2 Kɔrintian 4:15 - Vengo (Babungo)

¹⁵ Vənu vɔ́ vənshə luu buꞌ viŋ, tɨ́ kaꞌ gəŋsə Nwi, faŋ Nwi kee gəŋsə vɨɨ nə, gə̀ nə vɨsɨ, kɨ yɨsə nwaa vɨɨ mbɨə faŋ vəŋ bwaŋ Nwi yaŋ, yizii Nwi kwalə shɔ.

2 Kɔrintian 4:15 ပူးပေါင်းရင်းမြစ်များ

Roma 8:28

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

1 Kɔrintian 9:19

Mə lùu wə faŋ mə toꞌ fɨ tɔ mə, wə kee sɔꞌ mə me. Luu nə, faŋ ŋkə kɔlə lùu nɨniŋ, mə gù buꞌ tɨ́ vɨɨ vənshə, tɨ́ kaꞌ mə yɨ̀sə laa vɨɨ vəyaŋ jwi bèꞌsə Yeso Kristo.

2 Kɔrintian 1:11

Viŋ taa kɨ gaŋtə yia nɨzi, faŋ viŋ shɔꞌtə Nwi tɔ yia. Nɨniŋ laa vɨɨ vəyaŋ kɨ bwaŋ Nwi tɨ́ yia, buꞌ laa ŋwə bwèysə yia faŋ vɨɨ vəyaŋ bùꞌ ghɔ tɨ́ ŋwə nə.

2 Kɔrintian 8:19

Yia kee tɔ̀ŋ ŋwə sheꞌ buꞌ yiŋkii nu me; vəməshəŋtə və vɨɨ Nwi nə shòꞌ ŋwə laa ŋwə kɨ toꞌ yia vɨ vəŋ ghuu kəmuꞌ maa nu vətɔ mbɨə faŋ nsiŋ shwaꞌtə maa məgaŋtə vaŋ-nshwi vaŋ-nsiŋ fɨ shɨ Jerusalem nə. Yia nə tey nu məshwaꞌtə kɔ́, tɨ́ kaꞌ nsiŋ kɨ bəŋsə Mɔꞌmbi shɔ, baa nə maa mədə njyoꞌ yijəə yia shɔ.

Galatia 1:24

Nɨniŋ, vəŋ nə bə̀ŋsə Nwi buꞌ mə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.