2 Kɔrintian 7:10 - Vengo (Babungo)

¹⁰ Wə kɨ luu kɨ luŋ maa jɨɨ Nwi, buu məluŋ wi ghɔ́ taa bweysə ŋwə, fwi yi kee sɔꞌ ŋwə faŋ ŋwə kwìinə fwi yi nə me. Kɨ luu wə nə luŋ maa jɨɨ vənu və taa mbi, buu lùu yiku yi.

2 Kɔrintian 7:10 ပူးပေါင်းရင်းမြစ်များ

Matiu 26:75

Pita lumə nu ŋkɨə faŋ Yeso nii gì tɨ́ ŋwə nə laa, «Ŋkɨꞌ taa kee taw me, a twey mə ghee tia.» Ŋwə lumə nɨniŋ, fùu fu, gwia ŋkee dɨdɨꞌ.

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 18:13

Gə fɨ maa wuu məsa vətɔ ghɔ́, ŋwə jwi tɨŋ ŋkee ntaŋ, kee bee jìa fwi maa məŋaꞌsə yisɨ yi, ndeynə yizɔ me, buꞌ fwi yi, shɔꞌtə Nwi laa, «Nwi, kee gəŋ saŋ, mə lùu wuu bwə!»

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

2 Kɔrintian 7:9

Faŋ mə ŋaytə ndwə nə, mə kee ŋaytə buꞌ məluŋ wiŋ faŋ viŋ nə lùŋ nə me; mə ŋaytə buꞌ laa məluŋ ghɔ́ nə yɨ̀sə viŋ kwiinə fwi siŋ. Viŋ nəə luŋ maa jɨɨ Nwi. Nɨniŋ, yia nə kee bɨ̀sə fwi siŋ maa nu mɔ́ꞌ me.

Hibru 12:17

Viŋ kɔꞌ kɨɨ laa, nə luu maa yighee yiba, Esaw nəə kəə laa tii wi tu mənɔŋ-bwaŋnə tɔ yi, luu nə, vɨ twey tɨ́ ŋwə. Jɨɨ nə kee baa lùu shɔ, tɨ́ kaꞌ ŋwə kwìinə nu ŋkɨə faŋ ŋwə nə yɨ̀sə nə me, faŋ ŋwə nə kɔlə gwia, mənsɨ fuu nə.