2 Kɔrintian 6:4 - Vengo (Babungo)

⁴ Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 6:4 ပူးပေါင်းရင်းမြစ်များ

Lukas 21:19

Viŋ ndɔ kɨ jia fwi yiŋ maa ŋɨꞌ, kɔꞌ kɨ bɨbiŋ, buu viŋ ndɔ fi məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Akts 20:34

Viŋ kɔꞌ kɨɨ laa mə nə fàꞌ nə ghɔ ŋaa, kìi fa ŋkɨə faŋ mə nəə kəə fɨ fuŋ, nə vətɔ və vɨɨ mbɨə faŋ yia vɨ vəŋ nə luu mɔ́ꞌ.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Roma 16:10

Shɔꞌtə Apeles, faŋ ŋwə wèꞌ maa nu Kristo nə. Shɔꞌtə vɨɨ fɨ fu Aristɔbulɔs,

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 5:8

Gə fɨ maa Nwi, ŋwə nə də ŋkawnə yi faŋ ŋwə kàw nsiŋ dɨdɨꞌ nə, faŋ Kristo nə kù tɔ nsiŋ maa yighee njyə faŋ nsiŋ nəə kɨ bii vəyɨ-kəbwə.

1 Kɔrintian 3:5

Apɔlɔs sii lùu ndə? Pɔɔl lùu ndə? Maa yia luu sheꞌ vɨɨ faꞌ Nwi, faŋ Nwi nə tɔŋ laa yia gaŋtə viŋ, viŋ nuŋ fwi siŋ maa Yeso Kristo. Yia faꞌ sheꞌ faꞌ ŋgwə faŋ Nwi kɔ̀ tɨ́ yia tɔ tɔ.

1 Kɔrintian 4:1

Nu ŋkɨə faŋ ŋkə bàw laa vɨɨ kɨ bitə kɔ̀ŋ yia, lùu laa yia lùu vɨɨ faꞌ Kristo, baa lùu vɨɨ məndeynə nu Nwi, ŋkɨə faŋ ŋkə nə ndènə fɨ yikəꞌ vɨɨ nə.

1 Kɔrintian 9:11

Yia nə fɨ̀ꞌtə nu Nwi tɨ́ viŋ, sheꞌ yuu wə faŋ ŋwə mɔ̀ꞌ ŋɨꞌsə taa biisə ŋwə. Ŋkə kee yikuꞌnə laa viŋ, faŋ viŋ kìi sey fɨ maa faꞌ wia nə, laa viŋ kɔ fɨ maa vətɔ mbɨə faŋ viŋ kìi tɨ́ yia yimu?

2 Kɔrintian 11:23

Vəŋ lùu vɨɨ faꞌ Kristo mu? Mə lùu wuu faꞌ Kristo nɨzi. Mə gisə yuu wuu ŋgienə, mə lùu wuu faꞌ Kristo shɔ̀ɔ vəŋ. Mə nə sàŋ ŋwaa ŋwaa maa faꞌ shɔ̀ɔ vəŋ. Mə nə ŋìi mfiŋ shɔ̀ɔ vəŋ. Vɨ nə sàŋ mə nə vəmfa shɔ̀ɔ ki. Mə nə shɔ̀ɔ fɨ shuu yiku ghee yaŋ.

2 Kɔrintian 11:27

Mə nə nùꞌ ŋwaa ŋwaa maa faꞌ weꞌ, shi nə yikɨꞌ ghee yaŋ. Jɨŋ za mə, too ŋwaa yɔŋ. Mə zwisə nə jɨŋ ghee yaŋ. Gwə koo mə, mə kee kìi fa kusə me.

2 Kɔrintian 11:9

Yighee njyə faŋ nsiŋ nə luu mɔ́ꞌ nə, mə nəə kee kɔ ŋɨꞌ tɨ́ viŋ, faŋ mə nə bəə ka me. Nə gaŋtə vaŋ-nshwi vaŋ faŋ vəŋ nə jwì fɨ Makedonia gàŋtə mə nə vətɔ vənshə faŋ mə nə bəə mbə. Mə nə tòꞌ nɨniŋ maa vənu vənshə, laa kɨ mə kɔ ŋɨꞌ tɨ́ wə fɨ wiŋ me. Mə ndɔ baa kɨ toꞌ sheꞌ nɨniŋ taa ŋwaa viŋ.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Kɔrintian 12:12

Maa mə nə yɨsə vənu mbɨə faŋ mbə də̀ laa mə lùu wuu ntɔŋ Kristo taa ŋwaa viŋ nə fwi yizutə. Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

2 Kɔrintian 4:8

Vɨɨ gɔ yia, yindiasə yia kee mè me. Tɔ kia shii, luu nə, vənu kee tə yia ləə vəkɨŋ me.

2 Kɔrintian 7:11

Maa viŋ yè faŋ ŋkee məluŋ ghɔ́, faŋ viŋ nə lùŋ maa jɨɨ Nwi nə, nə yɨ̀sə viŋ ŋɨɨlə maa nu jəə. Viŋ bìŋ nu bwə kiŋ. Nu bwə bɨ tɨ́ viŋ, viŋ fee Nwi. Jɨŋ yia za viŋ, viŋ kɨɨtə buꞌ yia, kwàŋ nsɔꞌ maa wuu məyɨ nu bwə wì. Maa vənu vənshə viŋ yɨ̀ jəə, tɨ́ kaꞌ mə kɨ̀ɨ laa viŋ lèy fɨ maa nsɔꞌ yɔ́ yighee muꞌ.

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Tesalonika 3:7

Nɨniŋ, fwi sia zutə buꞌ viŋ, vaŋ-nshwi via, faŋ yia kɔlə ye ŋɨꞌ yiyaŋ, vɨɨ yɨnə yia nə. Fwi sia zutə buꞌ faŋ viŋ gòꞌsə maa nu Kristo nə.

1 Tesalonika 5:14

Vaŋ-nshwi via, yia tɨsə viŋ laa viŋ kɨ bɔŋsə vɨɨ faŋ vəŋ toꞌ fɨ maa jɨɨ yigɨŋkə, baa bàwsə fwisə vɨɨ mbɨə faŋ fwisə vəŋ lɔ̀ꞌ. Viŋ kɨ gaŋtə vɨɨ mbɨə faŋ vəŋ kee lùu vəweꞌ maa nu Nwi me. Viŋ kee gəŋsə vɨɨ vənshə.

1 Timoti 2:15

Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

1 Timoti 6:11

Gə fɨ maa ghɔ, wuu Nwi, nyɨŋ vənu vɔ́, bèꞌsə fɨ jɨŋ nu ŋkɨə faŋ lùu nu loomə, baa nə nu məbəŋsə Nwi, nə maa mənuŋ fwi maa Kristo, nə məkaw vɨɨ, nə maa məjia fwi taa ŋɨꞌ, nə nu məduꞌ bwaŋnə.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

2 Timoti 2:24

Bàw laa wuu faꞌ tɨta Kristo bwaŋnə tɨ́ vɨɨ vənshə, kee kɨ nywenə nywaŋsə me. Bàw ŋwə kɨɨ maa mədeesə nu Nwi jəə, jia fwi faŋ vɨ kɔ ŋɨꞌ tɨ́ ŋwə.

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 3:10

Mə yɨsə nɨniŋ buꞌ laa a jìa nu kaŋ faŋ ŋkə kɔ wutə tɨ́ ghɔ maa məjia fwi yə taa ŋɨꞌ. Nɨniŋ, mə ndɔ gaŋtə ghɔ nɨzi maa yighee njyə faŋ nu məbweꞌsə vɨɨ ndɔ fuu taa mbi yinshə maa məmɔŋ vɨɨ vənshə.