə kəyaŋ ghɔ ŋwə. Wə faŋ ŋwə yɨsə nu mbuulə nə wee-fa, yaa kɨ yɨsə nu bwə nə fa yaŋ nɨzi.

2 Kɔrintian 8:11

Nɨniŋ, viŋ kɨ gə nə ŋkə vɨsɨ, baa mètə, yɨsə laa faꞌ ŋgwə faŋ viŋ faꞌ, kuꞌnə maa fa ŋkɨə faŋ viŋ kìi, buꞌ laa viŋ duꞌtə viŋ nuŋ fwi siŋ shɔ nə.

2 Kɔrintian 8:13

Kɨ mə kee gì nee laa vɨɨ mɔ́ꞌ duꞌ nə mənɔŋ-bwaŋnə, viŋ duꞌ nə ŋɨꞌ me; mə gì nɨniŋ laa viŋ vɨ vəŋ duꞌ nɨndɨŋ.

2 Kɔrintian 8:19

Yia kee tɔ̀ŋ ŋwə sheꞌ buꞌ yiŋkii nu me; vəməshəŋtə və vɨɨ Nwi nə shòꞌ ŋwə laa ŋwə kɨ toꞌ yia vɨ vəŋ ghuu kəmuꞌ maa nu vətɔ mbɨə faŋ nsiŋ shwaꞌtə maa məgaŋtə vaŋ-nshwi vaŋ-nsiŋ fɨ shɨ Jerusalem nə. Yia nə tey nu məshwaꞌtə kɔ́, tɨ́ kaꞌ nsiŋ kɨ bəŋsə Mɔꞌmbi shɔ, baa nə maa mədə njyoꞌ yijəə yia shɔ.

2 Kɔrintian 9:7

Bàw wə tɨ̀ me wə kɔ faŋ fwi yi kàw, kee kɔ baa bɨꞌtə nshuꞌ yi me, buꞌ laa Nwi yaa kɨ kaw wə ntɨə faŋ ŋwə kɔ nə məŋaytə.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.