2 Kɔrintian 5:16 - Vengo (Babungo)

¹⁶ Shù fɨ ndwə yia kee baa kɨ̀ɨ nə wə fɨ maa mbɨꞌtə wə mənsaw me. Yia nə baa kɨ̀ɨ nə Kristo fɨ maa mbɨꞌtə wə mənsaw maa yighee vɨsɨ. Luu nə, yia kee baa kɨ̀ɨ nə ŋwə maa jɨɨ yɔ́ ndwə me.

2 Kɔrintian 5:16 ပူးပေါင်းရင်းမြစ်များ

Matiu 10:37

Wə ntɨə faŋ ŋwə kàw tii wi, tɨꞌnə me nshu wi, shɔ̀ɔ mə, kee kùꞌnə shee me. Wə faŋ ŋwə kàw ŋwiŋ wi wəndɔŋ, tɨꞌnə me wəzwi, shɔ̀ɔ mə, kee kùꞌnə shee me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:14

Viŋ lùu vɨɨmba vaŋ faŋ viŋ yɨ nu ŋkɨə faŋ mə tɨ̀sə viŋ shɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:4

Yeso gi tɨ́ ŋwə laa, «A sii naysə nu kɔ́ shee buꞌ kə, yaa? Yighee nyaa kee ta yikuꞌnə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:15

Viŋ shia nsɔꞌ wə faŋ viŋ ye sheꞌ ŋkɨꞌnə yi nə sɨ. Gə̀ fɨ maa mə, mə kee shia nsɔꞌ wə tuu muꞌ me.

2 Kɔrintian 11:18

Nɨniŋ, faŋ vɨɨ vəyaŋ lùu shɔ faŋ vəŋ koꞌsə yiŋwaa buꞌ nu wə mənsaw nə, mə taa yɨ sheꞌ nɨniŋ,

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Filipi 3:4

Ŋkə yaa toꞌ lùu laa vənu və shɨ nsi luu ŋkee vənu, buu kaꞌ nshɨ-tɔ ŋwaa nùŋ fwi nyaa maa vənu vɔ́. Wə kɨ yɨ lùu shɔ faŋ ŋwə bɨꞌtə laa kaꞌ ŋwə nùŋ fwi yi maa vənu vɔ́, viŋ kɔꞌ kɨɨ laa kaꞌ mə shɔ̀ɔ ŋwə ŋkee maa vənu vɔ́.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.