2 Kɔrintian 7:5 - Vengo (Babungo)

⁵ Faŋ yia nə jwì Makedonia, yia nə kee kìi məshəŋ ŋwaa me; yia kii ŋɨꞌ maa vəshəŋ vənshə. Vɨɨ kɔ ŋɨꞌ tɨ́ yia. Fwi sia ghaysə yia nɨzi.

2 Kɔrintian 7:5 ပူးပေါင်းရင်းမြစ်များ

Akts 20:1

Faŋ yumə məbuulə vədɨꞌ nə shìa, Pɔɔl baytə vɨɨ məbiŋ nu Kristo shəŋ muꞌ, gì tɨ́ vəŋ, tɨ vəŋ, kɨ nii kɔ̀ bwey-jəə tɨ́ vəŋ, ndɔ̀ gə̀ shɨ Makedonia,

Roma 15:26

Fwisə vɨɨ Makedonia nə vɨɨ Akaya nə bàw, vəŋ baytə vətɔ maa mətɔŋ tɨ́ mbəəsə fɨ taa ŋwaa vɨɨ ley Nwi fɨ ntɨꞌ Jerusalem.

1 Kɔrintian 15:31

Vaŋ-nshwi vaŋ, mə naysə tɨ́ viŋ laa mə luu shuu yiku vəshi vənshə. Luu ŋkee nu yinsəŋ, sheꞌ faŋ ŋkə baa lùu yinsəŋ laa mə koꞌsə ŋwaa buꞌ viŋ, buꞌ laa viŋ lùu vɨɨ Yeso Kristo, faŋ lùu tɨta ŋwaa-nsiŋ faŋ ŋwə sɔꞌ nsiŋ nə.

1 Kɔrintian 16:5

Mə bɨꞌtə laa mə taa toꞌ fɨ kwiŋ Makedonia, kee bɨ̀sə yighee shɔ me, ndɔ̀ fɨ fuŋ, jwì yɨ viŋ, ndèynə viŋ.

2 Kɔrintian 2:13

Luu nə, fwi nyaa nə kee yizutə me, buꞌ faŋ mə nə kee yè weenshu ŋwaa Titɔs yifi me. Nɨniŋ, mə ndɔ fɨ yɨ vɨɨ vɔ́, shɔ̀ɔ gə̀ zìꞌ shɨ Makedonia.

2 Kɔrintian 2:3

Lùu nu ŋkɨə faŋ mə nə nyɔ̀ꞌ taa ŋwaꞌlə ŋwaa, ŋgwə yiba, tɨ́ kaꞌ viŋ lòotə vənu, buu mə jwi. Nɨniŋ laa yighee njyə faŋ mə jwi, kaꞌ fwi nyaa kee kìi məluŋ fɨ ghɔ vɨɨ mbɨə faŋ kaꞌ vəŋ kɔ məŋaytə shee me. Mə nùŋ fwi nyaa maa viŋ laa mə kɨ luu kìi məŋaytə, buu viŋ baa luu kìi məŋaytə vənshə.

2 Kɔrintian 2:9

Ŋiꞌ nu ŋkɨə faŋ mə nə nyɔ̀ꞌ ŋwaꞌlə ghɔ́ tɨ́ viŋ, nə baa lùu laa mə nəə kəə kɨɨ laa viŋ lùu vɨɨ yinsəŋ, tɨ́ kaꞌ viŋ kɨ zɔnə maa vənu vənshə mu?

Galatia 4:11

Vənu mbɨə faŋ viŋ yɨ̀sə nə, ghaysə mə ŋkee dɨdɨꞌ. Kɨ ŋkə lùu laa faꞌ ŋgwə faŋ mə nə faꞌ taa ŋwaa viŋ nə, fùu maa nu dayday me.

1 Tesalonika 3:5

Lùu nu ŋkɨə faŋ ŋkə nə yɨ̀sə laa kɨ kaꞌ mə kee baa jìa fwi nyaa me, tɔ̀ŋ Timoti maa məkɨɨ nə məbiŋ wiŋ, faŋ viŋ nùŋ fwi maa Kristo nə, buꞌ tɨɨ vəzwitə vəbwəvə mɔŋ viŋ, bwèꞌsə viŋ, viŋ ndi jɨɨ, buu vəfaꞌ via taa ŋwaa viŋ kɨ nii yindi.