2 Kɔrintian 7:9 - Vengo (Babungo)

⁹ Faŋ mə ŋaytə ndwə nə, mə kee ŋaytə buꞌ məluŋ wiŋ faŋ viŋ nə lùŋ nə me; mə ŋaytə buꞌ laa məluŋ ghɔ́ nə yɨ̀sə viŋ kwiinə fwi siŋ. Viŋ nəə luŋ maa jɨɨ Nwi. Nɨniŋ, yia nə kee bɨ̀sə fwi siŋ maa nu mɔ́ꞌ me.

2 Kɔrintian 7:9 ပူးပေါင်းရင်းမြစ်များ

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 15:32

Luu nə, ŋkə kuꞌnə maa məyɨsə məŋaytə, buꞌ laa weenshu wə ŋwə̀ nə ku, baa bwèy ndwə. Ŋwə nə ndì, vɨ baa yè ŋwə ndwə.»

Lukas 15:7

Viŋ zɔ! Mə naysə tɨ́ viŋ laa vɨ ŋaytə yizɔ sheꞌ nɨniŋ buꞌ yɨ-kəbwə muꞌ, faŋ ŋwə kwìinə fwi yi, shɔ̀ɔ faŋ vɨ ŋaytə maa vɨɨ njɔsə-buumuꞌ muu-buumuꞌ faŋ vənu vəvəŋ lùu vəloomə, faŋ nu kee ghɔꞌ vəŋ laa vəŋ kwiinə fwisə vəŋ me.»

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 2:16

Tɨ́ vɨɨ mɔ́ꞌ lumə kia kɔ́ luu lumə yiku, faŋ ŋkə yɨsə vəŋ kukə. Tɨ́ vɨɨ mɔ́ꞌ, lùu lumə məbwey, faŋ ŋkə kɔ məbwey vəlwaŋ tɨ́ vəŋ. Sii kùꞌnə ndə maa faꞌ Nwi ghɔ́?

2 Kɔrintian 7:8

Faŋ ŋwaꞌlə ŋwaa wì faŋ mə nə nyɔ̀ꞌ tɨ́ viŋ nə, nə kɔlə yɨ̀ laa viŋ kii məluŋ, kaꞌ fwi nyaa kee sɔ̀ꞌ mə shɔ me. Yinsəŋ, fwi nyaa nə tey kɨ sɔꞌ mə, luu nə, mə kii məŋaytə ndwə buꞌ laa mə ye laa ŋwaꞌlə ghɔ́ yɨ̀sə viŋ luŋ maa kwitə yighee nee, buu viŋ kɨ nii kwìinə fwi siŋ.