2 Kɔrintian 5:13 - Vengo (Babungo)

¹³ Kɨ luu laa yia kəꞌ yuu vɨɨ ŋgienə, buu ŋkə lùu maa məfaꞌ tɨ́ Nwi. Yia kɨ luu kɨ gisə tɔ ley, buu ŋkə lùu tɨ́ viŋ.

2 Kɔrintian 5:13 ပူးပေါင်းရင်းမြစ်များ

Mark 3:21

Vɨɨ ŋiinə Yeso zɔ kɔŋ vənu və Yeso, fùu kɨ gə maa məndi ŋwə, buꞌ laa vɨ nə gì laa, tɔ ki bɨbuulə.

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

2 Kɔrintian 11:1

Ŋkə bàw laa viŋ taa meꞌtə mə, faŋ mə kɔlə gi nu vəmfaw, viŋ meꞌtə mə.

2 Kɔrintian 12:11

Mə gisə yaa mfaw, luu nə, yɨ̀ viŋ laa mə kɨ yɨ nɨniŋ. Nə luu nu kiŋ maa məbəŋsə mə, buꞌ laa vɨɨ mbɨə faŋ viŋ tii nə vɨɨ ntɔŋ Kristo vəkwalə nə, kee bee shɔ̀ɔ mə me, faŋ mə kɔlə lùu wuu dayday.

2 Kɔrintian 12:6

Mə toꞌ kɨ kəə kɨ koꞌsə ŋwaa, buu mə kee taa luu mfaw me, buꞌ laa mə taa kɨ gisə yinsəŋ. Luu nə, mə mèꞌtə, laa kɨ wə kii mbɨꞌtə yiweꞌ yimɔ́ꞌ buꞌ mə me, shɔ̀ɔ faŋ ŋwə yè faŋ mə yɨsə, zɔ̀ faŋ mə gisə.

2 Kɔrintian 7:12

Faŋ mə nə nyɔ̀ꞌ ŋwaꞌlə ghɔ́ tɨ́ viŋ nə, mə nə kee nyɔ̀ꞌ buꞌ wə ghɔ́ faŋ ŋwə nə gù nu maa wə mɔ́ꞌ me, kee nyɔ̀ꞌ buꞌ wə yiŋgwii faŋ vɨ nə yɨ̀ nu bwə maa ŋwə nə me. Mə nə ŋwaꞌlə sheꞌ laa ŋkə fuu ntee taa ŋwaa viŋ vɨsɨ Nwi, laa viŋ weꞌ maa nu kia. Nɨniŋ, fwi sia zutə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.