2 Kɔrintian 8:1 - Vengo (Babungo)

¹ Vaŋ-nshwi vaŋ, yia kəə yɨ̀ viŋ kɨɨ nə nu jəə ŋkɨə faŋ Nwi kèy nshəŋtə vɨɨ Nwi fɨ shɨ Makedonia shɔ.

2 Kɔrintian 8:1 ပူးပေါင်းရင်းမြစ်များ

Matiu 25:22

Wə ntɨə faŋ ŋwə nə fi vəmalia vəbɔɔ nə, jwi nɨzi, gì laa, «A nə kɔ̀ vəmalia shee vəbɔɔ, mə sèy vəmalia tɔ yi vəbɔɔ.»

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 16:9

Faŋ vəŋ nə luu yifi, njyəə shi Pɔɔl vətuꞌ. Ŋwə ye wuu Makedonia jwi maa ŋwə taa njyəə, tɨŋ kɨ buꞌ ghɔ tɨ́ ŋwə, gì laa, «Tɔŋ jwì njɨɨ Makedonia, jwì gàŋtə yia!»

Akts 24:17

Mə nə ndɔ̀ fɨ ntɨꞌ Jerusalem ŋkə tày dɨdɨꞌ, ŋuꞌsə səyaŋ shɔɔ, buu mə baa gə̀ shɔ ndwə maa məgaŋtə vɨɨ Jus nə ka, baa nə maa məkɔ vəkɔ və Nwi.

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 9:12

Viŋ kɔꞌ kɨɨ laa ŋiꞌ faꞌ ŋgwə faŋ nsiŋ faꞌ maa məgaŋtə vɨɨ nə, kee luu sheꞌ nu məkɔ vətɔ mbɨə faŋ mbə bəə fɨ ghɔ vɨɨ ley Nwi nə me. Ŋwə ndɔ yɨsə nu faŋ ŋkə shɔ̀ɔ yiŋkii, nu kɔ́ lùu laa vɨɨ vəyaŋ ndɔ kɨ bwaŋ Nwi shɔ.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

2 Kɔrintian 9:4

Kee bàw laa yighee njyə faŋ yia vɨɨ Makedonia vəmɔ́ꞌ jwì, vəŋ ye laa viŋ kee ta bàytə mbiŋ vətɔ me, buu tɔ kia taa dɨɨ, buꞌ laa yia nə nùŋ fwi sia maa viŋ. Kaꞌ ŋkee tɔ kiŋ taa dɨɨ shɔ nɨzi.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

1 Tesalonika 4:10

Viŋ baa luu yɨ̀ nɨniŋ maa vaŋ-nshwi vaŋ-nsiŋ vənshə fɨ shɨ Makedonia. Vaŋ-nshwi via, yia tɨsə viŋ sheꞌ laa viŋ kɔꞌ kɨ gɨgə nə vɨsɨ taa ŋkawnə yiŋ yɔ́.