2 Kɔrintian 6:1 - Vengo (Babungo)

¹ Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

2 Kɔrintian 6:1 ပူးပေါင်းရင်းမြစ်များ

Matiu 23:37

Aŋ Jerusalem, Jerusalem, a zwìlə nshiisə-ŋii sɔghɔ, tùmə vɨɨ mbɨə faŋ Nwi tɔ̀ŋ tɨ́ ghɔ, nə ŋoꞌsə. Mə nəə kəə fàynə vaŋ və ghee yaŋ, yaa nshɨ ŋgu yaa kɨ kuutə vaŋ vi taa ghalə ŋwə nə. Luu nə, viŋ kee biŋ me.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 14:3

Luu nə, Pɔɔl ghɔ Barnabas shi yifi tày, fɨ̀ꞌtə nu Nwi ntee, buꞌ laa vəŋ nə nùŋ fwisə vəŋ sheꞌ maa tɨta Yeso. Tɨta Yeso luu yiba jɨŋ vəŋ, kɔ wutə tɨ́ vəŋ laa vəŋ kɨ yɨsə vənu və shuu yɔŋvə, tɨ́ kɨ kaꞌ vɨɨ yè laa yigisə vəŋ kɔ̀ŋ gəŋsə Nwi lùu yinsəŋ.

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

Galatia 2:21

Nɨniŋ, kaꞌ mə kee mèꞌ gəŋsə Nwi yaa fa dayday me. Nəə toꞌ luu buꞌ mənuŋsə ntɨsə, laa wə luu wuu ley vɨsɨ Nwi, buu yiku Yeso Kristo lùu nu dayday.

Galatia 3:4

Viŋ duꞌtə viŋ ye faŋ Nwi faꞌ vənu vəyaŋ taa ŋwaa viŋ. Viŋ ndi vənu vɔ́ yaa vənu vədayday mu? Mə kee bɨꞌtə laa mbə lùu dayday me.

1 Tesalonika 3:5

Lùu nu ŋkɨə faŋ ŋkə nə yɨ̀sə laa kɨ kaꞌ mə kee baa jìa fwi nyaa me, tɔ̀ŋ Timoti maa məkɨɨ nə məbiŋ wiŋ, faŋ viŋ nùŋ fwi maa Kristo nə, buꞌ tɨɨ vəzwitə vəbwəvə mɔŋ viŋ, bwèꞌsə viŋ, viŋ ndi jɨɨ, buu vəfaꞌ via taa ŋwaa viŋ kɨ nii yindi.

Taytəs 2:11

Nu məkee gəŋsə faŋ Nwi kee gəŋsə vɨɨ nə, fùu taa mbi, kɨ kəə bwèysə vɨɨ vənshə.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Hibru 12:25

Nɨniŋ, viŋ kɨ ndɨɨnə laa kɨ viŋ twey Nwi faŋ ŋwə gì tɨ́ viŋ nə me. Viŋ lumə vɨɨ Isirayl fɨ ywaŋ-vɨsɨ, vəŋ nə twèy Nwi faŋ vəŋ nə zɔ̀ yigisə Nwi fɨ shuu wə taa mbi nyə̀. Luu nə, nsɔꞌ Nwi jia vəŋ, vəŋ kee kìi jɨɨ mənyɨŋ me. Gə fɨ maa nsiŋ, nsiŋ zɔ yigisə Nwi fɨ shuu wə faŋ ŋwə nə ndɔ̀ fɨ yizɔ. Nsiŋ kɨ luu kɨ twey yigisə yi, buu kaꞌ nsiŋ taa nyɨŋ kɨkə, faŋ vɨɨ vɔ́ nə kee bee yinyɨŋ nə me.

Hibru 4:1

Nwi nə kɔ̀ꞌnə tɨ́ vɨɨ laa vəŋ ndɔ ŋii maa shəŋ jəə ki faŋ kaꞌ vəŋ shə̀ŋ ŋwaa shɔ. Maa ŋkɔꞌnə yɔ́ kee ta yifaynə me; nyə lùu tɨ́ nsiŋ. Nɨniŋ, bàw nsiŋ kɨ faꞌ nə məfee, laa kɨ wə fɨ wiŋ kee ndɔ ndi me.

1 Pita 4:10

Viŋ kɨ gaŋtə yiŋwaa yiŋ, viŋ viŋ, nə tɔ ley ŋkɨə faŋ Nwi kèy viŋ shɔ tɔ tɔ. Wə tɨ̀ me wə faŋ Nwi kèy ŋwə nə kəŋ yitɔfə mɔ́ꞌ, kaꞌ ŋwə baa luu gàŋtə vɨɨ mɔ́ꞌ.