2 Kɔrintian 3:14 - Vengo (Babungo)

¹⁴ Nɨniŋ, fwisə vəŋ luu səshii. Njwi yɔ́ kɨ bii sɨ vəŋ, kɔ tɔ və-ndee maa yighee njyə faŋ vɨ tii ŋwaꞌlə Nwi kɔ̀ŋ məkee məmwamə mbɔ́. Vɨ kee bàꞌsə njwi yɔ́ me, buꞌ laa Nwi bàꞌsə sheꞌ tɨ́ wə ntɨə faŋ ŋwə nùŋ fwi yi maa Kristo.

2 Kɔrintian 3:14 ပူးပေါင်းရင်းမြစ်များ

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 6:23

Luu nə, yisɨ yə bɨ, buu ŋwaa wə nshə taa luu nə mfiŋsə. Kɨ luu kiꞌ wə ndɨɨnə, buu fwi yə taa fəŋ laa shiŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:40

«Nwi shìtə sɨ vəŋ baa yɨ̀ vəŋ luu vɨɨ vətɔ vəshiivə, tɨ́ kaꞌ vəŋ kee yè məley me, kee kwìinə fwisə vəŋ maa məkɨɨ nə nu yinsəŋ me, kee kwiinə nshinə vəŋ, tɨ́ kaꞌ Nwi shuꞌ vəŋ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Akts 13:15

Vɨ tii vənu fɨ taa ŋwaꞌlə ntɨsə Nwi, nə fɨ taa ŋwaꞌlə nshiisə-ŋii sɔghɔ, mètə, vɨɨ kwalə fɨ taa ŋii məshɔꞌtə Nwi tɔŋ ntɔŋ maa Pɔɔl ghɔ Barnabas, gì tɨ́ vəŋ laa yigi yimɔ́ꞌ lùu shɔ ghɔ vəŋ maa mətɨsə vɨɨ, bàw vəŋ gi.

Akts 15:21

Bàw nsiŋ yɨ nɨniŋ, buꞌ laa vɨ tii ntɨsə Mose taa ndɔꞌ məshəŋtə Nwi maa vəshəŋ vənshə, shù ŋkee fɨshi maa vəshi və zwisə vənshə.»

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

2 Kɔrintian 3:15

Yighee tɨ̀ me yighee faŋ vɨ tii ŋwaꞌlə Mose, njwi yɔ́ shitə fwisə vəŋ, kɔ tɔ və-ndee.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Efesɔs 4:18

Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.