2 Kɔrintian 7:2 - Vengo (Babungo)

² Viŋ kɔ shəŋ tɨ́ yia taa fwisə viŋ! Yia nə kee ta yɨ̀sə nu bwə maa ŋkee tuu wə me, kee bɨ̀sə fwi wə me, kee bwèꞌsə tuu wə me.

2 Kɔrintian 7:2 ပူးပေါင်းရင်းမြစ်များ

Matiu 10:14

Kɨ luu vɨɨ kee biŋ nu kiŋ me, kee kɨ zɔ yigisə yiŋ me, viŋ fuu fɨ taa ŋii yɔ́, tɨꞌnə me fɨ taa ntɨꞌ yɔ́, tɔ̀ŋsə ghuu ghiŋ nsi maa shwenə tɨ́ vəŋ.

Matiu 10:40

Wə ntɨə faŋ ŋwə jìa viŋ jəə, jìa luu mə nɨniŋ. Wə ntɨə faŋ ŋwə jìa mə jəə, jìa luu nshɨ-tɔ Nwi faŋ ŋwə nə tɔ̀ŋ mə nə.

Lukas 10:8

Ntɨꞌ njyə faŋ viŋ ŋìi shɔ, kɨ luu laa vɨ jìa viŋ shɔ, viŋ kɨ zɨ vətɔ mbɨə faŋ vəŋ kɔ̀ tɨ́ viŋ.

Akts 20:33

Mə nə luu taa ŋwaa viŋ, kee kəə ka wə me, kee fì njwi wə me.

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 11:16

Mə baa gì laa kɨ viŋ bɨꞌtə laa mə luu ŋkɔmə me. Viŋ kɔlə bɨꞌtə nɨniŋ, viŋ bìŋ mə, faŋ mə luu ŋkɔmə wə nə, tɨ́ kaꞌ mə bə̀ŋsə ŋwaa ŋwaa tɨtiꞌ.

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

Filipi 2:29

Faŋ ŋwə taa jwi, viŋ kɔ bwaŋnə tɨ́ ŋwə maa yizii tɨta Nwi. Viŋ ŋaytə maa ŋwə. Bàw viŋ kɨ kɔ bəŋsə tɨ́ kəŋ vɨɨ vɔ́.

Kɔlɔsii 4:10

Aristarkɔs faŋ ŋwə lùu feenə taa ŋii mfiŋ yia ŋwə mɔ́ꞌ, shɔꞌtə viŋ. Mark, wee weenshu Barnabas, shɔꞌtə viŋ nɨzi. Mə duꞌtə mə nyɔꞌ vənu kɔ̀ŋ ŋwə tɨ́ viŋ. laa ŋwə taa jwi yɨ viŋ, viŋ jia ŋwə jəə.

1 Tesalonika 2:10

Nshɨ-tɔ wiŋ, nə Nwi, nə ye nə yisɨ faŋ nshinə yia nə luu yiley, baa lùu yiloomə taa ŋwaa viŋ, yia kee gu tuu nu maa viŋ, faŋ viŋ nùŋ fwi siŋ maa Nwi nə me.

Filemon 1:12

Mə bəŋsə tɔ̀ŋ ŋwə tɨ́ ghɔ ndwə, faŋ luu ŋkee fwi nyaa faŋ mə tɔ̀ŋ tɨ́ ghɔ nə.

Filemon 1:17

Nɨniŋ, a kɨ luu biŋ laa nsoo lùu fa kəmuꞌ, buu a ndì ŋwə yaa a ndì nshɨ-tɔ ŋwaa.

2 Jɔn 1:10

Kɨ luu wə jwi yɨ viŋ, kee jwì nə nu kɔ́ me, kɨ viŋ biŋ ŋwə ŋii taa ŋii viŋ me, kee shɔ̀ꞌtə ŋwə me,