2 Kɔrintian 4:16 - Vengo (Babungo)

¹⁶ Nɨniŋ, kaꞌ yia kee bwa me. Yiŋwaa yia kɔlə ye ŋɨꞌ, Nwi weꞌsə fwi sia, nsə gù fa fi shi shi.

2 Kɔrintian 4:16 ပူးပေါင်းရင်းမြစ်များ

Lukas 11:3

Kɔ yia shi shi nə fazɨ faŋ ŋkə kùꞌnə maa shi.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 7:22

Mə biŋ ntɨsə Nwi nə məŋaytə fɨ taa fwi mə.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

Efesɔs 3:16

Faŋ yikwalə Nwi lùu yiyaŋ dɨdɨꞌ nə, mə buꞌ ghɔ tɨ́ ŋwə laa ŋwə yɨsə Zwitə ki kuꞌsə wutə maa viŋ, tɨ́ kaꞌ fwi siŋ weꞌ maa nu ki.

Efesɔs 4:23

Nɨniŋ, nu kiŋ nə luu laa viŋ kwiinə fwi siŋ, nsə bɔŋsə maa Zwitə Nwi.

Kɔlɔsii 3:10

Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.

Taytəs 3:5

Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

1 Pita 3:4

Viŋ bee kɨ lɔꞌnə fɨ taa fwisə viŋ. Viŋ jia fwi siŋ, bwasə yiŋwaa yiŋ, buꞌ laa kəŋ vəlɔꞌ yimbii kee yaa kɨ bɨsə me, mbə kìi vəkeynə fɨ ghɔ Nwi, yaa fa faŋ ŋkə bàw shɔ̀ɔ ki.

1 Pita 4:14

Kɨ luu laa vɨ ndasə viŋ buꞌ faŋ viŋ lùu vɨɨ Kristo, buu mənɔŋ-bwaŋnə luu ŋgwiŋ, buꞌ laa Zwitə Nwi faŋ ŋkə bàw shɨlə, lùu taa ŋwaa viŋ.