2 Kɔrintian 4:8 - Vengo (Babungo)

⁸ Vɨɨ gɔ yia, yindiasə yia kee mè me. Tɔ kia shii, luu nə, vənu kee tə yia ləə vəkɨŋ me.

2 Kɔrintian 4:8 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:18

Nɨniŋ, mə kee mèꞌ viŋ laa viŋ luu vaŋ vəti me; mə ndɔ baa jwi ye viŋ.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Kɔrintian 6:12

Shəŋ kiŋ kee bə̀ə fɨ taa fwisə yia me; shəŋ bəə sheꞌ fɨ taa fwisə viŋ.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 7:5

Faŋ yia nə jwì Makedonia, yia nə kee kìi məshəŋ ŋwaa me; yia kii ŋɨꞌ maa vəshəŋ vənshə. Vɨɨ kɔ ŋɨꞌ tɨ́ yia. Fwi sia ghaysə yia nɨzi.

Galatia 4:20

Mə kàw laa nsiŋ lùu mɔ́ꞌ sheꞌ ndwə ndwə, tɨ́ kaꞌ mə kɨ̀ɨ maa mənaysə vənu və̀ tɨ́ viŋ maa jɨɨ yijəə, buꞌ laa mə kee kɨ̀ɨ nə tɔ kaŋ maa vənu viŋ me.