2 Kɔrintian 3:7 - Vengo (Babungo)

⁷ Viŋ lumə nu kɔ́ŋ faꞌ ntɨsə Nwi. Yighee njyə faŋ Nwi nə kɔ̀ ŋwaꞌlə ntɨsə, faŋ vɨ nə nyɔ̀ꞌ fuu ŋoꞌ nə, tɨ́ Mose, yikəꞌ Mose nə ndwaꞌlə, tɨ́ kaꞌ vɨɨ Isirayl kee ndeynə yikəꞌ yi me, faŋ məndwaꞌlə wi ghɔ́ nə kɔlə kee lùu nu faŋ ŋkə taa tay me. Nɨniŋ, ntɨsə Nwi sɔ́ nə luu nu məley, faŋ nsə nə kɔlə jwi nə yiku tɨ́ vɨɨ nə.

2 Kɔrintian 3:7 ပူးပေါင်းရင်းမြစ်များ

Akts 6:15

Vɨɨ məshia nsɔꞌ vənshə shaꞌsə sɨ vəŋ, ndèynə Stefen, ye laa yikəꞌ yi lùu yaa yikəꞌ nshiiŋii Nwi.

Roma 10:4

Vəndwə və ntɨsə Nwi lùu Yeso Kristo faŋ ŋwə yɨsə laa nu wə kiasə lòomə, buꞌ faŋ ŋwə nùŋ fwi yi maa ŋwə.

Roma 4:15

Lùu nɨniŋ buꞌ laa ntɨsə Nwi yɨsə sheꞌ laa nsɔꞌ Nwi ndɔ ŋii maa vɨɨ, buꞌ faŋ vəŋ kee kɨɨ maa mənuŋsə ntɨsə sɔ́ me. Wə ntɨə faŋ ntɨsə sɔ́ kee lùu shɔ tɨ́ ŋwə me, buu kaꞌ ŋwə kee gù nu maa ntɨsə sɔ́ me.

Roma 5:20

Gə fɨ maa ntɨsə Nwi, nsə kee kìi nu shɔ me; nsə nə jwì sheꞌ laa nu bwə yàŋ. Luu nə, shəŋ ŋkɨə faŋ nu bwə lùu shɔ kəyaŋ, gəŋsə Nwi yaŋ shɔ shɔ̀ɔ ki.

Roma 7:10

Faŋ nu bwə nə jwì nɨniŋ, yɨ̀sə mə ndɔ ku. Nɨniŋ, ntɨsə Nwi faŋ nsə nə jwì maa məkɔ məbwey tɨ́ vɨɨ nə, yɨsə mə ku.

Roma 7:22

Mə biŋ ntɨsə Nwi nə məŋaytə fɨ taa fwi mə.

Roma 7:5

Yighee njyə faŋ nsiŋ nəə shi yaa vɨɨ mbɨə faŋ vəŋ yɨ sheꞌ nu ŋkɨə faŋ ŋwaa vəŋ kàw, fwi saŋ-nsiŋ nəə ndɔ maa vənu vəbwəvə. Nə yɨ ntɨsə Nwi laa fwi saŋ-nsiŋ ndɔ maa vənu vəbwəvə vɔ́, kwaanə vətaŋ faŋ mbə jwi nə yiku tɨ́ nsiŋ.

1 Kɔrintian 13:10

Yighee njyə faŋ Nwi ndɔ yɨsə vənu vənshə fuu ntee sɨ vɨɨ, buu vənu vɔ́ faŋ mbə kee yikuꞌnə nə me, ndɔ mè.

2 Kɔrintian 3:3

Ŋkə lùu kəley laa viŋ luu ŋwaꞌlə Kristo faŋ nyɔ̀ꞌ yia, buꞌ faŋ yia nə faꞌ faꞌ Nwi nə. Vɨ nə kee nyɔ̀ꞌ ŋwaꞌlə ghɔ́ nə muu mə ŋwaꞌlə me; vɨ nyɔ̀ꞌ nə Zwitə Nwi faŋ ŋkə kɔ məbwey. Vɨ nə kee nyɔ̀ꞌ fuu waytə bɨlaŋ me, vɨ nyɔ̀ꞌ fuu fənyway fə fwisə vɨɨ.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

2 Kɔrintian 3:8

Faŋ ŋkə lùu nɨniŋ, buu faꞌ Zwitə Nwi taa luu kɨkə? Maa ŋkə bàw shɔ̀ɔ yiŋkii.

Galatia 3:10

Gə fɨ maa vɨɨ mbɨə faŋ vəŋ tə̀ sɨ laa vəŋ nuŋsə ntɨsə Nwi, nsɨə faŋ Nwi nə kɔ̀ tɨ́ vɨɨ Jus nə, laa vəŋ taa luu vɨɨ leynə kwiŋ Nwi, buu nsɔꞌ Nwi tɔ vəŋ. Ŋkə lùu nɨniŋ buꞌ laa ŋkə lùu faŋ vɨ nyɔ̀ꞌ taa ŋwaꞌlə Nwi laa, «Wə tɨ̀ me wə faŋ ŋwə kee zɔnə vənu vənshə faŋ vɨ nyɔ̀ꞌ taa ŋwaꞌlə ntɨsə me, kee yɨsə vənu vɔ́ vənshə me, buu nsɔꞌ Nwi tɔ vəŋ.»

Galatia 3:21

Ŋkə nə də̀ laa ntɨsə kee biŋ ŋkɔꞌnə njyə faŋ Nwi kɔ̀ꞌnə yimu? Bey, ŋkə kee lùu nɨniŋ me. Ntɨ yimɔ́ꞌ yaa toꞌ lùu shɔ faŋ nyə kɔ̀ məbwey tɨ́ vɨɨ, buu kaꞌ nsə yɨ̀sə vəŋ lùu vəloomə vɨsɨ Nwi. Luu nə, kəŋ ntɨ yɔ́ kee lùu shɔ me.

Hibru 12:18

Viŋ lumə shəŋ ŋkɨə faŋ viŋ tɨ̀ŋ shɔ nə. Viŋ kee lùu yaa vɨɨ Isirayl mbə ywaŋ-vɨsɨ me. Vəŋ nə tɨ̀ŋ yɨ baŋ Sinai, faŋ lùu fa faŋ kaꞌ vɨ kɔ̀ŋ nə ghɔ taa mbi nyə̀. Wisə nə bii fɨ fuu baŋ yɔ́. Fu fəŋ laa shiŋ. Fɨɨ shɔɔ fɨ fuŋ kəweꞌ.

Hibru 3:3

Ŋkə kùꞌnə laa vɨ kɨ kɔ feenə tɨ́ Yeso shɔ̀ɔ Mose, sheꞌ faŋ vɨ kɔ feenə tɨ́ wə ntɨə faŋ ŋwə fia ŋii, shɔ̀ɔ ŋkee ŋii yɔ́.

Hibru 9:4

Maa shəŋ kɔ́, vɨ kìi shəŋ mɔ́ꞌ faŋ vɨ twaŋ vəndiŋ shɔ, mbə luŋsə vəjəə tɨ́ Nwi. Vɨ nə bɔ̀ŋ shəŋ kɔ́ nə goolə. Ŋwaꞌ məkee Nwi lùu maa shəŋ kɔ́ nɨzi. Vɨ nə lii nshətə ŋwaꞌ ghɔ́ nə mbɨɨ yi yinshə nə goolə. Taa ŋwaꞌ ghɔ́ vɨ nə nùŋ ntɨɨ shɔ faŋ vɨ bɔ̀ŋ nə goolə, nə fazɨ ŋkɨə faŋ ŋkə nə ndɔ̀ fɨ ghɔ Nwi, faŋ vɨ tii nə mana taa tey yi. Mbay Aarɔn faŋ nyə nə sɔꞌ nə, lùu taa tey yi nɨzi, baa nə ŋoꞌsə sì səbɔɔ, faŋ Nwi nə nyɔ̀ꞌ ntɨ si fuu yi nə.