2 Kɔrintian 6:16 - Vengo (Babungo)

¹⁶ Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

2 Kɔrintian 6:16 ပူးပေါင်းရင်းမြစ်များ

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Matiu 6:24

Kaꞌ wə muꞌ kee fàꞌ tɨ́ vɨɨ vəbɔɔ me. Wə kəə kɨ yɨ nɨniŋ, buu ŋwə taa bee wuu mɔ́ꞌ, kàw wuu mɔ́ꞌ, yighee mɔ́ꞌ kɨ zɔnə wuu mɔ́ꞌ, shiasə wuu mɔ́ꞌ, kaꞌ wə kee kɨ faꞌ tɨ́ Nwi, baa faꞌ ndeynə ka me.»

Lukas 5:36

Yeso baa fɨ̀ꞌtə yigisə tii yimɔ́ꞌ tɨ́ vəŋ laa, «Kaꞌ wə kee sà waytə njwi fɨ maa njwi yifi, tà maa njwi yimwa me. Wə nəə toꞌ yɨ nɨniŋ, buu ŋwə taa sa njwi yifi yɔ́. Njwi yimwa yɔ́ nɨzi kee bàw me, buꞌ laa waytə njwi yifi kɔ́ kee kùꞌnə maa njwi yimwa yɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:56

Wə tɨ̀ me wə faŋ ŋwə kwə mbasə ŋwaa ŋwaa, nù mənshi maa, buu ŋwə gòꞌsə yia ŋwə yighee muꞌ; mə gòꞌsə taa fwi ŋwə nɨzi.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

Roma 8:9

Gə̀ fɨ maa viŋ, viŋ kee toꞌ luu fɨ maa nuŋsə mbasə ŋwaa me. Viŋ toꞌ luu fɨ maa Zwitə Ley Nwi, buꞌ laa Zwitə Ley Nwi shi taa ŋwaa viŋ. Wə kɨ luu kee kìi Zwitə Kristo taa fwi ŋwə me, buu kaꞌ ŋwə kee lùu wuu Kristo me.

Roma 9:26

baa nə laa, «Ndɔ luu maa shəŋ kəmɔ́ꞌ faŋ mə nə gì tɨ́ vɨɨ yifi laa vəŋ kee lùu vɨɨ vaŋ me, laa vɨ ndɔ tii vəŋ nə vaŋ Nwi yinsəŋ.»

1 Kɔrintian 10:21

Jɨɨ kee lùu shɔ, tɨ́ kaꞌ viŋ nu məluꞌ taa ndaw Yeso Kristo, baa kìasə nu məluꞌ fɨ taa ndaw zwitə bwə me. Sheꞌ nɨniŋ, jɨɨ kee lùu shɔ, tɨ́ kaꞌ viŋ zɨ̀ fazɨ taa ŋii Nwi, baa kìasə zɨ̀ fazɨ taa ŋii zwitə bwə me.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

Efesɔs 2:22

Nɨniŋ, vɨ fìanə viŋ shɔ nɨzi, maa ŋii Nwi yɔ́ faŋ Zwitə Ley Nwi shi taa tey yi.

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

2 Timoti 1:14

Nuŋsə vənu vəjəəvə vɔ́ faŋ Nwi kɔ̀ tɨ́ ghɔ nə. Zwitə Ley Nwi faŋ ŋkə lùu taa fwisə nsiŋ, taa gaŋtə ghɔ.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 8:10

Ŋwə baa luu gì tɨ́ vəŋ laa, «Məkee mbɔ́ faŋ yia vɨɨ Isirayl ndɔ gwia maa vəshi vɔ́, lùu laa mə ndɔ yɨsə vəŋ kɨɨ nə ntɨsə saŋ, nùŋ fwi vəŋ shɔ, kɨ zɔnə ntɨsə sɔ́ nə fwi yimuꞌ. Mə taa luu Nwi vəŋ, vəŋ luu vɨɨ vaŋ.

Jeyms 4:5

Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

1 Jɔn 4:12

Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

Reveleyshən 2:1

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Efesɔs, nyɔꞌ laa lee, «Wə ntɨə faŋ ŋwə jìa məjwiŋ mbɔ́ kwatia ghɔ ŋwə, maa kwiŋ maꞌnə wi, baa toꞌ fɨ taa ŋwaa təkiꞌ tɔ́ kwatia, faŋ lùu ntə goolə nə, gì laa,

Reveleyshən 21:3

Mə zɔ gɨ wə gi fɨ fuu kenə kɔ́ nəŋay laa, «Viŋ ye vəbee və Nwi taa ŋwaa vɨɨ. Nwi ndɔ kɨ shi taa ŋwaa vəŋ, vəŋ luu ŋgwisə vɨɨ vi. Ŋkee nshɨ-tɔ Nwi lùu ghɔ vɨ vəŋ,

Reveleyshən 21:7

Wə ntɨə faŋ ŋwə jìa fwi yi, twèꞌ maa nu Kristo, buu ŋwə ndɔ ndi fɨ maa muu mbɔ́. Mə kɨ nii luu Nwi wi, ŋwə luu ŋwiŋ ŋwaa.