2 Kɔrintian 3:17 - Vengo (Babungo)

¹⁷ Tɨta Kristo lùu Zwitə Nwi. Wə ntɨə faŋ Zwitə tɨta Kristo ŋìi taa fwi ŋwə, buu ŋwə dùꞌ tɔ ŋwə.

2 Kɔrintian 3:17 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:32

Nɨniŋ, viŋ taa kɨɨ nə nu ŋkɨə faŋ ŋkə luu nu yinsəŋ. Nu yinsəŋ kɔ́ yɨ viŋ kee baa lùu vəbuꞌ me.»

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

1 Kɔrintian 15:45

Lùu faŋ vɨ nə nyɔ̀ꞌ taa ŋwaꞌlə Nwi laa, Nwi nə bɔ̀ŋ Adam, faŋ nə lùu mfɔŋ wə faŋ ŋwə kìi məbwey. Adam mɔ́ꞌ baa lùu shɔ faŋ ŋwə nə jwì fɨ yiba. Luu Kristo faŋ ŋwə lùu wuu Zwitə Nwi, faŋ ŋwə kɔ məbwey tɨ́ vɨɨ.

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

Galatia 5:1

Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

2 Timoti 1:7

gə nə vɨsɨ. Zwitə ŋkɨə faŋ Nwi nə kɔ̀ tɨ́ nsiŋ nə, kee lùu zwitə maa məfee me. Zwitə kɔ́ bee kii yɨ̀sə wutə lwaŋ taa ŋwaa-nsiŋ, nə ŋkawnə, nə məjiatə ŋwaa.