2 Kɔrintian 5:15 - Vengo (Babungo)

¹⁵ Kristo nə kù tɔ vɨɨ vənshə laa vɨɨ mbɨə faŋ vəŋ lùu vəbwey, kee kɨ duꞌ fɔ vəŋ me, dùꞌ kɨ kɔ yiŋwaa vəŋ tɨ́ wə ntɨə faŋ ŋwə nə kù tɔ vəŋ, baa ywey fɨ shɨ yiku nə.

2 Kɔrintian 5:15 ပူးပေါင်းရင်းမြစ်များ

Lukas 1:74

Ŋwə nə lɨ̀ꞌtə laa yi taa bweysə nsiŋ fɨ ghɔ vɨɨ mbeenə vaŋ-nsiŋ, tɨ́ kaꞌ nsiŋ kɨ faꞌ tɨ́ Nwi, kee fɨfee me,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:57

Tii ŋwaa faŋ ŋwə kìi məbwey yinsəŋ, nə tɔ̀ŋ mə. Nɨniŋ, mə bwey buꞌ ŋwə. Sheꞌ nee, wə ntɨə faŋ ŋwə kwə mbasə ŋwaa ŋwaa, ndɔ bwey buꞌ mə.

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 4:25

Nwi nə kɔ̀ Yeso laa vɨ zwi ŋwə buꞌ yibɨsə nyaa-nsiŋ, baa ywèysə ŋwə fɨ shɨ yiku laa ŋwə kiasə nu kaŋ-nsiŋ, ŋkə loomə.

Roma 6:2

Bey, kee lùu nɨniŋ me, kaꞌ nsiŋ kee bìŋ nɨniŋ me. Faŋ nsiŋ kùkə tɨ́ nu bwə, sii kaꞌ nsiŋ baa bwèy dùꞌ kɨ yɨ nu bwə kɨkə?

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

Roma 8:10

Kɨ luu laa Kristo lùu taa fwisə viŋ, buu yiŋwaa yiŋ lùu fa faŋ ŋkə ndɔ ndi, buꞌ vənu vəbwəvə mbɨə faŋ mbə lùu taa tey yi nə. Luu nə, zwitə kiŋ lùu fa faŋ ŋkə lùu kəbwey ghee nshə, buꞌ laa Nwi kìasə nu kiŋ, ŋkə lùu kəloomə.

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

Roma 8:6

Nu mətə sɨ maa vətɔ və mbasə ŋwaa wə yaa kɨ jwi nə yiku. Nu mətə sɨ maa nu Zwitə Ley Nwi, ndɔ jwi nə məbwey vəlwaŋ, nə məduꞌ-nyɔŋ.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

2 Kɔrintian 5:16

Shù fɨ ndwə yia kee baa kɨ̀ɨ nə wə fɨ maa mbɨꞌtə wə mənsaw me. Yia nə baa kɨ̀ɨ nə Kristo fɨ maa mbɨꞌtə wə mənsaw maa yighee vɨsɨ. Luu nə, yia kee baa kɨ̀ɨ nə ŋwə maa jɨɨ yɔ́ ndwə me.

Galatia 5:25

Zwitə Nwi kɨ luu ŋìi taa ŋwaa nsiŋ, bàw nsiŋ shi nə nshinə njyə faŋ Zwitə Nwi kɔ́ də̀ tɨ́ nsiŋ.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

Kɔlɔsii 3:1

Mə duꞌtə mə gì tɨ́ viŋ laa Nwi ywèysə viŋ fɨ ghɔ yiku, viŋ vɨ Kristo mɔ́ꞌ. Nɨniŋ, viŋ tə sɨ ghiŋ maa vətɔ mbɨə faŋ mbə lùu yizɔ, shəŋ ŋkɨə faŋ Kristo lùu shɔ nə. Ŋwə dùꞌ shɔ maa kwiŋ maꞌnə Nwi.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Kɔlɔsii 3:23

Maa vənu vənshə faŋ vɨ kɔ tɨ́ viŋ, laa viŋ faꞌ nə, viŋ kɨ faꞌ nə fwi yijəə, bɨꞌtə laa viŋ faꞌ tɨ́ Nwi, laa viŋ kee faꞌ sheꞌ tɨ́ wə mənsaw me.

1 Tesalonika 5:10

faŋ ŋwə nə kù tɔ nsiŋ nə. Nɨniŋ, nsiŋ duꞌ nə yikɨꞌ, tɨꞌnə me bɨbwey, nsiŋ duꞌ yinyay nsiŋ vɨ vəŋ.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

1 Pita 4:6

Vɨ nə fɨ̀ꞌtə ntɔŋ yijəə Nwi yɔ́ tɨ́ vəŋku vənsisə nɨzi, laa vəŋgɔlə vəvəŋ ndɔ ŋii nsɔꞌ, luu nə, kaꞌ vəzwitə vəvəŋ ndɔ bwey sheꞌ faŋ Nwi bwèy nə.

1 Jɔn 4:9

Ŋwə nə tɔ̀ŋ yigɨꞌ ŋwiŋ wi mbi laa nsiŋ kii məbwey vəlwaŋ buꞌ ŋwə. Lùu nu ŋkɨə faŋ ŋkawnə Nwi, faŋ Nwi kàw vɨɨ nə, nə fùu yikəꞌ vɨɨ.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.