2 Kɔrintian 5:10 - Vengo (Babungo)

¹⁰ Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

2 Kɔrintian 5:10 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Akts 10:42

Ŋwə nə nàysə tɨ́ yia laa yia kɨ fɨꞌtə nu Yeso tɨ́ vɨɨ, baa naysə tɨ́ vɨɨ laa, Nwi nùŋsə Yeso laa ŋwə luu wuu məshia nsɔꞌ vɨɨ bweynə nə vəŋku vənsisə.

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

Roma 2:16

Nu kɔ́ ndɔ fuu ntee maa shi ŋkɨə faŋ Nwi ndɔ shoꞌtə vənu və vɨɨ faŋ vəŋ nə ndɨə. Mfɨꞌ yi ndɔ luu ntɔŋ yijəə Nwi buꞌ Yeso Kristo, faŋ mə fɨꞌtə tɨ́ vɨɨ nə.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

2 Kɔrintian 7:3

Mə kee gì nu kɔ́ laa mə bɨsə viŋ me. Maa mə duꞌtə mə gi laa viŋ lùu taa fwisə yia, tɨ́ kaꞌ nsiŋ kùkə mɔ́ꞌ, baa ywèy mɔ́ꞌ.

Efesɔs 6:8

Viŋ kɔꞌ kɨɨ laa, wə kɨ luu yɨ̀ nu jəə, buu ndɔ bəŋsə tɨta Nwi tɨ́ ŋwə, faŋ wə ghɔ́ kɔlə lùu buꞌ, tɨꞌnə me luu ŋkee mbinə mbinə.

Hibru 9:27

Nu ŋkɨə faŋ ŋkə lùu kəley, lùu laa wə tɨ̀ me wə ndɔ ku shi mɔ́ꞌ, buu Nwi kɨ nii shìa nsɔꞌ tɔ ŋwə maa vənu mbɨə faŋ ŋwə nəə yɨsə.

1 Pita 4:5

Luu nə, vəŋ ndɔ ghaa kɔ bəŋsə yigi tɨ́ Kristo faŋ ŋwə lòotə ŋwaa maa məjwi sɔ̀ꞌ vənu və vɨɨ bweynə, nə vənu və vəŋku vənsisə.

Reveleyshən 2:23

Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.

Reveleyshən 22:12

Yeso gì laa, «Viŋ zɔ! Mə taa yasə jwi, kɨ jwi, jwì nə vəkeynə ghɔ mə, maa məkɔ tɨ́ vɨɨ vənshə maa vəfaꞌ vəvəŋ.