2 Kɔrintian 8:10 - Vengo (Babungo)

¹⁰ Nɨniŋ, mbɨꞌtə nyaa maa nu kɔ́ lùu laa, bàw viŋ metə nu ŋkɨə faŋ viŋ nə tey yizu ndwə nə, faŋ viŋ nə luu mfɔŋsə vɨɨ maa mətey nu kɔ́, baa lùu mfɔŋsə vɨɨ ŋkee maa mənuŋ fwi shɔ.

2 Kɔrintian 8:10 ပူးပေါင်းရင်းမြစ်များ

Matiu 10:42

Kɨ luu wə kɔ ndaw muu məyoonə tɨ́ wə faŋ ŋwə kee lùu nu me, buu wə ghɔ́ ndɔ kii vəkeynə vi maa yinsəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:50

Viŋ kee yikɨɨ laa ŋkə bàw tɨ́ viŋ laa wə muꞌ ku tɔ vɨɨ, shɔ̀ɔ fɨ ghɔ shɨ kaŋ-nsiŋ ndi ŋkwəŋ yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:7

Mə naysə ŋkee nu yinsəŋ tɨ́ viŋ laa, lùu nu jəə tɨ́ viŋ faŋ mə gə nɨniŋ nə. Kaꞌ Zwitə Ley Nwi kee ndɔ jwi maa viŋ me, maa tɨ̀ lɨꞌ laa mə bɨ gə, gə̀ tɔ̀ŋ wuu məgaŋtə ghɔ́ tɨ́ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:14

Kayafas ghɔ́ nə luu wə ntɨə faŋ ŋwə nə gì tɨ́ vɨɨ Jus laa bàw wə muꞌ ku tɔ vɨɨ vənshə.

1 Kɔrintian 10:23

Viŋ gisə laa, nu kee lùu shɔ faŋ ŋkə fə̀ŋ viŋ me. Lùu yinsəŋ nɨniŋ. Luu nə, lùu yinsəŋ nɨzi laa vənu vəmɔ́ꞌ shɔ faŋ mbə kee ndɔ gaŋtə vɨɨ me. Lùu yinsəŋ laa nu kee fəŋ viŋ me, luu nə, vənu vəmɔ́ꞌ shɔ faŋ mbə ndɔ yɨsə laa kɨ viŋ weꞌ maa vənu və Nwi me.

1 Kɔrintian 16:2

Bàw laa yiwiŋ tɨ̀ me yiwiŋ, maa mfɔŋ shi fɨ taa yiwiŋ, bàw wə tɨ̀ me wə nuŋsə fa ŋkɨə faŋ ŋkə lùu kəjəə tɨ́ ŋwə. Kee bàw laa viŋ ndɔ tey kɨ baytə ka sheꞌ maa yighee njyə faŋ mə ndɔ luu yɨ viŋ nə me.

1 Kɔrintian 6:12

Gə fɨ maa yigi njyə faŋ vɨ gì laa, «Kaꞌ mə kɨ yɨsə vənu vənshə.» Lùu nɨniŋ, luu nə, kee gaŋtə vənu vənshə gaŋtə mə laa mə kɨ gə vɨsɨ vɨsɨ me. Kaꞌ wə kɨ yɨsə vənu vənshə, luu nə, kee bàw laa nu yɨsə ŋwə gu buꞌ tɨ́ nu kɔ́ me.

1 Kɔrintian 7:25

Gə fɨ maa nu vɨɨ mbɨə faŋ vəŋ kee ta yindaa me, Nwi kee ta kɔ̀ yigi shee kɔ̀ŋ nu kɔ́ me. Luu nə, mə kəə naysə mbɨꞌtə nyaa tɨ́ viŋ. Bàw viŋ zɔ yigisə nyaa, buꞌ laa tɨta Yeso Kristo nə kèe gəŋ saŋ tɨ́ kaꞌ mə lùu wuu yinsəŋ.

1 Kɔrintian 7:40

Faŋ ŋkə kɔlə lùu laa lee, ŋwə kìi jɨɨ maa məndaa wəndɔŋ day, faŋ ndəə wi ku nə, ŋkə bàw laa ŋwə dùꞌ nɨnɔŋ, buu ŋwə taa kii məŋaytə yaŋ. Faŋ mə gì nɨniŋ nə, mə baa bɨꞌtə laa yia Zwitə Nwi lùu mɔ́ꞌ.

2 Kɔrintian 12:1

Mə taa kɨ koꞌsə ŋwaa, faŋ ŋkə kɔlə kee lùu nu tɨ́ kaꞌ wə sèy fɨ fuŋ me, mə kəə gi kɔ̀ŋ vənu faŋ Mɔꞌmbi nə yɨ̀sə mbə fuu sɨ mə.

2 Kɔrintian 8:6

Nɨniŋ, yia buꞌ ghɔ tɨ́ Titɔs, faŋ ŋwə nə zi faꞌ ghɔ́ taa ŋwaa viŋ nə, laa ŋwə kɨ faꞌ gə nə vɨsɨ maa məgaŋtə viŋ, tɨ́ kaꞌ viŋ metə faꞌ ŋkawnə ghɔ́.

2 Kɔrintian 8:8

Mə kee gì nee maa məkɔ sɔꞌ tɨ́ viŋ me. Mə də̀ fwi njyə faŋ vɨɨ mɔ́ꞌ kìi maa məgaŋtə, tɨ́ kaꞌ mə ndɔ kɨɨ faŋ ŋkawnə yiŋ dùꞌ.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

Filipi 4:17

Kɨ mə kee tə̀ sɨ maa vətɔ mbɨə faŋ viŋ tɔŋ shee nə mə. Nu ŋkɨə faŋ ŋkə lùu kəkwalə, lùu laa mə yè fɨ fuŋ laa viŋ nùŋ fwi siŋ maa nu Nwi, gə nə vɨsɨ. Lùu ŋiꞌ nu ŋkɨə faŋ mə kìi məŋaytə, buꞌ faŋ viŋ kuꞌsə vənu vəjəəvə viŋ, tɨ́ kaꞌ Nwi ndɔ key viŋ shɔ nə.

Hibru 13:16

Kɨ viŋ ndenə maa məyɨ jəə tɨ́ vɨɨ mɔ́ꞌ me. Viŋ gaŋtə yiŋwaa yiŋ, viŋ viŋ, buꞌ laa lùu kəŋ ndey mɔ́ꞌ faŋ nyə bàw tɨ́ Nwi.