2 Kɔrintian 7:11 - Vengo (Babungo)

¹¹ Maa viŋ yè faŋ ŋkee məluŋ ghɔ́, faŋ viŋ nə lùŋ maa jɨɨ Nwi nə, nə yɨ̀sə viŋ ŋɨɨlə maa nu jəə. Viŋ bìŋ nu bwə kiŋ. Nu bwə bɨ tɨ́ viŋ, viŋ fee Nwi. Jɨŋ yia za viŋ, viŋ kɨɨtə buꞌ yia, kwàŋ nsɔꞌ maa wuu məyɨ nu bwə wì. Maa vənu vənshə viŋ yɨ̀ jəə, tɨ́ kaꞌ mə kɨ̀ɨ laa viŋ lèy fɨ maa nsɔꞌ yɔ́ yighee muꞌ.

2 Kɔrintian 7:11 ပူးပေါင်းရင်းမြစ်များ

Mark 3:5

Vəŋ gay. Ŋwə ndeynə vəŋ kia nə fwi yifəŋ, luŋ buꞌ laa fwisə vəŋ nə luu səshii maa məbiŋ nu ki, kɨ nii gì tɨ́ wə ghɔ́ laa, «Nesə kwiŋ wə!» Wə ghɔ́ nesə kwiŋ wi; kwiŋ wi ghɔ́ bwaŋnə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:17

Vɨɨ məzwetə nu ki ye, lùmə laa vɨ nə nyɔ̀ꞌ taa ŋwaꞌlə Nwi laa, «Mə kaw ŋii yə mɔɔ, Nwi. Ŋkawnə nyaa yɔ́ weꞌ dɨdɨꞌ, tɨ́ kaꞌ nyə zwì mə.»

Akts 17:16

Nə luu maa yighee njyə faŋ Pɔɔl nə dùꞌ ntɨꞌ Atens, kɨ kɨꞌ Silas nə Timoti, fwi yi shə buꞌ laa mənyia nə luu məyaŋ taa shɨ yɔ́, faŋ vɨɨ nəə feꞌ mənyia mbɔ́ yaa vənwi vəvəŋ.

Roma 11:20

Lùu nɨniŋ. Luu nə, vɨ nə bɨ̀ꞌtə vəŋ buꞌ faŋ vəŋ kee nùŋ fwi vəŋ maa Kristo me. Vɨ yə̀ənə ghɔ shɔ, buꞌ faŋ a nə nùŋ fwi yə maa ŋwə. Nɨniŋ, kɨ buꞌ dɨŋ me, kɨ fɨfee.

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

1 Kɔrintian 12:25

Nwi nə yɨ̀ nɨniŋ laa ŋgaasə kee lùu maa ŋwaa me, vəlaŋ və ŋwaa bee kɨ kii gaŋtə yiŋwaa vəŋ, vəŋ vəŋ.

1 Kɔrintian 5:13

Kaꞌ sɔꞌ sheꞌ Nwi sɔ̀ꞌ vɨɨ mbɨə faŋ vəŋ kee lùu vɨɨ Nwi me. Luu nə, gə fɨ maa nu bwə kɔ́ taa ŋwaa viŋ nə, viŋ kɨ yɨsə sheꞌ faŋ vɨ nyɔ̀ꞌ taa ŋwaꞌlə Nwi laa, «Viŋ jɔŋ wuu bwə ghɔ́ fɨ taa ŋwaa viŋ!»

1 Kɔrintian 5:2

Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.

2 Kɔrintian 13:7

Yia buꞌ ghɔ tɨ́ Nwi laa kɨ viŋ yɨ tuu nu bwə me. Kɨ mə kee gì nɨniŋ, tɨ́ kaꞌ yia ndɔ fuu yaa vɨɨ faꞌ jəə tɨ́ Nwi me. Mə kəə sheꞌ laa viŋ yɨ nu ŋkɨə faŋ ŋkə lùu kəloomə, faŋ ŋkə kɔlə ghɨɨ yaa yia gù nu.

2 Kɔrintian 2:6

Nsɔꞌ njyə faŋ viŋ vəyaŋ nə kwàŋ maa wə ghɔ́ nə, kùꞌnə tɨ́ ŋwə ndwə.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

2 Kɔrintian 7:7

Nə kee lùu sheꞌ buꞌ məjwi wi me, laa fwi sia zutə; yia baa luu ŋàytə buꞌ faŋ yia zɔ̀ fɨ ghɔ ŋwə laa fwi yi nə zùtə buꞌ viŋ. Ŋwə nə nàysə tɨ́ yia kɔ̀ŋ jɨŋ njyə faŋ nyə zasə viŋ kɔ̀ŋ mə laa mə jwi, baa nə kəŋ gəŋsə nsɨə faŋ viŋ kii kɔ̀ŋ nu ŋkɨə faŋ ŋkə nə gày nə, baa nə laa viŋ kɨɨtə buꞌ mə. Nɨniŋ, mə ŋaytə maa vənu vɔ́ dɨdɨꞌ.

2 Kɔrintian 7:9

Faŋ mə ŋaytə ndwə nə, mə kee ŋaytə buꞌ məluŋ wiŋ faŋ viŋ nə lùŋ nə me; mə ŋaytə buꞌ laa məluŋ ghɔ́ nə yɨ̀sə viŋ kwiinə fwi siŋ. Viŋ nəə luŋ maa jɨɨ Nwi. Nɨniŋ, yia nə kee bɨ̀sə fwi siŋ maa nu mɔ́ꞌ me.

2 Kɔrintian 9:2

Mə kɨɨ nə fwi yijəə yiŋ, baa bəŋsə viŋ shɔ tɨ́ vɨɨ Makedonia. Mə nàysə tɨ́ vəŋ laa vɨɨ Akaya nə duꞌtə vəŋ tey kɨ baytə vətɔ vəvəŋ shù fɨ maa ŋuꞌ njii. Wutə kiŋ kɔ́ suŋtə vəŋ vəyaŋ.

Efesɔs 4:26

Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me.

Efesɔs 5:11

Kɨ viŋ kwaŋ ghɔ taa vənu vədayday fɨ taa mfiŋsə me. Viŋ bee kii də vənu vɔ́ ntee laa lùu vənu vəbwəvə.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

1 Timoti 5:20

Vɨɨ lùu shɔ taa ŋwaa vəŋ faŋ vəŋ yɨsə nu bwə, bàw a sɔꞌ vəŋ taa ŋwaa vɨɨ vənshə, laa vɨɨ mɔ́ꞌ fee nɨzi.

2 Timoti 2:15

Kɨ tɔfə maa məduꞌ yikəꞌ Nwi yaa wə faŋ ŋwə kùꞌnə maa faꞌ wi. Faꞌ faꞌ Nwi tɨ́ kaꞌ tɔ kə kee ndɔ dɨɨ shɔ me. Kɨ fɨꞌtə nu yinsəŋ Nwi tɨ́ vɨɨ ŋkee ley ley.

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 4:1

Nwi nə kɔ̀ꞌnə tɨ́ vɨɨ laa vəŋ ndɔ ŋii maa shəŋ jəə ki faŋ kaꞌ vəŋ shə̀ŋ ŋwaa shɔ. Maa ŋkɔꞌnə yɔ́ kee ta yifaynə me; nyə lùu tɨ́ nsiŋ. Nɨniŋ, bàw nsiŋ kɨ faꞌ nə məfee, laa kɨ wə fɨ wiŋ kee ndɔ ndi me.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 1:17

Viŋ tii Nwi nə Tii wiŋ, faŋ ŋwə shoꞌtə vənu və vɨɨ faŋ vəŋ yɨsə tɔ tɔ, kee nə fəntɔ-fə-yisɨ me. Nɨniŋ, bàw laa viŋ kɨ toꞌ ghuu yitoꞌ kiŋ maa yighee faŋ viŋ lùu vəndɔ mbi nə feenə.

1 Pita 2:2

Viŋ lùu yaa vaŋ faŋ vɨ bɨ kɨ bɨbi vəŋ, faŋ vənshwi vəŋ yaa bɨ bɨbi vəŋ, vəŋ kɨ kəə yiməŋ ghee nshə. Bàw jɨŋ nu Nwi kɨ zasə viŋ sheꞌ yuu yiməŋ zasə vaŋ nə, buu viŋ taa kɨ ta taa nu Nwi, tɨ́ kɨ kaꞌ Nwi ndɔ bweysə viŋ.

Ŋwaꞌlə Jud 1:23

bwèysə vəŋ fɨ ghɔ wisə. Luu nə, vɨɨ vəmɔ́ꞌ lùu shɔ nɨzi, faŋ ŋkə bàw viŋ kee gəŋsə vəŋ, baa fèe vəŋ nɨzi, laa kɨ vəŋ yɨ viŋ ndi jɨɨ Nwi me. Ŋkee njwisə vəŋ kee lùu səley me, buꞌ vənu vəbwəvə vəŋ. Kɨ viŋ kɔŋ ghɔ shɔ me.

Reveleyshən 3:19

Mə sɔꞌ vɨɨ mbɨə faŋ mə kaw vəŋ, saŋ vəŋ, laa vəŋ kwiinə fwisə vəŋ. Nɨniŋ, yasə kɔꞌlə kwiinə fwi yə!