2 Kɔrintian 5:9 - Vengo (Babungo)

⁹ Nɨniŋ, nsiŋ kɨ nuŋsə ŋkɨɨ nyaa-nsiŋ maa məbawsə too tɨta ŋwaa-nsiŋ, Yeso Kristo, faŋ nsiŋ kɔlə kɨ bii fu, tɨꞌnə me lùu shiŋii yɨ ŋwə.

2 Kɔrintian 5:9 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Akts 10:35

Kɔlə kɨ luu tɔmə kə, wə faŋ ŋwə fee Nwi, baa yɨsə nu ŋkɨə faŋ ŋkə lùu kəloomə, Nwi kaw ŋwə.

Roma 14:18

Wə ntɨə faŋ ŋwə faꞌ faꞌ Kristo maa jɨɨ nyə̀, bàw tɨ́ Nwi, baa kùꞌnə tɨ́ vɨɨ nɨzi.

Roma 14:8

Kɨ luu nsiŋ duꞌ vəbwey, buu lùu tɨ́ tɨta ŋwaa-nsiŋ faŋ nsiŋ duꞌ vəbwey. Kɨ luu nsiŋ kukə, nsiŋ kukə maa yizii tɨta ŋwaa-nsiŋ nɨzi. Nɨniŋ, nsiŋ duꞌ vəbwey, tɨꞌnə me kùkə, buu luu sheꞌ fa kəmuꞌ. Kii sheꞌ tɨta Kristo kìi nsiŋ.

Roma 15:20

toꞌ nɨniŋ, kəə ŋkaŋ laa kɨ mə fɨꞌtə ntɔŋ yijəə yɔ́ maa shəŋ faŋ vɨ duꞌtə vɨ kɨɨ nə yizii Kristo yifi me. Nɨniŋ laa kɨ mə fianə ŋii nyaa fuu shɨŋii wə dɨday me.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 5:6

Nɨniŋ, nsiŋ jia fwi ghee nshə, kɨ kɨɨ laa yighee njyə faŋ nsiŋ kɨ bii shi taa yiŋwaa nyaa-nsiŋ yɔ́ shɨ nsi nyə̀, nsiŋ lùu ntaŋ fɨ yɨ Mɔꞌmbi,

2 Kɔrintian 5:8

Nɨniŋ, nsiŋ jia fwi saŋ-nsiŋ, kɨ kəə laa nsiŋ kɨ meꞌ yiŋwaa nyaa-nsiŋ yɔ́, gə shi ghɔ Tɨta ŋwaa-nsiŋ.

Efesɔs 1:6

laa nsiŋ kɨ bəŋsə nu ŋkɨə faŋ Nwi gaŋtə nsiŋ shɔ nə, faŋ ŋkə bàw shɨlə nə. Ŋwə nə kèe gəŋ saŋ-nsiŋ buꞌ ŋwiŋ wi faŋ ŋwə kaw ŋwə dɨdɨꞌ.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

1 Tesalonika 4:11

Viŋ kɨ tə sɨ maa məduꞌ bwaŋnə, baa nə laa wə tɨ̀ me wə kɨ ndeynə nu ki, faꞌ faꞌ nə ghɔ ghi maa məkii fazɨ, sheꞌ faŋ yia nə duꞌtə yia tɨsə viŋ shɔ nə.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

Hibru 12:28

Nɨniŋ, bàw nsiŋ kɨ bwaŋ Nwi, buꞌ laa ŋwə bɔ̀ŋ yifwàŋ tɨ́ nsiŋ faŋ kaꞌ nyə kee nə̀ꞌnə me. Nsiŋ kɨ bwaŋ ŋwə maa yifwàŋ yi yɔ́, buu nsiŋ bəŋsə Nwi maa jɨɨ njyə faŋ nyə bàw too ŋwə. Nsiŋ baa luu kɔ feenə tɨ́ ŋwə, faꞌ tɨ́ ŋwə nə məfee,

Hibru 4:11

Faŋ ŋkə lùu nɨniŋ nə, nsiŋ tweꞌ nə wutə, laa nsiŋ ndɔ gə shəŋ Nwi kɔ́, shə̀ŋ ŋwaa shɔ. Kɨ wə luu taa ŋwaa nsiŋ faŋ ŋwə kee zɨzɔnə me, yuu ndɔ ndi me, yaa vətɨɨ vaŋ-nsiŋ faŋ vəŋ nə kee zɔ̀nə me, kee ŋìi taa shəŋ Nwi me.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.