2 Kɔrintian 6:9 - Vengo (Babungo)

⁹ Faŋ vɨ kɔlə kee kɨ̀ɨ nə yia nə me, vɨɨ kɔꞌ kɨɨ nə yia. Faŋ yia kɔlə kɨkukə, yia lùu vəbwey. Faŋ vɨ kɔlə kwàŋ nsɔꞌ tɔ yia, vɨ kee zwìlə yia me.

2 Kɔrintian 6:9 ပူးပေါင်းရင်းမြစ်များ

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 19:26

Nɨniŋ, viŋ yɨye, baa zɔ faŋ Pɔɔl wì buulə vətɔ və vɨɨ vəyaŋ, laa vəŋ meꞌ vənwi, buꞌ laa ŋwə toꞌ gisə laa vənwi faŋ vɨ nàysə nə ghɔ, kee lùu vənwi me. Ŋwə kee yɨsə nɨniŋ sheꞌ shɨ Efesɔs me, ŋwə yɨsə fɨ nsi Asia yinshə.

Akts 25:19

Vəŋ gi sheꞌ vənu vəmɔ́ꞌ buꞌ nu Nwi vəŋ, faŋ ntaysə nə fùu shɔ, baa nə nu kɔ̀ŋ ŋku wə mɔ́ꞌ faŋ yizii yi lùu Yeso, faŋ Pɔɔl gisə laa ŋwə mbi.

Akts 25:26

Mə bəə ŋkee muꞌlə nu faŋ kaꞌ mə taa nyɔꞌ tɨ́ tii ŋwaa-nsiŋ. Nɨniŋ, mə jwì nə ŋwə vɨsɨ viŋ ndwə, ŋkee vɨsɨ ghɔ fwàŋ Agripa, laa viŋ taa kəə nu nsɔꞌ ki jəə, buu mə kii nu nyɔ̀ꞌ.

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

Roma 8:36

Ŋkə luu sheꞌ yuu ŋkə lùu taa ŋwaꞌlə Nwi laa, «Vɨ zwìlə yia maa shi ŋkwəŋ buꞌ ghɔ, ndèynə yia yaa bisə-njɨɨ faŋ vɨ zwìlə.»

1 Kɔrintian 11:32

Nu ŋkɨə faŋ Nwi yuu kɨ kwaŋ nsiŋ taa nsɔꞌ, lùu laa Nwi kəə də̀ tɨ́ nsiŋ laa nsiŋ gù vənu, tɨ́ kaꞌ nsiŋ kwìinə fwi saŋ-nsiŋ, kee ndɔ baa ŋìi taa nsɔꞌ Nwi maa shi ŋkɨə faŋ Nwi ndɔ kɨ sɔꞌ mbi yinshə, ndìsə vɨɨ bwənə vənshə me.

1 Kɔrintian 15:31

Vaŋ-nshwi vaŋ, mə naysə tɨ́ viŋ laa mə luu shuu yiku vəshi vənshə. Luu ŋkee nu yinsəŋ, sheꞌ faŋ ŋkə baa lùu yinsəŋ laa mə koꞌsə ŋwaa buꞌ viŋ, buꞌ laa viŋ lùu vɨɨ Yeso Kristo, faŋ lùu tɨta ŋwaa-nsiŋ faŋ ŋwə sɔꞌ nsiŋ nə.

1 Kɔrintian 4:9

Luu nə, mə bɨꞌtə laa Nwi nùŋsə yia, vɨɨ ntɔŋ vi, ŋkee nsi. Yia lùu yaa vɨɨ faŋ vɨ sɔꞌ nsɔꞌ vəŋ, shia laa vɨ zwilə vəŋ. Yia luu sheꞌ yaa vɨɨ taa vəghày faŋ mbi yinshə ŋkwəŋ nə nshiisə-ŋiisə Nwi nə wə mənsaw ye yia nə.

2 Kɔrintian 11:6

Mə kɔlə lùu bwə maa məgi, kee bə̀ə tɔ ley maa məkɨɨ nə nu Nwi me, faŋ yia duꞌtə yia yɨsə ŋkə ley tɨ́ viŋ maa vənu vənshə maa jɨɨsə sənshə.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.