2 Kɔrintian 5:5 - Vengo (Babungo)

⁵ Nə lòotə nshɨ-tɔ Nwi lòotə nsiŋ maa nu kɔ́. Ŋwə duꞌtə ŋwə kɔ Zwitə Ley ki tɨ́ nsiŋ yaa shwenə ŋkɔꞌnə yi.

2 Kɔrintian 5:5 ပူးပေါင်းရင်းမြစ်များ

Roma 8:23

Kee sɔŋ sheꞌ vətɔ vɔ́ nɨnɔŋ me, sɔŋ nshɨ-tɔ ŋwaa-nsiŋ nɨzi, faŋ nsiŋ kɔlə fì Zwitə Ley Nwi, faŋ lùu mfɔŋsə vətɔ və Nwi. Nɨniŋ, nsiŋ kɨ kɨꞌ yighee njyə faŋ Nwi ndɔ yɨsə nsiŋ luu vaŋ vi ntee, faŋ ŋwə ndɔ kɔ yiŋwaa yifinə tɨ́ nsiŋ.

2 Kɔrintian 1:22

kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

1 Jɔn 3:24

Wə ntɨə faŋ ŋwə jia ntɨsə Nwi nùŋsə, buu ghɔ Nwi gòꞌ fa kəmuꞌ. Nwi nɨzi baa luu gòꞌ taa fwi ŋwə. Nu ŋkɨə faŋ kaꞌ nsiŋ kɨ̀ɨ fɨ fuŋ laa Nwi gòꞌ taa fwisə nsiŋ, luu buꞌ Zwitə Ley Nwi faŋ Nwi nə kɔ̀ tɨ́ nsiŋ nə.