2 Kɔrintian 7:13 - Vengo (Babungo)

¹³ Lùu nu ŋkɨə faŋ ŋkə nə zwìsə fwi yia. Luu nə, məŋaytə wia yaŋ dɨdɨꞌ, buꞌ faŋ yia nə yè məŋaytə Titɔs, faŋ ŋwə nə ŋàytə buꞌ laa fwi yi nə zùtə buꞌ viŋ vənshə.

2 Kɔrintian 7:13 ပူးပေါင်းရင်းမြစ်များ

Roma 12:15

Viŋ kɨ ŋaytə viŋ vɨ vɨɨ mbɨə faŋ vəŋ ŋaytə, gwia viŋ vɨ vɨɨ faŋ vəŋ gwia.

Roma 15:32

Nɨniŋ laa mə ndɔ kɨ shɔɔ, jwì yɨ viŋ nə məŋaytə, faŋ Nwi taa biŋ, fwi saŋ-nsiŋ zutə.

1 Kɔrintian 12:26

Kɨ luu laŋnə ŋwaa wə kəmuꞌ ye ŋɨꞌ, buu vəlaŋ və ŋwaa vənshə taa ye ŋɨꞌ nɨzi. Kɨ luu laŋ kəmuꞌ kii feenə, buu vəlaŋ vənshə taa kɨ ŋaytə nə laŋnə ŋwaa yiŋkii.

1 Kɔrintian 16:13

Viŋ kɨ kɨɨ buꞌ viŋ gu nu me! Viŋ nuŋ fwi siŋ maa Yeso Kristo, wèꞌ shɔ. Viŋ kii fwisə weꞌsə, tɨ̀ŋnə weꞌ.

1 Kɔrintian 16:18

Vəŋ yɨ fwi nyaa zutə, baa yɨsə fwi siŋ zutə nɨzi. Bàw vɨ kɨ kɔ feenə tɨ́ kəŋ vɨɨ vɔ́.

2 Kɔrintian 2:13

Luu nə, fwi nyaa nə kee yizutə me, buꞌ faŋ mə nə kee yè weenshu ŋwaa Titɔs yifi me. Nɨniŋ, mə ndɔ fɨ yɨ vɨɨ vɔ́, shɔ̀ɔ gə̀ zìꞌ shɨ Makedonia.

2 Kɔrintian 2:3

Lùu nu ŋkɨə faŋ mə nə nyɔ̀ꞌ taa ŋwaꞌlə ŋwaa, ŋgwə yiba, tɨ́ kaꞌ viŋ lòotə vənu, buu mə jwi. Nɨniŋ laa yighee njyə faŋ mə jwi, kaꞌ fwi nyaa kee kìi məluŋ fɨ ghɔ vɨɨ mbɨə faŋ kaꞌ vəŋ kɔ məŋaytə shee me. Mə nùŋ fwi nyaa maa viŋ laa mə kɨ luu kìi məŋaytə, buu viŋ baa luu kìi məŋaytə vənshə.

2 Kɔrintian 7:14

Nɨniŋ, nu ŋkɨə faŋ mə nəə bəŋsə viŋ shɔ tɨ́ ŋwə, kee gù nu tɔ dɨɨ shee me. Ŋkə fuu yinsəŋ, sheꞌ faŋ vənu vənshə faŋ mə nə gì tɨ́ viŋ lùu vənu və yinsəŋ nə.

2 Kɔrintian 7:15

Nɨniŋ, ŋkawnə yi maa viŋ lùu yiweꞌ. Ŋwə lumə viŋ faŋ viŋ nə lòotə ŋwaa maa məzɔnə ŋwə, faŋ viŋ nə kɔ̀ bwaŋnə tɨ́ ŋwə nə feenə.

2 Kɔrintian 7:6

Luu nə, Nwi faŋ ŋwə yaa kɨ kɔ fwi yizutə tɨ́ vɨɨ mbɨə faŋ vɨ fiitə vəŋ nsi, baa kɔ fwi yizutə tɨ́ yia nɨzi, faŋ Titɔs nə jwì yɨ yia.

Filipi 2:28

Nɨniŋ, ŋkə luu sheꞌ laa, mə taa tɔŋ ŋwə, ŋwə jwi yɨ viŋ yighee muꞌ, tɨ́ kaꞌ viŋ baa kɨ ŋaytə faŋ viŋ taa baa ye ŋwə. Nɨniŋ, məluŋ ŋwaa baa fasə.

2 Timoti 1:16

Bàw tɨta Nwi gaŋtə ŋiꞌ ŋii Onesifɔrɔs, buꞌ laa ŋwə nəə zwisə fwi nyaa ghee ghee, tɔ ki kee dɨ̀ɨ buꞌ mə, faŋ mə lùu mfiŋ nə me.

Filemon 1:20

Yinsəŋ, weenshu ŋwaa, mə kàw maa məkii ŋgaŋtə fɨ ghɔ ghɔ fɨ yiba tɨta Kristo. Bàw a yɨ nu ŋkɨə faŋ fwi nyaa kàw buꞌ Yeso Kristo.

Filemon 1:7

Weenshu ŋwaa, mə ŋàytə dɨdɨꞌ, baa zwisə fwi nyaa dɨdɨꞌ, buꞌ laa a kàw vaŋ-nshwi vaŋ-nsiŋ. A yɨsə fwisə vɨɨ ley Nwi zutə.

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.