2 Kɔrintian 5:1 - Vengo (Babungo)

¹ Nsiŋ kɔꞌ kɨɨ laa yiŋwaa nyaa-nsiŋ lùu yuu vəbee faŋ vɨ ndɔ sɔꞌ. Yighee njyə faŋ vɨ ndɔ sɔꞌ vəbee vɔ́, nsiŋ kɨ nii fì yiŋwaa yimɔ́ꞌ fɨ ghɔ Nwi, faŋ nyə lùu yaa ŋii faŋ vɨ fianə taa yizɔ tɨ́ nsiŋ, kee fianə nə ghɔ me. Nyə taa goꞌsə yighee muꞌ.

2 Kɔrintian 5:1 ပူးပေါင်းရင်းမြစ်များ

Mark 14:58

«Yia nə zɔ̀ faŋ ŋwə nə gì laa yi taa dɔŋsə ŋii Nwi yikwalə nyə̀, faŋ vɨ nə fianə nə ghɔ, baa bɔŋ yiday, kee nə ghɔ me, maa vəshi vətia.»

Akts 7:48

Faŋ ŋkə nə kɔlə lùu nɨniŋ nə, Nwi fɨ taa yizɔ kee yaa kɨ shi taa ndɔꞌ faŋ fìa vɨɨ me, yuu nshiiŋii-sɔghɔ nə naysə.

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

2 Kɔrintian 4:7

Nu Nwi kwalə kɔ́ lùu yaa ŋkee fa jəə faŋ vɨ nùŋ taa vəntɨɨ və shɔꞌ. Yia lùu yaa vəntɨɨ vɔ́. Lùu nɨniŋ laa ŋkə luu kəley laa wutə kwalə ŋkɨə faŋ ŋkə faꞌ taa ŋwaa yia, lùu ŋkə Nwi; ŋkə kee ndɔ̀ fɨ ghɔ yia me.

2 Kɔrintian 5:4

Yighee njyə faŋ nsiŋ kɨ bii taa yiŋwaa nyaa-nsiŋ shɨ nsi nyə̀, nsiŋ sɔŋ, baa saŋ ŋwaa, buꞌ laa nsiŋ kee kàw laa vɨ bɨ sɔ̀ꞌ vəbee vaŋ-nsiŋ vɔ́, buu nsiŋ fi məbwey me. Nu ŋkɨə faŋ ŋkə bàw tɨ́ nsiŋ lùu laa vɨ fianə ndɔꞌ finə ghɔ́ sheꞌ tɔ vəbee vaŋ-nsiŋ vɔ́. Nɨniŋ laa məbwey vəlwaŋ ndɔ melə təŋwaa taŋ-nsiŋ faŋ ntə lùu fa yiku nə.

Kɔlɔsii 2:11

Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

Hibru 11:10

Abraham nəə kɨꞌ laa Nwi ndɔ kɔ shɨ weꞌ tɨ́ ŋwə faŋ fìanə nshɨ-tɔ Nwi tɨ́ ŋwə, faŋ ŋkə tɨ̀ŋnə weꞌ, tɨ́ kaꞌ ŋkə kee gù me.

Hibru 9:11

Luu nə, gə fɨ maa Kristo, ŋwə nə jwì yaa wuu kwalə məfeꞌ Nwi faŋ ŋwə faꞌ faꞌ wi maa shəŋ ŋkɨə faŋ ŋkə kwalə shɔ̀ɔ shəŋ məkɔ Nwi fɨ shɨ nsi nyə̀, faŋ ŋkə baa lùu kəjəə shɔ̀ɔ ŋkə shɨ nsi. Nə kee bɔ̀ŋ vɨɨ bɔ̀ŋ shəŋ kɔ́ me; shəŋ kɔ́ kee bee lùu shɨ nsi nyə̀ me. Kristo jwì yaa wuu məkɔ Nwi kwalə tɨ́ kaꞌ vɨɨ ndɔ zɨ məbwey vəlwaŋ.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.

1 Jɔn 3:14

Nsiŋ kɔꞌ kɨɨ laa, nsiŋ fuu fɨ shuu yiku, ŋìi taa məbwey vəlwaŋ. Nsiŋ kɨɨ buꞌ faŋ nsiŋ kaw vaŋ-nshwi vaŋ-nsiŋ. Wə ntɨə faŋ ŋwə kee kaw weenshu wi me, gòꞌ shuu yiku.

1 Jɔn 3:19

Kaꞌ nsiŋ kɔꞌ kɨɨ laa, nsiŋ lùu vɨɨ məbiŋ nu yinsəŋ. Kaꞌ fwi saŋ-nsiŋ kee kɨ lɔꞌ vɨsɨ Nwi me.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.