2 Kɔrintian 6:6 - Vengo (Babungo)

⁶ Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

2 Kɔrintian 6:6 ပူးပေါင်းရင်းမြစ်များ

Roma 12:9

Viŋ kɨ kaw vɨɨ, kee kaw nə njyoꞌ səbɔɔ me. Viŋ bee nu bwə, jìa luu nu faŋ lùu nu jəə.

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

1 Kɔrintian 13:4

Ŋkawnə yaa kɨ yɨsə wə kɨ jia fwi yi, baa kii njyoꞌ yijəə; ŋwə kee ghɨꞌ vɨɨ me, kee gisə yigi shuu yaŋnə me, kee koꞌsə ŋwaa me.

1 Kɔrintian 2:16

Ŋkə lùu sheꞌ faŋ vɨ nə nyɔ̀ꞌ taa ŋwaꞌlə Nwi laa, «Sii kaꞌ kɨ̀ɨ ndə nə mbɨꞌtə tɨta Nwi? Wə kee lùu shɔ faŋ kaꞌ ŋwə tɨ̀ Nwi me.» Luu nə, gə fɨ maa nsiŋ, faŋ nsiŋ kìi Zwitə Nwi nə, nsiŋ kìi mbɨꞌtə Kristo.

1 Kɔrintian 2:4

Faŋ mə nə fɨ̀ꞌtə nu Nwi tɨ́ viŋ nə, mə nə kee ndɨ̀ yitɔfə wə mənsaw maa məsuŋ viŋ me. Nə gaŋtə sheꞌ Zwitə Nwi nə wutə ki gaŋtə mə maa mədə tɨ́ viŋ laa lùu nu yinsəŋ faŋ mə fɨꞌtə nə.

2 Kɔrintian 1:23

Ŋiꞌ nu ŋkɨə faŋ ŋkə nə yɨ̀ laa mə nə kee baa bəŋ jwì Kɔrint me, nə luu sheꞌ laa mə gaŋtə viŋ, laa kɨ mə kee jwi yɨ viŋ nə wutə maa məshia nsɔꞌ tɔ viŋ me. Nwi kɔꞌ kɨɨ laa nu ŋkɨə faŋ mə gì, lùu nu yinsəŋ.

2 Kɔrintian 11:11

Mə sii yɨ nɨniŋ buꞌ kə? Ŋkə lùu laa mə kee kàw viŋ yimu? Bey, Nwi kɔꞌ kɨɨ laa mə kàw viŋ.

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.

2 Kɔrintian 11:6

Mə kɔlə lùu bwə maa məgi, kee bə̀ə tɔ ley maa məkɨɨ nə nu Nwi me, faŋ yia duꞌtə yia yɨsə ŋkə ley tɨ́ viŋ maa vənu vənshə maa jɨɨsə sənshə.

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

2 Kɔrintian 13:10

Mə nyɔ̀ꞌ nee faŋ mə kee lùu yɨ viŋ me, tɨ́ kaꞌ mə taa kɨ jwi yɨ viŋ, kee baa kìi nu maa mədə wutə kaŋ tɨ́ viŋ me. Wutə ŋkɨə faŋ Mɔꞌmbi kɔ̀ shee nə, lùu wutə maa məfianə, kee lùu wutə maa məsɔꞌ me.

2 Kɔrintian 2:10

Viŋ kɨ luu kɨ ndenə yibɨsə wə, buu mə taa ndenə yibɨsə yi nɨzi. Kɨ luu laa nu mɔ́ꞌ lùu shɔ, faŋ ŋkə nə bàw laa mə ndenə ŋkə, buu mə ndènə buꞌ viŋ sɨ Kristo.

2 Kɔrintian 2:4

Mə nə nyɔ̀ꞌ ŋwaꞌlə ghɔ́ tɨ́ viŋ nə məlaꞌ. Fwi nyaa nəə ghaysə mə. Mə nyɔꞌ ŋkee nə mənsɨ sɨ mə. Mə nəə kee kəə yɨsə laa fwi siŋ za me, luu nə, laa viŋ kɨɨ faŋ ŋkawnə nyaa maa viŋ, lwàŋ taa fwi mə.

2 Kɔrintian 3:3

Ŋkə lùu kəley laa viŋ luu ŋwaꞌlə Kristo faŋ nyɔ̀ꞌ yia, buꞌ faŋ yia nə faꞌ faꞌ Nwi nə. Vɨ nə kee nyɔ̀ꞌ ŋwaꞌlə ghɔ́ nə muu mə ŋwaꞌlə me; vɨ nyɔ̀ꞌ nə Zwitə Nwi faŋ ŋkə kɔ məbwey. Vɨ nə kee nyɔ̀ꞌ fuu waytə bɨlaŋ me, vɨ nyɔ̀ꞌ fuu fənyway fə fwisə vɨɨ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

2 Kɔrintian 7:2

Viŋ kɔ shəŋ tɨ́ yia taa fwisə viŋ! Yia nə kee ta yɨ̀sə nu bwə maa ŋkee tuu wə me, kee bɨ̀sə fwi wə me, kee bwèꞌsə tuu wə me.

Galatia 3:2

Mə kəə bitə nu tɨ́ viŋ kəmuꞌ. Ŋkə lùu laa, «Zwitə Ley Nwi, faŋ ŋkə nə ŋìi maa viŋ nə, ŋkə nə ŋìi maa viŋ, buꞌ faŋ viŋ nəə zɔnə nuŋsə vɨɨ Jus mu, mu nə luu buꞌ laa viŋ nə zɔ̀ ntɔŋ Nwi yijəə, nùŋ fwi siŋ maa ŋwə?»

Galatia 3:5

Viŋ yè faŋ Nwi kɔ̀ Zwitə ki tɨ́ viŋ. Ŋwə yɨsə vənu vəkwalə taa ŋwaa viŋ. Nɨniŋ, luu buꞌ laa viŋ zɔnə ntɨsə Nwi nə wutə mu, mu luu buꞌ laa viŋ zɔ ntɔŋ Nwi yijəə, kwàŋ fwi siŋ maa ŋwə? (Maa lùu buꞌ faŋ viŋ nùŋ fwi siŋ maa Kristo nə.)

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Efesɔs 3:4

Viŋ taa kɨ tii vəshəŋ və ŋwaꞌlə vɔ́, buu viŋ taa ye faŋ mə kɔꞌ kɨɨ nə ŋiꞌ nu Kristo kɔ́, faŋ ŋkə nə ndènə maa yighee vɨsɨ nə,

Efesɔs 4:2

Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 2:3

Luu sheꞌ Kristo faŋ ŋwə luu ŋkwa faŋ ŋwə ŋaꞌsə jɨɨ tɨ́ vɨɨ, laa vəŋ kii tɔ ley yinsəŋ, baa kɨ̀ɨ nə vənu ŋkee jəə. Kəŋ tɔ ley kɔ́ kìi sey tɨ́ vɨɨ.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Tesalonika 2:10

Nshɨ-tɔ wiŋ, nə Nwi, nə ye nə yisɨ faŋ nshinə yia nə luu yiley, baa lùu yiloomə taa ŋwaa viŋ, yia kee gu tuu nu maa viŋ, faŋ viŋ nùŋ fwi siŋ maa Nwi nə me.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

1 Timoti 5:2

tɨsə vəki vətaavə yaa vənshwi və, tɨsə zawə mbə vəki yaa vaŋ-nshwi və nɨzi, jiatə ŋwaa tɨ́ vəŋ maa vənu vənshə.

2 Timoti 3:10

Gə fɨ maa ghɔ, a nə ndì ghuu yitoꞌ kaŋ maa nu ŋkɨə faŋ mə nə dèesə nə, baa luu bèꞌsə mə fɨ maa nshinə nyaa, baa nə faŋ mə kəə jɨɨsə maa məgə vɨsɨ vɨsɨ, nùŋ fwi nyaa maa Kristo, jìa fwi, dùꞌ bwaŋnə, kàw vɨɨ, jia fwi nyaa faŋ vɨ kɔ ŋɨꞌ tɨ́ mə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.