2 Kɔrintian 5:18 - Vengo (Babungo)

¹⁸ Nu kɔ́ kənshə nə ndɔ̀ fɨ ghɔ Nwi, faŋ ŋwə mètə nsɔꞌ nyaa-nsiŋ ghɔ vɨ Nwi yiley, buꞌ Yeso Kristo. Ŋwə baa nùŋsə yia maa faꞌ wi, laa yia kɨ fɨꞌtə tɨ́ vɨɨ faŋ Nwi mètə nsɔꞌsə vɨɨ nə.

2 Kɔrintian 5:18 ပူးပေါင်းရင်းမြစ်များ

Lukas 10:5

Ŋii njyə faŋ viŋ ndɔ ŋii shɔ, viŋ bɨ fɔŋ gì laa, «Mənɔŋ-bwaŋnə taa ŋii nyə̀.»

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:27

Jɔn bəŋsə tɨ́ vəŋ laa, «Kaꞌ wə kee fì fa, maa laa Nwi kɔ̀ tɨ́ ŋwə fɨ yizɔ me.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Roma 11:36

Vətɔ vənshə ndɔ fɨ ghɔ Nwi, shi mbi buꞌ ŋwə, ndɔ baa kɨ bəŋ gə sheꞌ ghɔ ŋwə. Nsiŋ kɨ bəŋsə ŋwə maa vəshi və mbi vənshə. Ŋkə lùu nɨniŋ.

Roma 5:1

Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 11:12

Ŋkee fɨshi Nwi nə ndɨ̀ ghutə wəndɔŋ, bɔ̀ŋ wəzwi shɔ. Luu nə, bì wəzwi bì wəndɔŋ. Ŋkə lùu laa wəzwi ndɔ̀ fɨ ghɔ wəndɔŋ, wəndɔŋ ndɔ fɨ ghɔ wəzwi. Luu nə, nsiŋ kɨ lumə laa vətɔ vənshə ndɔ fɨ ghɔ Nwi.

1 Kɔrintian 12:6

Jɨɨsə faŋ vɨɨ fàꞌ vəfaꞌ maa wutə Nwi lùu nɨŋkwiŋ nɨŋkwiŋ. Luu nə, Nwi faŋ ŋwə kɔ̀ wutə kɔ́ tɨ́ vɨɨ vənshə laa vəŋ kɨ faꞌ vəfaꞌ vɔ́ vənshə nə, luu sheꞌ Nwi ghɔ́ muꞌ.

1 Kɔrintian 3:5

Apɔlɔs sii lùu ndə? Pɔɔl lùu ndə? Maa yia luu sheꞌ vɨɨ faꞌ Nwi, faŋ Nwi nə tɔŋ laa yia gaŋtə viŋ, viŋ nuŋ fwi siŋ maa Yeso Kristo. Yia faꞌ sheꞌ faꞌ ŋgwə faŋ Nwi kɔ̀ tɨ́ yia tɔ tɔ.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

1 Jɔn 4:10

Nɨniŋ ghɔ́, ŋiꞌ nu ŋkɨə faŋ nsiŋ vɨ Nwi kawnə, kee lùu laa zì nsiŋ kɨ kaw Nwi me, lùu laa, nə tèy Nwi kɨ kaw nsiŋ, tɔ̀ŋ ŋwiŋ wi laa ŋwə jwi, sɔ̀ yibɨsə nyaa-nsiŋ.