2 Kɔrintian 7:4 - Vengo (Babungo)

⁴ Mə gisə vənu tɨ́ viŋ ntee, ŋkee nə fwi yijəə. Mə bəŋsə viŋ dɨdɨꞌ. Fwi nyaa zùtə dɨdɨꞌ buꞌ viŋ. Mə kìi məŋaytə yaŋ, faŋ ŋɨꞌ nyaa kɔlə yaŋ nə.

2 Kɔrintian 7:4 ပူးပေါင်းရင်းမြစ်များ

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 5:3

Faŋ nsiŋ boꞌ ŋwaa nɨniŋ, kaꞌ nsiŋ kɨ boꞌ ŋwaa ŋkee taa ŋɨꞌ, buꞌ laa nsiŋ kɔꞌ kɨɨ laa ŋɨꞌ yɔ́ yɨsə nsiŋ zwetə maa məjia fwi saŋ-nsiŋ.

1 Kɔrintian 1:4

Mə kɨ bwaŋ Nwi ghee nshə buꞌ viŋ, buꞌ laa Nwi tù mənɔŋ-bwaŋnə tɔ viŋ, viŋ vɨ Yeso Kristo faynə gù fa kəmuꞌ.

2 Kɔrintian 1:14

sheꞌ faŋ viŋ duꞌtə viŋ jia way nu kia nə, laa viŋ ndɔ kɨ ŋaytə, bəŋsə Nwi buꞌ yia, yia kɨ ŋaytə, bəŋsə Nwi buꞌ viŋ, maa shi ŋkɨə faŋ tɨta Yeso ndɔ bəŋ jwi.

2 Kɔrintian 1:4

Nwi boolə yia maa ŋɨꞌ yia yinshə, tɨ́ kaꞌ yia baa luu boolə vɨɨ mbɨə faŋ vəŋ lùu taa ŋɨꞌ nɨzi. Yia boolə vəŋ sheꞌ nə məboolə ŋgwə faŋ nshɨ-tɔ Nwi bòolə yia shɔ nə.

2 Kɔrintian 10:8

Mə nəə toꞌ kəə kɨ buꞌ dɨŋ ŋwaa buꞌ wutə ŋkɨə faŋ tɨta Kristo nə kɔ̀ shee maa məyɨsə viŋ ta taa nu Nwi, buu kaꞌ tɔ kaŋ kee dɨ̀ɨ shɔ me. Ŋwə nə kee kɔ̀ wutə kɔ́ laa yia kɨ ndisə viŋ me.

2 Kɔrintian 11:21

Nu kɔ́ lùu nu tɔ dɨɨ tɨ́ yia. Yinsəŋ, yia kee bee kùꞌnə maa məyɨ kəŋ nu ghɔ́ me. Luu nə, nu ŋkɨə faŋ wə mɔ́ꞌ buꞌ dɨŋ wi shɔ, kaꞌ mə bùꞌ dɨŋ ŋwaa shɔ nɨzi. Maa lùu yigisə vəmfaw faŋ mə gì nɨniŋ nə.

2 Kɔrintian 2:14

Yia bwaŋ Nwi, buꞌ laa ŋwə yɨ̀sə laa yia kɨ toꞌ fɨ yiba jɨŋ Kristo, bwìlə vɨɨ tɨ́ Nwi, nu Kristo fi vəshəŋ vənshə. Vɨɨ zɔ nu Nwi buꞌ yia, kɨɨ nə ŋwə fɨ fuŋ.

2 Kɔrintian 3:12

Faŋ yia nùŋ fwi sia maa ntɔŋ yijəə yɔ́ nee nə, yia jia fwi ŋkee dɨdɨꞌ maa mətɨŋnə, fɨꞌtə nu Nwi.

2 Kɔrintian 7:14

Nɨniŋ, nu ŋkɨə faŋ mə nəə bəŋsə viŋ shɔ tɨ́ ŋwə, kee gù nu tɔ dɨɨ shee me. Ŋkə fuu yinsəŋ, sheꞌ faŋ vənu vənshə faŋ mə nə gì tɨ́ viŋ lùu vənu və yinsəŋ nə.

2 Kɔrintian 8:24

Nɨniŋ, viŋ ndɨ vəŋ jəə, də̀ ŋkawnə yiŋ faŋ viŋ kaw vɨɨ nə, yɨsə laa vəməshəŋtə və vɨɨ Nwi ye laa yia nə gì yinsəŋ faŋ yia nə bə̀ŋsə viŋ tɨ́ vəŋ.

Filipi 1:14

Nu mɔ́ꞌ baa lùu laa, vaŋ-nshwi vaŋ-nsiŋ vəyaŋ, faŋ vəŋ ye laa mə lùu taa ŋii mfiŋ buꞌ Kristo nə, vəŋ tey kɨ yɨꞌtə maa Yeso ŋkee dɨdɨꞌ, baa kìi fwi yiweꞌ maa məbaa fɨꞌtə nu Nwi tɨ́ vɨɨ, gə vɨsɨ vɨsɨ, kee baa fɨfee me.

Filipi 1:20

Mə tə sɨ, kɨ kɨꞌ laa tɔ kaŋ kee ndɔ dɨɨ me, baa nə laa Nwi ndɔ yɨsə laa vɨɨ bəŋsə Kristo buꞌ mə, sheꞌ faŋ ŋwə yuu kɨ yɨsə ghee nshə. Vɨ ndɔ bəŋsə Kristo buꞌ mə, faŋ mə kɔlə kɨku, tɨꞌnə me bɨbwey.

Filipi 1:26

Nɨniŋ laa, faŋ nsiŋ ndɔ baa luu mɔ́ꞌ, buu viŋ taa kii ŋkee nu kwalə mɔ́ꞌ maa məbəŋsə Yeso Kristo shɔ, maa nu ŋkɨə faŋ ŋwə yɨ maa mə nə.

Filipi 2:17

Məbiŋ wiŋ faŋ viŋ biŋ Kristo nə, lùu yaa ndey faŋ viŋ fèꞌ tɨ́ Nwi. Kɨ yighee mɔ́ꞌ məbwey ŋwaa ndɔ ndi, buu lùu yaa fa faŋ vɨ ndi, kùꞌsə maa ndey yɔ́. Ŋkə taa luu nɨniŋ, buu mə taa kii məŋaytə taa fwi mə; nsiŋ baa faynə yiŋwaa, kɨ ŋaytə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Tesalonika 2:19

Nu ŋkɨə tɨ́ kaꞌ yia ŋaytə shɔ vɨsɨ tɨta ŋwaa-nsiŋ Yeso maa yighee njyə faŋ ŋwə ndɔ bəŋ jwi nə, taa luu kə? Nu ŋkɨə tɨ́ kaꞌ vɨ ndɔ bəŋsə yia shɔ, yia nùŋ fwi sia shɔ, lùu kə? Maa luu sheꞌ viŋ.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

2 Tesalonika 1:4

Nshɨ-tɔ wia ŋaytə, baa bə̀ŋsə viŋ fɨ taa vəməshəŋtə və vɨɨ Nwi, buꞌ laa viŋ jìa fwi siŋ, nùŋ sheꞌ maa Kristo ghee nshə, faŋ vɨɨ shoꞌ ghuu ghiŋ, kwaŋ ŋɨꞌ maa viŋ nə.

Filemon 1:7

Weenshu ŋwaa, mə ŋàytə dɨdɨꞌ, baa zwisə fwi nyaa dɨdɨꞌ, buꞌ laa a kàw vaŋ-nshwi vaŋ-nsiŋ. A yɨsə fwisə vɨɨ ley Nwi zutə.

Jeyms 1:2

Vaŋ-nshwi vaŋ, viŋ taa kɨ luu kɨ kii məmɔŋ, vənu nə ghɔꞌ viŋ, viŋ jia fwi siŋ nə məŋaytə, ndì vənu vənshə nə məŋaytə,