2 Kɔrintian 5:14 - Vengo (Babungo)

¹⁴ Lùu nɨniŋ buꞌ laa ŋkawnə Kristo sɔꞌ yia. Yia bɨꞌtə laa, faŋ nə kù wə muꞌ tɔ vɨɨ vənshə nə, ŋkə lùu laa vɨɨ vənshə kukə.

2 Kɔrintian 5:14 ပူးပေါင်းရင်းမြစ်များ

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Lukas 15:24

Ŋwiŋ ŋwaa ŋwə̀ nə kù, baa bwèy ndwə. Ŋwə nə ndì, vɨ baa yè ŋwə. Nɨniŋ, vəŋ tey kɨ ŋaytə.

Lukas 15:32

Luu nə, ŋkə kuꞌnə maa məyɨsə məŋaytə, buꞌ laa weenshu wə ŋwə̀ nə ku, baa bwèy ndwə. Ŋwə nə ndì, vɨ baa yè ŋwə ndwə.»

Lukas 24:29

Vəŋ buꞌ ghɔ tɨ́ ŋwə dɨdɨꞌ laa ghɔ vɨ vəŋ shi, buꞌ laa yighee duꞌtə nyə shɔ̀ɔ, fu kɨ nii fɨfəŋ. Nɨniŋ, ŋwə gə laa ghɔ vɨ vəŋ shi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:25

Yeso bəŋsə tɨ́ ŋwə laa, «Məywey fɨ shɨ yiku nə məbwey vəlwaŋ ndɔ̀ fɨ ghɔ mə. Wə tɨ̀ me wə faŋ ŋwə nùŋ fwi yi maa mə, baa kɔlə kɨku, ŋwə ndɔ kii məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:25

Viŋ zɔ! Mə gì tɨ́ viŋ yinsəŋ laa, yighee kɨkuꞌ, kaꞌ mə gì laa nyə duꞌtə nyə kùꞌ, faŋ vəŋku-kɨ-duꞌ taa zɔ gɨ Wee Nwi. Nɨniŋ, vəŋku və vɨɨ mbɨə faŋ vəŋ zɔ̀ gɨ Wee Nwi yɔ́, taa ywey fɨ shɨ yiku.

Akts 18:5

Yighee njyə faŋ Silas ghɔ Timoti nə ndɔ̀ fɨ shɨ Makedonia, bèꞌsə Pɔɔl, jwì Kɔrint, Pɔɔl faꞌ maa nu Nwi ŋkee nə wutə, fɨꞌtə̀ tɨ́ vɨɨ Jus laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə tɨ́ vɨɨ nə.

Roma 2:2

Nsiŋ kɔꞌ kɨɨ laa Nwi kwàŋ vɨɨ mbɨə faŋ vəŋ yɨsə kəŋ vənu vɔ́ taa nsɔꞌ Nwi faŋ nu yinsəŋ ndɔ fuu kəley.

Roma 5:15

Luu nə, nu gəŋsə Nwi faŋ Nwi kee gəŋsə vɨɨ nə, kee lùu yaa nu Adam me, faŋ ŋwə nə gù nu nə me. Wə muꞌ, faŋ lùu Adam, nə gù nu, buu vɨɨ vənshə kukə shɔ. Gə fɨ maa gəŋsə Nwi, nyə kwàlə shɔ̀ɔ nu kɔ́ tɨ́ vɨɨ vəyaŋ, faŋ vəŋ ndɔ zɨ məbwey vəlwaŋ buꞌ wə muꞌ nɨzi, faŋ lùu Yeso Kristo.

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

1 Kɔrintian 16:22

Kɨ luu wə kee kaw tɨta Yeso me, ndwaŋ tɔ ŋwə. «Maranata! Tɨta Yeso jwi!»

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

2 Kɔrintian 3:7

Viŋ lumə nu kɔ́ŋ faꞌ ntɨsə Nwi. Yighee njyə faŋ Nwi nə kɔ̀ ŋwaꞌlə ntɨsə, faŋ vɨ nə nyɔ̀ꞌ fuu ŋoꞌ nə, tɨ́ Mose, yikəꞌ Mose nə ndwaꞌlə, tɨ́ kaꞌ vɨɨ Isirayl kee ndeynə yikəꞌ yi me, faŋ məndwaꞌlə wi ghɔ́ nə kɔlə kee lùu nu faŋ ŋkə taa tay me. Nɨniŋ, ntɨsə Nwi sɔ́ nə luu nu məley, faŋ nsə nə kɔlə jwi nə yiku tɨ́ vɨɨ nə.

2 Kɔrintian 3:9

Faŋ faꞌ ŋgwə faŋ ŋwə nə yɨ̀ vɨɨ gu nsɔꞌ Nwi nə, nə jwì nə məley nə, buu faꞌ ŋgwə faŋ ŋwə yɨ vɨɨ kiasə baa tɨ̀ŋnə jəə nə, bàw shɔ̀ɔ yiŋgwii ŋkee ghee yaŋ.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

Kɔlɔsii 2:13

Yighee vɨsɨ viŋ yaa luu yaa vəŋku və vɨɨ, viŋ nə kee kìi məbwey yinsəŋ me, buꞌ faŋ viŋ nəə yɨsə vənu vəbwəvə, kee bee lùu vɨɨ Nwi me. Luu nə, Nwi bweysə nsiŋ, ndènə yibɨsə nyaa-nsiŋ, buꞌ faŋ ŋwə nə ywèysə Kristo fɨ shɨ yiku.

Kɔlɔsii 3:3

Viŋ kɔꞌ kɨɨ laa viŋ duꞌtə viŋ ku tɨ́ vətɔ vɔ́ fɨ shɨ nsi. Məbwey fi faŋ viŋ kìi ndwə nə, lùu ghɔ Kristo. Nwi duꞌtə Nwi kɔ məbwey fi ghɔ́ tɨ́ viŋ, faŋ kɔlə kaꞌ wə kee ta yiye me.

1 Timoti 2:6

Ŋwə nə kɔ̀ ŋwaa wi, kù tɔ vɨɨ vənshə maa məbweysə vəŋ. Lùu nu ŋkɨə faŋ Nwi nə nùŋsə laa vɨ ndɔ kɨ fɨꞌtə tɨ́ vɨɨ faŋ yighee kuꞌnə.

1 Timoti 5:6

Luu nə, zu ŋku mɔ́ꞌ kɨ luu toꞌ zɨ shɨ, buu ŋwə toꞌ lùu ŋku wə.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

1 Pita 1:8

Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.

1 Jɔn 5:19

Nsiŋ kɔꞌ kɨɨ laa nsiŋ lùu vɨɨ Nwi. Gə fɨ maa vɨɨ mbi, mbi yinshə lùu ghɔ tɨɨ vəzwitə vəbwəvə.